Wy Kersteloet Bruninc, Willem Lippin, ende Pieter Staël, wethouders vander poort van Veurne, doeu te wetene tallen den ghenen die deze lettere sullen sien

244

ende horen lezen, dat Heloyze Dunmans, Lammerachts Dunmans dochter, cam vor ons ende gaf up wel ende wettelike met halmen ende met ghiften ter vulre wet, ende drouch in handt broeder Rengher canunenc van S. Niclaus ter costerye bchouf vander abdye van S. Niclaus, zes scellinghe, ende ellcven penningheparisise siaers eweliker renten, ligghende in die zutters strate up die hofstcdc Coppins van Loo, dat sident Pieroets van Ricele, daer nu woent Willem Coutscuere, ende Moenin die Vrieze, die vorseide rente te gheldene, deen helt te midwintere, ende dander helt te S. Ians messe midzomere, ende deze vorseide rente es die vorseide Helyoze sculdich te warandeirne, ter vorseide costerien bouf ieghen elken man up al tgoet dat soe hevet binnen ende buten der poort van Veurne so ware dataient vinden mach. In orconscepe vander welken dinc, hebben v/y wethouders vorseit iaer zeghele ghehanghen uuthanghende an deze lettre, die waren ghemaect int onze ons Heren m° ccc° ende een, up S. Martins dach inden zomer.