Nos Albertus dei gratia Patauiensis episcopus ad vniuersorum notitiam deducimus per presentes, quod super dissensione seu controuersia que super decimis in Randegg inter reuerendum patrem dominum Chunradum episcopum Frisingensem ex parte vna et nos ex altera iam dudum est ventilata, taliter inter nos amicabiliter duximus concordandum, videlicet quod idem dominus Frisingensis in nobilem virum Johannem de Chunring et Pilgrimum de Prannstorf officialem curie nostre infra Anasum, nos vero in fideles nostros Alramum de Reycherstorf et Bernhardum de Jesnitz tamquam in arbitros et arbitratores seu amicabiles compositores simpliciter et de piano compromisimus, videlicet quod ipsi in festo natiuitatis beati Johannis baptiste proxime affuturo in Amsteten conueniant et litteras seu instrumenta vel priuilegia vtriusque partis si que producta fuerint, audire et diligenter discutere debeant et antiquiores vicinos seu circumsedentes iuxta predia decimarum predictarum audire ac sub iuramentis eorum scrutari et quidcumque scrutatione huiusmodi et litterarum predictarum auditione et discussione premissis arbitrati fuerint, hoc absque contradictione qualibet ab vtraque parte gratum et ratum debebit obseruari. Si tamen arbitros predictos in promulgacione arbitrii huiusmodi discordes inueniri contingeret, tunc validus miles Ortliebus Zendel magister curie nostre superarbiter esse debebit, et cui parti idem adherebit, illiits arbitrium firmum et stabile manere debebit et a nobis ac successoribus nostris inuiolabiliter perpetuo obseruari. Verum si aliquem ex compromissariis antedictis aliquo legittimo impedimento preoccupari contingat quod die predicta ad locum prelibatum fortassis venire non valeat, tunc competenti interuallo ante diem premissam parti aduerse hoc insinuare debebit et alium diem breuem prefingere in qua omnia et singula antescripta absque longiori protractatione finaliter compleantur. Premissa omnia et singula firmiter et inuiolabiliter obseruare bona fide promittimus harum testimonio litterarum sigilli nostri appensione munitarum. Actum et datum Wienne, Vrbani pape, anno domini millesimo CCCXXX. quarto.

Source Fulltext: ZAHN, Codex Diplomaticus (=FRA II/35, Wien 1871) S. 221-222