GARRANDEBRE.

Iou Xpristiens li Brabandre, bailius de Furnes, fais savoir a tous que comme debas et contens fust et avoit este entre religieus hommes mon signour labbe et le convent de S. Nicolai de Furnes dune part, et Ernoul Warrekin de Nuefport dautre part, den droit le peskerie qui sestent de le Venepe en le meir iusques a Garrendebbe, et que li abbes et convent devant dis disoient ke le estoit et devoit estre lor, et kil en avoient boins privileges les quels il avoient bien et paisivelment usee et en estoient, et avoient este en boine et paisivle possession par si long- tains dont il nestoit memore. Et li dis Ernous disoit kil par lotroy et le don del un des contes des Flandres y avoit poir de pesker. Et iou recheutes et entendeies et miset en escript les demandes et responses de lune partie et de lautre, et oyes et examinees diligaument les dispositions de lor tesmoins par lor serement et mises par boine deliberacion en escrit par les speciael comment des foiaules gens mon treschaut signeur le conte de Flandres et marchiis de Namur, qui de chou plain pooir en avoient, cest a savoir monsignour Willaime de Mortaigne, mon signeur Sohier de Bailuel, monsingneur Wauter de Coder, chevaliers, et maistre Iakemon de Donse, rechevoir de Flandres, et en le presence de monsei- gnour Iehan Reifin, chevalier, Gillo Veize, Lambert Remare, David Sporkin, Iehan de Score, et Lotin Brunighe, eschevins et coriuer dou terroir de Furnes et Iehan Spade, subbailiu du dit lieu, hommes montreshaut singneur devant dit, qui

175

a che faire de mi y furent apele, <4 semons et en le presence des dites parties a cheu souffisaument de mi apeles et semons quil a chou voloient dire faire proposeir et ameneir, les reportai enclos en escript desous mon saiel, a Brug. as contes des bailius darrainement passes pardevant les foiaules gens mon dit signour ; cest a savoir, mon signour Sohier de Bailluel, mon singneur Wauter de Coder, chevaliers, maistre Iakemon de Donse, recheveur de Flandres, Lotin de Brug. monsigneur Iehan de Menchines canoine de Courtray, Simon Lauwart bailiu de Gandt, et dAlost et Wauter du Ham bailiu de Bruges, liquel quant il avoient bien regardeit, parleit et considereit les dis privilegies les demandes, les responses et depo sitions des dis teismoings des dites parties diligaument et par boine deliberacion, iugerent et disoient, par droit iugement et de commun accordt appelees a chou suffisaument, et semons les dites parties que toute les Peskerie, devant dite, de 4e Venepe iusques en le Meer kon appelle Garrandebbe, est et doit estre, apar- tient et apartenir doit per droit, et par raison, et par le tenuer de lor privilegies et par boine et paisivle manianche, al abbe et au couvent devant dis parpetuel- ment et à tous iours, et que li dis Ernous ne autres riens ni avoit ni en a, foys li abbe et li convens devant nomme, et me commandèrent de commun accordt, que ie les en misesse en paisivle possession, et en enostasse tous des- tourbirs et empechemens fust du dit Ernoul u dautrui, et se riens tollu lor en fust du dit Ernoul u d'autrui que ie le lor en fesisse rendre. Et iou Xpristiens bailius devant dis ai per le commant et iugement devant dis, mis labbe et le convent devant nommes en paisivle possession de le pescherie devant dite, et fait rendre souffisaument, chou que tollu lor en a esteit. Et pour chou que che soit ferme et estable ai ie mis en tiesmoinagie mon saiel a ches presentes lettres et nous Iehans Reifins chevaliers, Gilles Veise, Lambers Reinare, David Sporkin, lehans de Score, Lotins Bruning et Iehan Spade devant nommé, qui pou roi r les de mandes responses et tiesmoins devant dis estiemes apelle et soraons de nostre bailiu devant dit comme homme no treshaut singneur le conte devant dit avens mis en tiesmoignage de tant que nous y estiemes nous seiaus avouc le seiaul no dit bailiu à ches presentes lettres qui furent faites et donnees en lan de grace, mil quatre vins et douze, el mois de Ienvier.

176