FILIO JOHANNIS STULLAERT.

Guis cuens de Flanders et marchis de Namur a son bailliu de Farnes salus. Nous vous mandons que vous soies et faites estre a loi nostre eschevins del terroir de Furnes U. lwains le fils Jehan Stullart et Ysabel la feme venderont bien et a loy al eglise S. Nicolai de Furnes, dis et vii mesures et demie de terre gisant en le parroche de Willemscapele, pau plus u pau mains le quelle terre ces Iwains tenoit de nous en fief et le quele nos avons francie et quitee de tout service de fief. Et meteis i ens bien et a loi leglisc devant dite a tenir de nous et de nos hoirs conte de Flanders, en teil maniere, que li eglise devant nommce pais chascun an a tous jours pour chascune mesure de celle terre vii denier de chens, de le monoie de Flanders as bries de nostres chens de Fûrnes et a ce faire bien et a loy nous metons nous en nostre lieu par le tesmoigne de ces lettres qui furent donneez lan del incarnation m cc lx sis le ioeudi apres le saint Mathieu laple.