Venerabili vîro et discreto dompno officiali Morinensi, magister V. decanus ecclesie S. Walburgis Furnensis, salutem cum omni reverentia et honore. Discrccioni vestre significanms, quod Margareta relicta dompni Wilhelmi Corenloos militis, et Phi lippus de Zoutena nunc eius maritus, coram nobis personaliter constituti, reco- gnovit dicta Margareta de auctoritate et conseusu et voluntate dicti Philippi spontanea, non coacta, se ratam habuisse et adhuc ratam habere vendicionem, converpicionem factas perpetuo et hereditarie a dicto milite, religiosis viris abbati et conventui monasterii S. Nicolai Furnensis, de quinque mensuris et dimidia, et xv virgis terre iacentis in parrochia de Wilhelmi capella, in tenemento dompni comitis Flandrie, super quam manet ad presens Lambert us, filius longi Balduini, pro iusto et legitimo precio ipsi militi a dictis religiosis in pecunia bona et bene numerata, integraliter persoluta. Recognovit cciam dicta Margareta spontanea non coacta, se quitasse et quitam clamasse bene et legitime, omne ius quod sibi compeciit aut competere potuit in terra supradicta racione dotis, seu dotalicii, donationis propter nuptias, victus, assignamenti usus fructus, aut alia quacumque racione, et cidem iuri penitus renun- ciasse. Recognovit etiam dicta Margareta dictas venditionem et converpicionem factas fuisse bene et legitime secundum leges, usus et consuetudines patrie ubi dicta terra consistit, adhibitis omnibus solempnitatihus que in talibus adhiberi consueverunt. Voluerunt eciam et concesserunt dicta Margareta et Philippus, nunc ejus maritus, quod dicti religiosi, vel alius eorum nomine, aut is cui dictam terram vendiderint vel vendere contigerit, ipsam terram perpetuo et hereditarie pacifice et quiete tenant et possideant, et fructus ac proventus ex dicta terra levent et

percipiant et de dicta terra et de fructibus ac proventibus eiusdem disponant pro sue libitu voluntatis. Permittentes dicta Margareta et Philippus fide et iuramento corporaliter prestitis et interpositis ab eisdem, pro se et liberis suis, heredibus dicti militis, quod ipsi de cetero per se vel per alium, contra premissa vel eorum aliqua non venient in futurum, nec querent artem , ingeuium, materiam, modum, medium, sive causam contra premissa, vel eorum aliqua venienda in futu rum , et specialiter quod ipsa Margareta ratione dotis aut dotalicii, donationis propter nuptias, victus assignamenti, seu usus fructus, aut aliqua alia racione quacumque, per se aut per dictum Philippum, seu liberos suos, seu aliquem alium, veniet in futurum. Voluerunt autem et concesserunt dicta Margareta et Philippus, quod ad observationem premissorum omnium, auctoritate curie Morinorum per excommunicationis senten- ciam, compelli possint, in quocumque loco seu habitu fuerint, sive statu, et ad desistendum compelli valeant si ipsos contra premissa vel aliqua premissorum venire contingeret in futurum. Renunciantes quoque ad premissa et singula premissorum omni exceptioni doli, mali fori, non numerate, non tradite, non solute pecunie, nec quod se dicerc possint esse deccptos ultra medietatem iusti precii, omni juri scripto et non scripto et omni privilegio crucis sumpte aut sumende, omni gracie principis, ecclesiastici vel secularis, et indulgentie concesse ac concedende, et omnibus aliis rationibus et auxiliis iuris et facti que contra premissa aut aliqua premissorum dicte Margarete et Philippo nunc eius marito, aut liberis suis, heredibus dicti militis possent suffragari, et dictis religiosis in aliqua refragari. In cuius rei testimonium sigillum nostrum presentibus duximus apponendum. Datum anno Domini m° cc° lxxxi° feria post Letare Iherusalem.