Wy Ihan Bnflin, Bouden Blavoet, Bouden van Warhem, Clais dieHoghe, ende Gilles Bigghe, scepenen ende corriers van Veurnambocht, doen te wetene tallen den ghenen die dese lettre sullen sien ende horen lesen, dat Clais Elbode, ende Bobine syn wyf, camen voor ons ende gaven ap wel ende wettelike met balmen ende met ghiften, Gilles Bazeline ende Grielen sinen wive, een ghemet ende tsestich roeden lants quiter arven luttel min of meer, ligghende in die prochye van Bulscamp, boosten den kerchove zuutwaert, over die gracht. Hier bi so kennen weder Gillis Bazelin ende Griele syn wyf, vorseit Clais Elboden ende Robinen sinen wive voorseit ende baerlieder oir dit vorseide lant teenen ewelyke chense, omme vichtiene scellinghe, parisisen eweliker renten tsiaers, te gheldene dese rente, Gillis Bazeline ende Grielen sinen wive vorseit ende haerliedcr oir, of den ghenen die dese lettere sa! bringhen, ten tween paimenten int iaer, dat es te wetene, dene heltschede te S. Ians messe te midzomcre, nu eerst comende, ende dandre heltschede te S. Baves messe daer na comende, ende also voort van iare te iare ewelike. Voort waer oec dat zake, dat teen iaer tander iaer achterhaelde, onvol- gouden so badde macht Gillis Hazelin, ende Griele syn wyf of haerlieder oir, vorseit, of die ghene die dese lettere sal bringhen, hant te slane an dit vorseide lant, als an haerlieder quite goet. Voort soo bebben macht Clais Elbode, ende Robine syn wyf, of haerlieder oir vorseit, dese vorseide rente te besettene elre up andren lande, welke tyt dat sy willen, daert also wel es besettet alst es up dit vorseide lant. In dorconscepe van desen dinghen hebben wi scepenen ende corriers vorseit onze zcghele ghehanghen an dese lettre, die was ghemaect, int iaer ons Heren m° cct° ende xvm°, S. Lhucs daghe in die maendt van october.

2/

210