Universis presentes litteras inspecturis officialis Morinensis, salutem in Domino. Noveritis quod cum frater Iohannes rector seu ad regimen ecclesie parrochialis S. Dionisii Furnensis per venerabilem patrem dompnum abbatem S. Nicolai Fur- nensis commissus et deputatus auctoritate ordinaria, traxisset in causam coram nobis Godscalcum Cohardt, Lambertum Schernier, heredes Iohannis Lammins et Thomam Laurin rcos, idem actor peticionem suam contra dictos reos edidit in hune modum. Dicit et proponit, in iure coram vobis dompne Iudex, frater Iohannes rector seu ad regimen ecclesie parrochialis S. Dionisii Fnrnensis per venerabilem patrem dompnum abbatem S. Nicolai Furnensis commissus et deputatus, contra Godscalcum Colpard, Lambertum Schernier, heredes Iohannis Lammins et Thomam, quod licet dictus dompnus abbas pro se ac sua ecclesia ac monasterio sic, et fuerit in pacifica possessione et saisina nomine monasterii predicti, a tempore, trium, decem, viginti, et quadraginta annorum, eciam a tanto tempore de cuius contrario memoria non existit, quod quicumque burgenses ville de Furnis domicilium tenentes et foventes in eadem pro veris parrochianis de Furnis secundum quod et pro ut domicilium tenent in eadem ville reputati sunt et fuerunt et ibidem ecclesiastica tenentur et debent recipere sacramenta, quodque dicto dompno abbati tamquam eorum vero et proprio curato seu certis fratribus dicti monasterii deputatis seu commissis, deputandis seu committendis ab eodem dompno abbate ad regimen cccle- siarum de Furnis de iure usu et consuetudine debent ac tenentur pro natalibus suis que vulgariter seu gallice vocantur natans quilibet solvere in quolibet festorum Nativitatis Domini, Pasche, ac Pentecostes unum denarium ete.

193