(Garig. fasc. 6. nr. 10.) Nos Andreas, Stephanus et Georgius filii condam Stephani Capitan in Desnicze, memorie commendamus per presentes universis, quod licet quandam vineam condam Luce Bosiczko in promontorio nostro Desnicze in Mogorische sitam, habitam et existentem pater et progenitor noster racione certorum proventuum et terragiorum non solucione ab ipsa vinea proveniencium provido viro Gurek et Petro uterino eiusdem filiorum (!) Mikula iobbagionibus de Bathhege certa sumpma pecunie vigore aliarum litterarum suarum seriem premissorum in se continencium limpide specificatarum vendiderit, contullerit et iure hereditario ipsis et ipsorum heredibus assignaverit, sicuti et quemadmodum in eisdem litteris clarius continetur. Demum vero temporis in processu prephatam vineam condam Guricza sua, Anthonii et aliorum suorum heredum in personis per modum accionis in litigiosoque processu contra prephatos Georgium et Petrum filiorum (!) Mikulicz se idem opposuerat. Tandem nullius iuri in hac parte derogare volentes, sed quod iustum est, unicuique iusticiam ministrare volentes, tam ipsum guriczam cum omnibus heredibus, quam etenim prephatos Georgium et Petrum ad nostram sedem iudiciariam in medium iuratorum, iudicum et causarum auditorum dictos litigantes discucienda inter eosdem causa racione vinee premisse duximus dirigendos. Deinde finaliter prephati nostri iudices et causarum auditores inter ipsos litigantes causam premissam discuciendam et disscernendam nobis modo infrascripto retullerunt, quomodo idem Guricza in processu cause huiusmodi penitus defecit et in toto unacum suis subcubuisset et subcubit et quod deterius est, idem Guricza cum parte sua in valore dicte vinee convictus extitisset, ymmo extitit. Prephatus vero Georgius et Petrus iobbagiones de Ialsowcz seu de bothoworh nostri venientes in presenciam dictam vineam sibi ipsis denuo condonati, roborai et [perpetuari] postulassent. Unde ipsam peticionem considerantes nos racioni consonari peticionibus ipsorum Georgii et Petri annuentes, tum ex eo, quod ipsam vineam ex [antiqua don]acione nostri progenitoris, cum eciam ideo, quod nove adiudicacionis iusticieque conplemento ipsos iuridice concernisse, eandem eisdem innovamus, noveque nostre donacionis eisdem conferrimus, contullimus et iure hereditario confirmamus. Sic videlicet, quod idem Georgius et Petrus valorem ipsius vinee, in qua idem Guricza cum filiis convictus iuridice fuisset, ad nostram peticionem omnino indulsisset et relaxasset, ymmo relaxavit harum per tenorem, cassantes eciam omnia iura, si qua forent de presenti vel in posterum per quempiam velle aut posse fieri, sed omnino volumus, uti viribus careant, nec ultra quispiam contra prephatos Georgium et Petrum aut suos heredes vel alterum eorum quovis quesito colore valeant attemptare, nec inhonare. Si autem aliquis ex genere dicti Guricze contra eosdem litigose inhonare niteretur, non valeat, nisi deposito novissimo velore, quo deposito nullibi, nisinostri in presencia racione previa iusticia ministretur. Ipsum Georgium nos unacum prephatis fratribus nostris contra quospiam, prephatos Georgium et Petrum in predicte vinee pacifico dominio conservare volumus, asumsimus et teneamur et sequenter contra glorem eorundem, relictam condam Stephani similiter Mikulicz aut heredes suos. In quorum premissorum memoriam, firmitatemque perpetuam prephatis Georgio et Petro duximus conferendas cum appensione sigilli nostri perpetuo valituras. Insuper super premissis per iudicem nostrum protocollatos et testes infrascriptos eisdem dari iussimus iuxta consuetudinem nostri promontorii. Qui secuntur, primo Ztanecz institor, Gregorius villicus, Thomas villicus alias alter Thomas stera. Testes: Anthonius prebendarius, Mathias scolasticus, Martinus, Emericus, Andreas Fforkouicz, Hala Thomas Jenderyeuicz, Gerek Bradicz, Cwethko Oplauicz, Gregorius eiusdem, Bartholomeus de Caruecz, Emericus castellanus, alter Emericus sutor, Georgius frater prebendarii, Iohannes Dragichicz, Andreas germanus Philipi Gaynik, Valentinus Elie, Paulus Morgrin, Paulus de Cornucz, Iohannes litteratus. Datum in dicta Desnicze die dominico primo kadragessime anno domini Mo CCCCo sexagesimo secundo. Iohannes Pauli de Cristallowcz notarius in premissis. - Hártyán, rózsaszín selyemről függő pecsétje hiányzik. - Regeszta forrása: Publikált regeszta (Mályusz Elemér): LK 12 (1934) 123-124/335. DESNICEI KAPITÁNYOK