Universis presentes litteras inspecturis I. decanus ecclesie S. Walburgis Fur nensis, W. cantor, et I. Robeloit canonicus eiusdem ecclesie, salutem in Domino sempiternam. Universitati vestre significamus quod Katherina filia Wilhclmi Elevaert, coram nobis, ad hoc rogatis specialiter et vocatis, contulit et legavit in puram et perpetuam elemosinam, ecclesie S. Nicolai Furnensis, omnia bona sua mobilia et immobilia, presentia et futura, que in presenti possidet aut acquirere poterit in futu- rum, vel que ex formortura aut ex donacione quacumque, ipsam contingunt vel contin- gere possunt. Preterea dedit et legavit ecclesie memorate, donacione inter vivos, mansum suum situm in villa Furnensi, in Nortpoort, in quo morari consuevit, cum appendiciis et aliis pertinenciis suis. Item dedit eidem ecclesie et concessit quinque solidos, tres denarios et obolum vel circiter annui redditus, quos habebat in fundo super quem manet Woitinus dictus Butsis. Item vm denarios in mansura quondam Iohannis Mol, in Welchoverstrata, super quam manet relicta quondam Coppun Rawale. Item tres denarios et dimidium caponem in mansura super quam manet Iohanna de Halla, una medietate dicti redditus in natale Domini, et alia medietate in Nativitate sancti Iohannis Baptiste , perpetuo percipiendum. Item contulit dicte ecclesie duas mensuras viginti et unam virgas terre sue hereditarie, paulo plus vel minus, iacentes iuxta opidum Furnense, a parte aquilonari, iuxta aque ductum qui dicitur Venepe, et quidquid iuris in predictis omnibus habebat vel habere poterat usque in diem hodiernum

125

ad anniversarium suum, patris sui et Adelise sororis sue, in dicta ecclesia perpetuo celebrandum, coram nobis, prefate ecclesie libere resignavit. In cuius rei testimonium ac evidentiam pleniorem, ad preces et instanciam dicte Katherine, sigilla nostra presentibus duximus apponenda. Actum et datum anno Domini m° ce* lxu°, mensc Ianuario, die Circumcisionis Domini.