Wie Iaa De Deckere crichoudere, Iacob De Visch, Ian van Polinchove, Clais Ghiselyn, Ian van Dudzele, ende Clais Paulyn, scepene ende kuerheers van Veurn- ambocht, doen te wetene tallen den ghenen die deze lettere sullen sien ende horen lesen, dat up de daghinghe die de heere Gillis Teil, procurcrere vander kerken van S. Niclaus van Veurne, in die tyt gedaen hadde up zeventiene ghemete lants lettel min of meer ligghcnde in die prochye van Alveringhem benorden Galghille, ter stede ende bider stede daer Griele Lodcwycx wonende was van achterstellen van renten die Iacob Weinyn der vorseide kerken tachter was up dit lant. So droaghen up Iacob Weinyn vorseit ende Maroye syn wyf den procurerere vorseit ter vorseide kerken bouf, dit vorseide lant te notene ende te plotene, toter tyt dat de kerke vorseit of hare speciale bode sullen bebben ghebeven vanden vorseide lande, vichtiene pondt parisis van verledenen daghen, ende vichtieue pont parisis siaers eweliker renten ten zulken paimenten als men de rente der vorseide kerken pleghet te ghcldene. In de orconscepe van desen dinghen hebben wy crichoudere, scepene ende cuerheers vorseit onze zeghele ghehanghen an dese lettere, die was ghemaect int iacr ons Hcren m° ccc° ende xxxvi° up ten vierden dagh van aprille.

219