Universis presentes litteras inspecturis S, divina miseratione, abbas S. Bertini in S. Audomaro, totusque eiusdem loci conventus et frater P. eadem miseracione dictus abbas S. Nicolai Furnensis totusque conventus salutem in Domino. Noverit universitas vestra quod cum dissentio esset inter nos ad invicem, super quarta parte piscature in novo aqueductu qui se extendit a novo ponte iuxta quem mansit quondam Alnoldus, usque ad mare iuxta novum portum et in aqueductibus aliis inter dictum aqueductum, et Ysaram iacentibus quam nos abbas et conventus S. Bertini ad ecclesiam nostram diximus pertinere, abbate et conventu S. Nicolai contrarium asserentibus. Tandem sano ducti consilio in dompnum Bartholomeum Wasselin, prepositum de Poperinghe, et fratrem Gilebertum, prepositum S. Nicolai Furnensis, sub pena centum librarum Flandrensium a parte ab arbitrio resiliente vel arbitrium minime observante, parti arbitrium observanti reddendarum, compromisimus sub hac forma, quod quitquit duo prepositi, inquisita diligentius veritate, super iure utriusque partis in dicta piscatura arbitraliter duxerint statuendum sub pena predicta

180

(limiter observaremus. Si vero dictos duos prepositos minime contigcrit esse con cordes magistrum Wilhelmum de Veinghem, canonicum Furnensem, tercium arbitrum sibi assument, et veritate inquisita ab ipsis duobus plenius ei relata quitquit tune duo ipsorum duxerint statuendum, sub pena sepedicta a partibus inviolabilité!' observari debebunt. Dicta autem quarta pars penes aliquem probum virum, cui adsensum abbas S. Bertini et abbas S. Nicolai duxerint dari sequestrabitur donec dictum arbitrium fuerit terminatum. Ita quod per dictam sequestracionem nichil iuris alterutri parti accrescat vel decrescat. Tribus autem aliis partibus piscature in dictis aqueductibus abbas et conventus S. Nicolai libere pro sua volun- tate gaudebunt, et dicti arbitri ipsum arbitrium susceperunt infra instantem puri- ficationem beate Virginis terminandum. Ad observationem autem huius arbitrii et pene solutioncm presentibus litteris sigillis nostris roboratis nos ad invicem obligamus. Actum anno Domini a° cc° xliiii" mense septembri.