Chronicon et chartularium abbatiae Sancti Nicolai Furnensis, Nr. 88, S. 166
Wi Willem Van Huele, riddere, bailiu van Veurne, Gillis De Walewe, Fransois de Zwarte, Kerstiaen Bladelin, Jan Van Polinchove, ende Willem Scinkel, scepenen ende coreers van Voerneambocht, doen te wetenen tallen ten ghenen die dese lettere sullen sien ende horen lezen, dat Ian Vanden Abele ende Maroye syn wyf, camen voir ons ende gaven up, wel ende wcttelyke, met halmen, ende met ghiften, Adelise van Lensele vyf linen lants lettel min of meer, ligghende in die prochie van S. Wouburghen bi den cruce, benoorder strate, in tween sticken boosten ende bewesten ant weghelkin, ghelast met xxu scellinghen parisisen, eles iaers eweliken renten ; ende belovedent haer te warandeerne naer wetten van den lande. In dorconscepe van desen vorseiden dinghen, hebben wi bailiu ende scepenen ende coriers voernoemt onze zeghelen ghehanghen an dese lettere die was ghemaect int iaer ons Heren m° ccc° ende twee ende dertich, upten dunredach, achter sinte Nicasius dach, in die maent van december.
Ul
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}