Ich Ru^odolf von Scherffenberch vergich mit disem prief vnt tu^on chunt allen den die in sehent, hoerent, lesent, daz ich mich vmb die sache vnt ich wider meinen herren pischof Chuenrat von Freysing vnt wider meinen vreunt hern Velrich von Waltsse getan han an der veste ze Preysekk, genczlich vnt enzichlich an sev gesaczt han, also waz der vorgenante mein herre pischof Chu^onrat von Freysing vnt mein vreunt her Vlrich von Waltsse dar vber sprechent daz ich dar vmb tu^on sol, des schol ich in vollechlich vnt willich sein ze tun, des verpint ich mich gegen in mit vrchunt dicz priefs den ich in geben han ze einem vrchunt der warhait versigelt mit meinem insigel. Der prief ist geben ze Grecz, da man zalt von Christes gepurde dreuzehenhundert jar vnt dar nach in dem siben vnt zwainzgistem jar, des nahsten Phincztags nach sand Johans tage ze Sunbenten.

Source Fulltext: ZAHN, Codex Diplomaticus (=FRA II/35, Wien 1871) S. 160