ACQUISITIS.

Wy Wouter De Bue, Iacob Van Lensele, Ian Spade, Stasin Paepkin, ende Ian die Dorpere, scepenen Vander Poort van Voerne, doen te wetene tallen den ghenen die dese letteren sullen sien ende horen lesen, dat Michiel Olicouke ende Griele syn wyf camen voir ons ende gaven up met halmen ende met giften, Iacob Den Brebe haerlieder husinghe die si hebben staende in die houtmarct, tusschen Katelinen Brants ende Iacob Taverniers ende al dat bachten dier husinghe vorseit

119

es beede scuere, stalle, boomgaert ende mueraige ende datter toe bekoert aerdvast ende naghelvast, ghelast met vier ponden paresisen tsiaers gheldende te Lantscouden ende Namer. Dat es te wetene: Ter kerken van S. Wouborghen van Voerne xxi scellinghe paresis, den heere Francheuse Den Zoutere h scellingen paresis. Ten dissche van S. Wouborghen vu scellingen paresis. Ten gasthuise van Zuutuut xl penninghen paresis, Michiel Olicouken xxvm penningen paresis, ende Iacob Den Brede xi.nu scellinghen ende vier penningen paresis. Daerbi hevet Iacob die Brede vorseit te baten ende syn oir te deser Lanscout vorseit te gheldene van Iacob den Taverniere voorseit, xiii scellingen paresisen tsiaers ewelike rente van den lande daer op dat hi ghehuist hevet ende dat hy besleghen hevet, twelke lant vorseit behoirt ende hoirt ten lande van der husinghe voorseit. Dacr bi so gheloven Michiel Olicouke ende Griele syn wyf vorseit op hem selven ende op al dat goet dat si nu hebben buten of binnen ende hebben sullen die husinghe vorseit ende datter toebehoert, Iacob de Brede voorseit ende syn oir of den ghenen die dese lettre sal bringhen te warandeerne ende in note ende in ware te houdene, naer wette van den stede, gelast metter lantscout voorseit ende namer. Voert so syn comen voir ons Iacob die Brede ende Vergriele syn wyf ende gaven up met halmen ende met ghiften Michiel Olicouken thuus dat men heet der Poort husekin, staende in S. Niclaus prochie, tusschen Ian Dakersins ende die halle met gaders al datter toebehoert, ende datter an es aertvast ende naghelvast, ende daer toe, xxn scellinghe ende mi penninghe paresisen tsiaers eweliker renten ligghende in die hofstede, daer thuus voorseit up staet. Dat huis voorseit ghelast met- lvi scellinghe ende vu penninghe parisisen gheldende stiaers te lantscouden ende namer. Dat es te wetene ten dissche van S. Woudborghen van Veurne, n scellinghe parisis meester Niclais de Brune, x scellinghe ende n penninghe parisisen, Clemmen Damhouderen, v scellinghe parisis. Den prost ende ter pitancien te S. Niclaus te Veurne, vu scellinghe ende enen penninc parisis, ende Michiel Olicouken, xxu scellinghe ende nu penninghe parisisen. Daer bi so hevet Michiel Olicouke voorseit te baten ende syn oir te deser lantscout vorseit te ghelden van Ian Dakersine ende van sinen kinderen, v scellinghe tsiaers parisise van dat si ghehuist hebben in den ghivel van den huse vorseit. Daer bi so gheloven Iacob de Brede ende Vergriele syn wyf voorseit up hem selven ende op al dat si nu hebben buten of binnen ende hebben sullen dat huis ende datter toe behoort ende die rente voirseit also het gheseit es daer voren Michiel Olicouken voirseit ende syn oir te warandeerne ende in note ende in ware te houdene naer wette van der stede, ghelast metter land- scout vorseit ende namer. In kennissen van deser letteren gheseghelt met onsen zeghelen, die was ghemaect int jaer ons Heren n° ccc° ende xim° op S. Clemens dach in die maent van novembre.

420