Wy schepen burghermeisters ende die meentucht van der poort van Voerne doen te •wetene tallen den ghenen die dese lettere sullen sien ende horen lesen, dat achter dien dat die capelle van Onser Vrouwen van Oostute ende die orna- menten gherovet warcn van den fransoisen met den welken die vander abdien van S. Niclaus van Voorne waren ghewone messe te segghene, driewarven in die weke, in die capelle voorseit, en concent ende en debaet was tussehen onsen lieven

112

vrienden religieuse lieden ende vroet mynheere den abt ende den convente van S. Niclaus voirseit op ene side, ende ons lieden op dander side, wie dat sculdich ware te leverne tornamcnt die messe te doene in die capelle voorseit, int vutendc bi iemenen concente ende acoort van myn heere den abt van den convente voorseit, ende van ons lieden was over een ghedraghen dat myn heere dabt ende convent vorseit hebben ghestoffeert soufizantelike te onser ghenouchten al datter ghebrekende was om messe te doene, sonder van enen kelcke, ende van eenen outaer steene, die welke die capelle te voren hadde, in die ere van Onser Vrouwen, ende ommc die vriendscepe van ons lieden, in manieren dat mun here dabt en convent voorseit ende die ghene die achter hem lieden comen sullen in die kerke voorseit nemmermeer worden ghehouden meer costen te doene ten ornamenten behorende ter capellen voirseit, ende dat si sullen doen in die capelle voorseit, drie messen telker weke ende die messe die in den saterdach ghevalt van Onser Vrouwen. Ende om dat dese dinghen si vast ende ghestade hebben wi scepene, burghermeesters ende die meentucht van der poort voirseit dese lettere ghedaen seghelen met der steden seghele. Die was ghemaect int jaer ons Heeren m° ccc° ende neghene op Sinxenen avonde, in die maent van meye.

iZ4â.

LITTERE DE CONCORDIA INTER NOS ET VILLAM FURNENSEM PER TRES VILLAS DE CAPELLA BEAT.fi MARIE OOSTUIT.

Wi bourghemeesters, scepenen ende raet van der stede van Brugghe, doen te wetene alle den ghenen die dese letteren sullen sien of horen lesen, dat camen voir die goede lieden van den drien steden van Vlaendren parlement houdende inde voirseide steide van Brugghe, Jan Vander Timple ende Pieter de Bout, in den name van der stede van Voerne toghende dat boven dien dat de goede liede van der selver stede van Voerne eenparliken ghesin hebben in paisivelre possessien van te doene celebreirne ende messe te segghene, ende ander dienste van der heiligher Kercken in die capelle van Onser Vrouwen Oostuut in Voerne staende ende ghefundeirt up der selver stede lant, tallen tiden als het den vor- screven goeden lieden van Voerne ghelievende te doene sonder eneghen orlof an yemene te versoukene daer of, ende dat boven dat dese possessie van so ouden

113

tiden so paisîvelyke gemainteneirt heeft ghesyn dat van der contrarien ghedein-

kenessen niet en es; dat nichtinghe onse here de abbet van Vorne ende syn

convent alse patroon van der selver capele, de voirseide stede werpen wille uuter

vorseider possessien, mids dat si segghen dat men sonder consent van hemleiden

alse patroen, niet en mach no sculdich en es messe no andren dienst van der

heiligher Kercken te doene in de voirseide capelle, begherende in den name

van der vorseider stede van Voerne an de goede liede van deu drien steden voirseit,

dat si de vorseide stede van Vorne souden willen doen ghebruken van haerre

vorseider ouder possessien, ende den voorseiden abt ende convent in dien hebben

dat si hem leiden hier of paisivelike ghelyk te voren lieten ghebruken. Ten welken

saken eneghe heren van den voirseiden convente van Vorne, aldaer present ende

ieghenwordich togheden ende seiden dat onse heer abt vorseit warachtich patroen

ware van der voorseiden capelle, ende dat men na bescreven rechte sonder consent

van hem als patroen, niet en mochte no sculdich en ware messe no andren dienst

ons Heren te doene in de voorseide capelle, ende dat ieghen bescreven recht ne

gheene possessie in bringhen en mochte prescriptie, al waert also datter possessien

afghesun hadde, de welke also niet en ware, ende dat up deze altricacie de

partien hinghen in processe voir den bisschop van Terenburgh alse voir haren

juge ordinaris, ende dat waert also dat de vorseide goede liede van Vorne onsen

here den abt syn recht verkennen wilden, ende gracie an hem versouken, onse

here de abt soude altoes hem leiden ter ordinanchen van den goeden lieden van

den drien steden gracieus wesen, ende daer of so souden si wesen goede boden:

de welke redenen an beeden siden ghehoort, ghemerct dat de vorscreven Jan ende

Pieter kenneden ende verlieden over de vorseide stede van Vorne mits procuracien

die si daer of hadden, dat onse heere dabt voorseit warachtigh patroon ware

van der voorseider capellen; gheconsidereirt oec bi den vorseiden goeden lieden

van den vorseiden drien steden, uuter goeder informacien die si der of hadden,

van den ghenen (lies vroet waren, dat men in ne gheen godshuus, no capelle

messe, no andren dienst ons Heren doen ne mach sonder consent van den patronen,

ende behouden den sinen ende der prochipapen recht, ende dat onse heere dabt

ende syn covent op deen side, ende de stede van Voorne op danderside, so naer

ghebueren syn, ende dat minne ende eendrachtichede es sculdich te sine tusschen

hemleiden, de vorseide goede liede van den drien steden termineerden ende seiden

dat mids der kennissen die de voorseide Jan ende Pieter ghedaen hadden in den

name van der vorseiden stede van Vorne, als dat onse heere dabt vorseit recht

patroen ware van der vorseiden capelle, dat onse heere dabt vorseit niet en ware

sculdich te belettene den dienst ons Heren, no oec de goede devocie die de stede

van Voerne of haer habitante hebben mochten van messen ende anderen dienst

ons Heren te doen doene in de vorseide capelle. Ende dat by alse patroen om

15

114

den dienst ons Heren te meersene consenteren sal eene warven over al, dat de stede van Vorne ende haer habitante alle daghe, also langhe als ons heere dabt voor- seit leven sal, meughen doen messe celebreirne ende sermoene doen prediken also meneghe als hem liede ghelieven sal in de voorseide capelle, behouden dies dat men se segghe te sulker tyt ende wile datter de prochimisse niet bi veraehtert no verweect en si. Ende behouden alle den rechte van den voorseiden patroon ende van den prochipape, als van offeranden ende andren dinghen die daer toe behoeren also recht in heeft. Ende dat so welken tiden dat onse heere dabt voorseit die nu es, comen sal syn van live ter doot, dat dan elken van den voor- seiden partyen overledt si ende blive te eesschene der andere alle thgeent daer soe recht an waent hebben. In orconschepen van welken dinghen hebben wi dese letteren bezeghelt uuthanghende metter steden zeghele van Brugghe, in de absencie van den andren tween steden seghelen. Dit was ghedaen int jaer ons Heeren als men screef syn incarnation m ccc xlii, op ten twintichsten dag aprille.