BURGIS SOLVENDORUM, FACTA.

Nous Iehans Reifins chevaliers, Gilles Veize, Lambers Reinare, Davis Sporkin, Herbers du Bois, et Iakemes li Vos , eschevins et corruer du terroir de Furnes, faisons savoir à tous, ke Iehans Blavoec, et Lotins fieus Lotin, fil dame Line, sunt venut pardevant nous de lor spoigne volunte sans forche et coaction nule, et ont recogneut kil et cascuns deaus pour le tout doivent payer parpctuelment, et a tous iours au capitle de S. Wauburch de Furnes, sis sols de rente perpetuel et hiritaule par an pour mon sigiuer labbe et le couvent de S. Nicolai de Furnes, as termes et as iours kon le doit et à tenir quiteir et delivreir mon singuer labbe et le convent devant dis sans calaigne tous damages et frais perpetuelment et à tous iours. Et a chou ont il et cascuns deaus pour le tout pour eaus lor hoirs u successeurs se deaus defalloit obligiet pardevant nous tous lor biens muebles et nonmuebles, present et advenir, u kon les porra trouver et especialment une mesure de terre pau plus u mains kon apiele Pieter Oirs Stic, gizant desous le manoir le dit Iehans dedens le proise de Willaime Capiele, et sil eu defaussissent en tout u en partie, ke ia naingne il voelont et se sont à chou assentit par devant nous ke li personne ki ces presentes aportera, puet mettre main sans mesprendre à le dite mesure de terre et tenir comme siene propre parpetuelment et à tous iours sans autre loy ne preuve faire. Et pour chou ke che soit ferme choze et estaule avons nous à le requcste des dites parsonnes mis comme eschevin et coruier nous seaus à ces presentes lettres qui furent faites et données en lan de grace mil deus cens quatre vins et douze, el mois de marchs.

141