Nous Loys contes de Flandres, de Nevers, et de Rethel, faisons savoir a tous que nous attendans et considerans les guerre dons que Diex li tous poissans fait et rent a ceux qui augmentent sa sainte Eglise, en ensivant les œures de nous prede cesseurs desirans par especial estre participans as bien fais et oroizons qui en labbaye de S. Nicholay de Furnes seront fais et celebrez. Avons pour Dieu et eu ammone aicelle abbaye ou vœu del abbe, et dou couvent, dicelle admorti, et admortissons par le teneur de ces presentes lettres les terres et parcelles qui chi apres sensievent. Premierement, en la parroche de Oostdunkerke, sys mesures et deux lines de terre, gisans en trois pieces dencoste le terre de moines. Item en la dite parroche, deux mesures de terre, appellees Tommeloepende stic. Item en ycelle parroche, une mesure de .terre appelle Laetsters werf. Item eu la dite parroche, deus mesures et dys lines de terre, appellees Andries aerve. Item en ycelle parroche deux mesures de terre appellees up de Wyde dilf. Item en la dite parroche, quatre lines et quatuorse verg. que on appellee Kix werf. Item en la dite parroche, quatre lines et dys verghes de terre gizans apres le terre Pieter Schellewarts. Item quatre mesures de terre beziden den weghen in Wulpen, qui font en somme, vint et quatre mesures de terre, les quelez Salemons Verdebout burgois de Nuefpoort, et Yzabel sa femme donnerent et ammosnerent iadis a la dite abbaye, pour une cappelanie. Item wyt mesures de terre gisans en la parroche de Avccapelle, que li abbes Ernouls achata, iadys a Iehan Roene, fil monseigneur Watier Roene chevallier, les quelez terres et parcelles entierement, nous volons que elles demeurent amortiers a tous iours mais parpetuelement a la dite abbaye, frankes et quitteiz de toutes tailles, subventions ne quelcunques autres exactions de guerre dost et de chevanche. Sans che que li dit abbes et convens en faicent iamais finanche nulle a nous, noz hoirs ne a noz successeurs ne quil puissent estre constraint de mettre la dite terre hors

224

de leur mains. Sauve et retenu a nous et a noz hoirs contes de Flandres de guarde ressort et souverainte temporele es dis lieux et les rentes dehuwes a nous ou a autre se daucunes en estoit kerkie. Et parmi ceste presente admortizatione H dess. dit abbes et convens sont et seront tenu de faire dire et celebrer trois messes sollempneles chascun an, lune de S. Esperit, le seconde, de la glorieuze virgene Marie, et le tierche de Angeles pour le bonne prosperite de nous de nostre treschire compaigne, Margriete fille de roy de Franche, contesse, de dis lieux, et de Loys nostre fils tant et si longuement comme noz vivcrons. Et apres le trespas de nous ou de lun de nous pour chascun de nous une messe solempnele de requiem, chascun an parpetuelment et a tous iours pour le salut de nous ames le iour del anniversaire de lun chascun de nous, et le soir devant vigilles de mors sollempnelement. Et pour cellui ou ceux de nous qui demorrons vivant les messes dou saint Esperit, de nostre Dame, et des Angeles sollempneles, si que dessus est dit, et che publier et nonchier dehuement en plain convent le iour devant. Sur leur consciences, et encouire aspere correction aveuc la malivolence de nous et de noz hoirs. Et de ce nous doivent bailier bonnes lettres scellees de leur seaulx, et confermees de leur prelaet. En cognissance de estre a ce tenu et obligie. Et pour che que nous volons que toutes che chozes soient fermes, estables, bien gardees, et tenues a tous iours mais de nous, de nous hoirs et successeurs et en cognissance de veritei, nous avons a ces lettres mis nostre singnet dont nous usons en absence de nostre grant seel, les qucles nous volons estre reseellees de nostre dit grant seel, si tost que nous laurons" et nous en serons requis. Donneez a Tournay le troisieme iour dou mois de septembre, lan de grace m° ccc° xliiii°.