AD VII LINEAS TERRE.

Wy David Sporkin, Heinric Vanden Hove, Heineman, Willem Knibbe, ende Gillis Ianssone, scepene ende kuerheers van Veurnambocht, doen te wetene tallen den ghenen die deze lettere sullen sien ende horen lezen, dat Kersteloot Heineman ende Griele syn wyf, camen vor ons ende gaven up wel ende wettelike met halmen ende met ghiften in rechter Iaghen, den here Nicolas Vander Poorte, als wettelike procurerere vander kerken vander abdye van S. Niclaus van Veurne, ende ter kerken behouf, zeivene vierendeel lants litel min of meer, ende tien scellinghe parisise siaers eweliker renten ligghende in de prochye van Alveringhem boosten Voorhem, ander vorseide abdyen lant, om zevene linen lants lettel min of meer ligghende in de vorseide prochye in tween bezuden ende benoorden Iehan Cruins lande nu es ende beloveden mallicanderen deze vorseide laghe te warandeerne naer wetten vanden lande. In de orconsepe van desen dinghen hebben wy scepene ende kuerheers vorseit onze zeghele ghehanghen an deze lettere, die was ghemaect int iaer ons Heren n° ccc° ende xlvih° up ten eersten woensdach vander maendt van maerte.