Nous Iehans Reifins, Iehan Lauwars, Chareus dou Bruec, chevalier, Lambers Reinare, Wautiers Boene de Lampernesse, Herbers dou Boes, Riquaert Blavoet, Iehans de Score, Debbout Tastevoert, Iehans le Zac de Parvize, eschevins et corriers de tirroir de Furnes, faisons a savoir a tous chiaux qui ces presentes lettres verront ou ouront, que Heinrys De le Court, et damoyzele Margriete se feme, ont recognuit par devant nous que il ont vendu de leur bone et francke volonte pour eaux et pour leur oir heritaublement a tous iours, vendirent, rendirent et guerpierent par devant nous bien et a le plain loy dou terroir devant dit a mon singuier labbe et au convent de S. Nicolai de Furnes del ordre de Premonstre de le dyocese de Terwane, par lotroy et le consent de nostre signour le conte de Flandres par ces lettres pendans, quatorze mesures de terre, qui furent iadis Wiliaume, le fieus Iehan, et damoyzele Machaud se feme, gizans den coste son manaige devant se porte et la entour. Et trois mesures de terre qui furent iadys Tierre le Ghent, et Aelis se feme, gizans devers le meer del atre de Yzenberghe per tout peu plus ou peu mains franc yritaige. Ens esqueles terres Heinrys De le Court, et damoysele Margriete se feme, desuere nommeis, ientrerent et enfurent yriteis bien et souf- fizaument par devant nous et a le plaine loy dou teroir devant dit. Cest a savoir pour une somme dargent, cent et vinte scept livres et demie de parisis del qucle somme dargent il se tierent et tienent bien paijet en boins deniers saes et bien conteis. Et li dis Heinris et damoisele Margriete se feme, enclamerent qui te mon sengieur labbe et le covent devant dit sans iamais riens a demandeir. Dont il est a savoir que mes sires le abbei et li convent devant dit vierent de rechief par

227

devant nous eschevins et corruers devant dis, et rendirent et donnerent toutes ches teres devant dites, a perpetuele, et a yritauble chenze, a Heinri De le Court, et a damoyzele Margriete se feme et a leur hoir. Dou wyt livres et demie de le monoye de Flanders de rente, parpetuele par an, a perpayer lune mothye, de le devant dite somme, a le feeste S. Iehan Baptiste le premier venant, et lautre mothye a Noweel le premier apres ensievant et ensi avant de an en an a tous iours mais a mon segieur labbei et au convent devant nommei ou a leur charteine commant, par teil maniere et par teil condicion que si li devant dis Henrys et damoyzeele Margriete se feme ou a leur hoir, se de chiaux estoit defali fuissent ou fuist, en teile defaute de faire paiement de le devant dite rente, per quoy que le deus paimens poursuissent et attainsissent le tierche paiment. Mes sires li abbes et le convent devant dis ou chieux qui ces chartre avoyt per devers lui, peussent ou peust mettre main franckement a toutes les terres devant dites et traire a eaus en bien et en pais et demoureir entier en biritauble possession et faire en leur preu et goyer ent entierement et yritaublement a tous iours comme de leur propre yritaige, sans auschun contredyt. Et sy est a savoir que li dis Heinris De le Court, et damoizele Margriete se feme, ou leur hoir, se de chiaux estoit defali puent et pourront devens cheschuinc ans premier venant allieurs asseiveir le devant dite rente parpetuele a mon sigieur labbe et au convent devant nommeit. Par ensi que che soit aussi pres de le vile de Furnes , et aussi bien et aussi souffisaument asseveie comme mesme rente est sans fraude, et sans auchun melangien en droit amenuscment de le rente desuere noumeie. Et che chou ne sont devens le terme devant dite divisee et expressee iamais le devant dis Heinris ne damoizele Margriete se feme ne ses hoirs, pourront remuer le devant dite rente ne allieurs asseveir. Eins li devant dis Heinris et damoizeele Margriete se feme desuere nommeie et leur hoir, seront tenus et demouront obligiet byritaublement a tous iours, a payer le rente devant dite suer le terre devant noumeie. Et pour chou que nous eschevins et correur devant dis volons que che soit cognute choze estauble bien et loiaument tenue avons nous, a le priere et a le requeste des partyes qui furent presens, ches presentes lettres seeleis de no propre seaux, qui furent faites, donneeis et ordennees en lan del grace nostre Seigneur mil deus cens quatre-vins et seeze, el mois de septembre.

228