Nous Guis cuens de Flanders et marchis de Namuer, faisons savoir a tous que nous avons mis et metons en no lui Crestien li Brabandre, no bailiu de Furnes, pour rechevoir le werp de no chiere et foiauble Gillebert, castellain de Berghes, no home de toute le disme grande et petite, que li dis chastelains tient de nous en fief dedens le vile, le parroche et le terroir de Staules ou parsonage le église de S. Augustyn den coste, Tierwaine et pour ahyreteir bien et a loy pardevant nous bomes, homes religieus nos boin amis en Dieu, labbei et le convent de S. Nicolai de Furnes ou celui, chiaux qui leur plaira en nom de eaux, et pour le dite eglize a tenir parpetuelement et franckement sans nul service. Et che que

229

fait en sera par no dit bailiu nous le tenrons a ferme et a estauble. Par les tiesmoing de ches lettres saieleeis de nous seail qui furent faites et donnees en lan de grace m° cc° quatre-vins et xim le merkerdi nuit de le Magdalene.

1294

CONFIRMAT») GUIDONIS COMITIS DE EMPTIONE ET VENDITIONE PREDICTE DECIME

DE STAULES.

Nous Guis cuins de Flanders et marchis de Namuer, faisons savoir a tous, que comme nos foiaules Ghiliebers, chastelains de Berghes nos hom ait vendu hyri- taublement a hommes religieus nos bons amis en Diu, labbei et le convent de S. Nicolay de Fumes de le evechie de Tierwane, toute le disme grande et menue quil tenoit de nous en fief dedens le vile, le parroche et le terroir de Staules ou personage de le eglize de S. Augustyn den conste Terwane. Et lait werpi bien et loy el nom et aveuc les dis abbeit et convent de leur eglize, et soient le dit religieus et leur eglize bien et par loy ahiritei de no volontei et de no comman dement de toute le dite disme et de ches apartenanches a celle fin que le dis religieus et leur eglize le tiennent dorenavant franckement, quitement et delivrement, sans nul serviche, et sans nul autre exaction, et quil levechent par eaus ou par leur com mandement les fruis, les porfys et les emolumens, qui en venront bien et en quite pais dorenavant sans riens dire en contre. Nous toutes les chozes desusdites geerons, loons, approvons et les amortissons ou nom aveuc le dite eglize, comme sires sourains en teil maniere, que li dit religieus et leur eglize tiegnent dorenavant en quite pais le dite disme aveuc toutes les apartenanches franckement et delivrement sans nul serviche, sans nul molestie, et sens nul autre exaction et quil lievechent par eaux ou par leur commandement les fruis et leur profys devant dis quitement et delivrement selonc chou quil est pardevant dit sauf che que a autrui que a nous et que en nule autre court que en le nostre le dit religieus ne se traihent ne puissent traire se nous ou no gens ne fuissiens de defaute en iusticier cheaux qui aucune choze demandoroient as dis religieus a leur commandement es chozes desusdites et de faire en droit et pour che que se soit ferme choze et estauble avons nous mis nos seaul en ces presentes lettres. Che fuit fait en lan del incarnation nostre Seigieur m° cc° quatre-vins et xmi, le samedi apres le S. Catheline.

230