Nous Gilles Veize, bailius dou tieroir de Furnes, Wiliaumus De le Bourch, Cristiens li Noirs, Tybaus Tastevoert, Henri li Borenges, Nicoles li Boye, et Herbers du Boes, eschevins et corriers de che mesme lieu, a tous chiaux qui cest

211

escrypt verront ou orront, salut en nostre Seigneur. Nous vous faisons a savoir, que damoizele Aeliis le mere David Sporkin, et Wiliaumes li frere David, vienrent par devant nous, et clamerent quite, les rentes, les assevemens et closement tout le droit quil avoient et avoer peuvent, cest a savoir le dite damoizele Aeliis mere dou dit David, cens et deus sols et Wiliaumes le frere chelui David, dys livres de le monnoye de Flanders, de rente par an a leur vie, sur les terres David devant nomeit. Cest a savoir dys et wyt mesures peu plus ou peu mains en sunt gisant de lees le mayson Lysbette Sgraven, et Griele Maes, onse mesures ou la entour, de lees le maison David Sporkin, en la parroche de Veinchem, deus lines et demie, kon apele Verkins stik. Trois mesures et demie, peu plus ou pau mains en Oeren- brouc, kon apele Groene Maet. Chunc mesures ou la entour en Oerrenbroeck, condist Wulghemaet. Et deus mesures de terre et demie, peu plus ou peu mains en sunt gisant en Scapaert stic. En tiesmoingnage, de le quele choze, nous bailius, eschevins et coriers devant dys avons a le priere et a le requeste des partyes qui furent presens cest escryt seiaileit de no propres seaux, qui fui fais et doneis, en lan de grace nostre Seiugneur m° cc° quatre vins et seeze, el mois dou may.