Universis presentes litteras inspecturis, M. abbatissa et conventus de Broburgh, et H. abbas et conventus S. Nicolai Furnensis salutem in Domino. Universitati vestre volumus notum esse, quod cum inter nos ad invicem super piscatione novissimi aqueductus facti in Ramscaple, per terras ecclesie Broburgensis in curia Morinensis possessorium iudicium verteretur, et super proprietate piscationis aquarum defluentium per veterem communem alveum iu terris eiusdem ecclesie litigaretur coram decano S. Audomari et coniudicibus suis delegatis a dompno cardinali, tandem de communi concensu, super proprietate piscationis dictarum in venerabiles viros, W. abbatem Bergensis et E. prepositum de Eversam compromissimus sub hac forma: partes allegabunt coram dictis arbitris quitquit voluerint sive privilegia sua, sive communem legem terre, sive consuetudines terre, sive quasque alias raciones, et arbitri de omnibus que allegata fuerint coram ipsis cognoscent, et inquirent diligentius et plenius veritatem, et cum renunciatum fuerit, et conclusum, contro- versias ipsas non compositionc, sed iudicio terminabunt, nisi partes possint per ipsos induci. Quod si per ea que agentur in causis proprietatis liquere poterit

181

arbitris quod alteri partium alteri condempnari debeat in expcnsis factis in curia Morinensi, ipsi eam in expcnsis prcdictis secundum quod eis visum fuerit con- dempnabunt. Vallatum est autem arbitrium pena centum marcarurn aparte resiliente ab arbitrorum sentencia, parti alteri solvendarum. Quod si qua partium ad aliquem diem vel ad aliquos dies arbitris assignates fortassis non venerit, nisi per eam steterit quominus in arbitrio procedatur, solvet, xl solidos parti adverse pro defectu illius diei, rato manente nichilominus compromisso, et de ista pena xl solidorum si in questionem venerit, utra commissa sit, arbitri iudicabunt : iuratum est autem in animam utriusque ecclesie quod utraque ecclesia omnia supradicta, et maxime arbitrorum inviolabiliter observabunt sentenciam. Actum anno Domini m° cc° xxvu* mense iunio, feria V. infra Pentecosten.

DESIDERH MORINENSIS EPISCOPI DE SOLUT10NE DECIME ALLECIUM NOVIPORTUS

ET OOSTDUNK.ERKE.

Ut ea que in sortem ecclesie cedunt inviolabilem obtineant firmitatem, et quod pie gestum est a fidelibus nullo depereat oblivionis interitu, nec malignitas cuius- piam posteritatis id aliquatenus attemptare presumat, ego Desiderius Dei gracia Morinorum episcopus, notum facio tam presenti etati quam future posteritati quod sicut monasterio S. Bertini decimationem allecium de parochiis suis secus mare sitis dompni pape auctoritas indulget, indultamque autentico communit privi legie, sic et nos pie rectitudinis ducti zelo, et dompni pape adherentes laudabili instituto, allecium decimacionem que de parrochiis S. Nicolay Furnensis ad ecclesiam devolvenda est tamquam sors eius prenominate ecclesie S. Nicolai, auctoritate Dei et nostra liberaliter concedimus percipiendam, et sigilli nostri impressione confirmamus. Hiis testibus magistro Balduino, magistro Roberto, magistro Petro, Iohanne Suessionum, Gossellino, Arnulpho capellano, et aliis.

182