Ich Wlfing von Mitterdorf vnd Chu^onrat sein pru^oder, hern Chu^onratz saelgen sun von Winklern vergehent offenlich an disern prief das wir gar vnt gaentzleich beriht sigint (!) mit vnserm herren pyschof Chu^onrat von Freysingen vnd mit seinem gotzhaus vmb das holtz das er hies nider schlachen vnd abhowen in dem Chrumpeken, vnt sullen furpasss an in noch an sein gotzhaus dechain vordervng noch ansprach haben vmb das vorgenant holtz. Vnt ze ainem offen vrchvnd habend wir vnserm vorgenanten herren byschof Chu^onrat von Freysingen vnd seinem gotzhaus disen brief gegeben versigelten mit vnseran (!) insigeln. Dirre prief ist ist gegeben ze Weltz do man zalt von Christes gepurt drutzehen hvndert jar, dar nach in dem vier vnd dreisigesten jar, des naehsten Vreitages nach Tyburcij et Valeriani.

Source Fulltext: ZAHN, Codex Diplomaticus (=FRA II/35, Wien 1871) S. 218