Nous Iehans sires de saint Audegunde et de Stainburc, Chlrs, et Ysabel de le Schiele, dame des dis lieux no chiere amee compaingnie, et espeuse faisons a savoir a tous presens et advenir, que nous pour le salut des ames de nos predecesseurs de nous, et de nos successeurs, et pour pluiseurs benefices et gratuites que nous et nos predecesseurs avons eu de le abbie de S. Nicolai de Furnes, et per espal pour lamour et le boin service que li abbes frere Medard qui pour le present gouverne nous a fait, avons clame et clamons per ces presentez le dit frere Medard abbe ses successeurs, et le dite abbie a tous iours mais en avant

103

quitte pour nous et nos hoirs successeurs de nous, de une poise de burre, neuf vins livres de pois. Compte pour le poise lequel burre le dite abbie nous devoit hiritablement, pour certeine benefice que nos predecesseurs avoient fait a le dite abbie. Et promettons a tenir contre tous qui empeschement y vaulraient mettre alencontre en tainps advenir. En renunchant quant ad ce a toutez lettres de obli gation de quelqunque manere et virtu que nous ou nos predecesseurs porriemes avoir sur le dite abbie. Et a toutes aultres possessions, prescriptions coustumes et usages du dit burre lever de par nous et recepvoir. Et a tous drois de saint eglise, de loy civile, et tous aultres poins en general et espal par lesquels nous ou nos successeurs porriemes ou vaulriemes aler ou proceder contre le teneur de ces presentes. En tesmoing de toutes les coses de susdites devisees et declairriez, nous Iehan et Ysabel no chicre et amee compaingne et espeuse tous de susnommez ensamble avons mis nos seaulx pendans a ces presentes lettres, qui furent faittes et donnees, en lan de grace mil, trois cens, quatre vins et diseneuf, le onzieme iour du mois de octembre.