Ann Steffan Grünenberg, wonhaftig zu Frangfurt, komme diß Breyff.

Zu wyssin von Mer Heynrich Wynantz, gewirdiggetter Fry- grave vnd geordnitter Rychter dez heyligen Romschin Rychs zu Medebach, myns gnedigen liebln Herren von Coln, daz ich vff hude gifft dysses Breyffs besessin habe dy koniglich vnd vrding, lich dingstede mit gecleyter vnd Ingespanner Baingk zu richten, nach der heylichen heymelich vnd vffenbarn acht, so mir gebort nach fryen stouls recht, darselbist vor mich In gericht kommen ist Iacob Ingeln, eyn volmechtlger Cleger vnd procurator dez er- samen Hartmann strohecker von Castel, vnd hat mir gar swere Clage über dich gethann, Nemelichin so ludinde, Wy dastu Inne geyn Rotwll habest laßin heyschin mit Frebel sunder aller schult, auch die nicht zu thunde vnd drybist Ine vmb wydder god, ere vnd recht, mit mehe Worten Inn noydtorfft syner clage zuverhö- rcn. Als« ist mir mit ortel vnd recht abe erwonnen, mir gebore darüber zu richtin, So ist myn ernster Radt, dastu dich verdra- gest mit dem vorgenanten Cleger bynnen vlerczin dagen, nach angesicht diß Breyffs, vmb die Heubtsach vnd schaden. Werß abir sache, dastu hirinn symlg wurdest vnd myn keyserllch geboyt vorachtest, dez ich dir doch nicht zu glouben, So heyschen vnd ladin ich dich in Crafft dyß Breyffs vff den nechsten donnerstag nach sante Galn dag erst kompt nach gyfft dyß Breyff, an den vorgenanten fryenstoule vor daz Gedinge zu recht Nunne vnd ge- richtzyt dages vngeverlich vnd gebydden dir von keyßyrlich gewalt vnd macht myns Ampts, dastu dez nicht inn laßyst, du kommest mit dyme selbest Liebe personlich vnd verantwortest dich geyn den vorgenanten Clegir, oder were der sach volmechtlg zu thunde hait, vor mir adir vor eyme andern gewirdigetten Fryengreven, der uff dy Zyt solich gericht besitzen wurde in myner stade, abe dez noyt geschee. Werß «bir sach, dastu myn keysirlich geboyt ver.

— S56 —

achtest, daz ich dir doch nicht zu glouben, so mag man daz von eyde vnd ampts wegin nicht gelassin, sunder den cleger zu syme behalden kommen zu laß«,,, vkd vorter Vrtel vtid proceß ubir dich thun vnd gehin lasstn, dp dyr dan swere vallen werdin, da vor hüte dich ist myn getruwer radt. Gegebin vff dinstag nach ste Bartholomeen dag des heyligeu Aposteln, Vnder myme dez gerichtes Ampts Jngeß anno dm. dußint vierhundert vnd drpe vnde nunczig Jare.

(I.. 8.)