Ego Hilbrandus Hak plebanus in Lok Aquilegensis diocesis notum facio presentibus inspectoribus universis, quod prehabito consilio sano et maturo ac domini Hainrici mee dicte plebis vicarii perpetuati ac omnium meorum capellanorum favore honorabili viro domino Ottakaro plebano in Stayn dicte diocesis consensum, nutum et favorem tribui, dedi et errogavi monasterium ordinis sancte Clare pro divino cultu celebrando in dicta nostra plebe in civitate Lok inferius prope castrum construendi, edificandi et fundandi singulis conditionibus et interpositionibus subscriptis ordinabiliter observandis, primo quarta pars singularum oblationum mortuorum, festivitatum et feriarum que super altare eiusdem monasterii perventa nulla inclusa lite mee ecclesie nuncioque meo aut dicti mei vicarii absente aut presente cedere debet, item nulla missa in monasterio eodem non preservata altera missa in capella sancti Jacobi in civitate Lok sine mea licentia aut vicarii debet celebrari, ita ut quando pro dicta altera missa conpulsabitur, pro claustrali secundario tertio debet pulsari, etiam me meoque vicario aut capellano eandem alteram missam nolentibus celebrare, die quocumque claustralis missa poterit celebrari orto sole, item earundem monialium dominarum sive sororum capellani sive fratris ianuis seu postibus apertis cotidianis diebus predicare non debent nisi ipsis monialibus non tactis campanis, diebus vero Dominicis post nonam aperte poterunt predicare, nisi memet vellem aut vicarium meum aut cui committerem facere sermonem, similiter et in Quadragesima et aliis festivis diebus ipsis etiam rogatis per me aut vicarium in ecclesia debent predicare diebus quibuscunque in benevolentia pro posse servata, item sine licentia mea aut vicarii confessionem audire, sacramenta porrigere, sepulturas facere non debent pro parrochialibus etiam ipsis temporalibus familiaribus, nisi pro ipsarum dominabus et religiosis seu spiritualibus personis, et si aliquem apud dictum monasterium sepulturam eligere contingat, tunc funus debet fieri ad capellam sancti Jacobi et ad parrochiam ibique peragi cum missis et vigiliis et ibidem omnia iura parrochialia et remedia pro die depositionis septimo tricesimo prout alias consuetum est, expediri et persolvi, item diebus Dominicis et festivis dies simpliciter et directe debeant pronunciare ac memoriam ipsorum et monasterii benefactorum habere, item prefatus dominus Ottakarus ecclesie predicte dedit et errogavit septuaginta sex marchas usualis monete pro recompensa ad emendos redditus et annuo utendos per me, vicarium et meos successores, item agellum in plebe prope parrochialem domum, item pro libro missali decem marchas ad ecclesie usum. Predictos enim articulos seu omnes circumstancias per me et vicarium sine irritatione sub plena rectitudine promitto conservare ad mei conscientiam et fidem, si vero secus per me et vicarium in facto huiusmodi procederetur ad notitiam excessus apparentis et id non restauretur sive recognosceretur recomplanando seu recompensando infra octo dies, statim devolutus essem dare venerabilibus dominis domino patriarche Aquilegensi centum marchas et domino Frisingensi episcopo centum marchas pro quibus impeti et coartari possum ad solutionem per ipsorum officiales de omnibus meis bonis eorum ad mandatum. In evidens testimonium omnium predictorum presens tradidi scriptum mei sigilli ac venerabilis viri domini Johannis archidiaconi Carniole et Marchie plebani in Mangespurch et honorabilis viri Ortolfi de Poomok burgravii in Lok, anno domini MCCCLVIII., die penultima mensis Januarii.

Source Fulltext: ZAHN, Codex Diplomaticus (=FRA II/35, Wien 1871) S. 317-319