DE MUSEPENEGHE.

Nous Margherite contesse de Flandcrs et de Heneg. et ie Guis, sesûus, cuens de Flandcrs et marchis de Namur, faisons savoir a tous que comme il fuist en si que Iehans Keinfins eust achatei a Iehan Lauwart, fil iadis Watier Lauwart, chevalier, le droit quil avoit as bries de la recepte de nostre espyer de Furnes, et nous eussiens entendu que cil Iehans Reinfins demandast et eust receu outre les droitures quil avoit achatees a ceaus qui nos doint la rente de cel espyer deniers que on apele musepeneghe, ce est a savoir a chascun des trois termines de la recepte, de chascun hoet de fourment, quatre deniers, et de chascun hoet davaine, deux deniers de nostre monoie de Flanders. Nous pour ce qu'il usoit de sa recepte autrement quil ne devoit, et pour abatre le tort qu'il lor demandoit en si que deseure est dit, Nous Margherite contesse devant dite, represimes en nostre main les bries devant dis a tout les droitures quil i devoit avoir parmi tous les deniers rendant quil i avoit paies, et ceste reprise fesimes nous en teil maniere que les droitures des bries devant dis que li receveres hiritables idoit avoir ne puissent ne devient jamais revenir au devant dit Jehan Reinfin ne a son hoir. Apres pour ce que cil qui nos paient nostre rente del espyer devant dyt, ne puissent jamais estre chalangie, ne grevei de nullui pour lokison de musepeneghe devant dis, v pour ce que li devant dis Iehans Reinfins les eust pris en aucun tans deaus a tort, volons nous que cil qui nostre rente de cel espyer nos paient et paieront des ore en avant en soient quite et delivre a tousiours, et en quitons eaus et lor successeurs, nous Margriete contesse de Flanders et de Hainau, et ie, Guis se fuis, cuens de Flanders et marchis de Namur deseure nommeit, pour nous et pour nos hoirs apres nous segneurs de Flanders perpetuelment, et pour ce que ces choses devant dites soient fermes et estables et bien tenues a tous iours, nous avons ces presentes lettres donnees a ceaus qui la rente nos doivrent del espyer devant dit seelees de nos seiaus, qui furent donnees en lan del incar nation nostre seigneur Ihesu Crist m° cc° lxxv° et mois de may.

m