(Garig. ad fasc. 5. nr. 41.) Ego Matheus de Vicedominis de Placen(cia) iuris utriusque doctor pridem consului et que mera de iure potavi, me manu mea subscripsi et sigillo, quo pro nunc utor, apponi iussi etc. - De testamentis. Nota, quod si testator vel qui testamentum facit fratribus heremitis sancti Pauli et sepulturam non circa eosdem fratres, sed alias ubicunque elegerit, tunc rector parochialis vel plebanus de huiusmodi testamento nullam porcionem habere debet, eciam si sibi nichil legatum esset. Si vero testator aput ipsos fratres elegerit sepulturam et suo plebano eciam tantum legaverit, quantum ipsis fratribus heremitis vel minus et plebanus de ipso minori fuerit contentus, non contradicendo pro tunc testatori vel si ille testator seu legans pro tunc expresse dixerit, quod ipse plebanus de sibi legato testamento quantumcunque parvo sit et stet contentus. Aut si hoc talis testator faceret ex induccione alicuius manifeste aut cum fraude, tunc eciam de huiusmodi testamento fratrum heremitarum ipse plebanus nullam debet habere porcionem. Si autem plebanus non fuerit contentus et contradicit pro tunc testatori vel ille testator ex induccione et fraude hoc faceret, tunc ipsi fratres heremite unacum testamento plebani de sibi legatis debent reintegrare quartam ipsi plebano. Item si aliquid legatum fecerit quisquam ad pios usus, ut pro fabrica, libro, calice, ornamento, perpetuo lumine vel aliis huiusmodi vel eciam vivens aliquid donaverit, quod non testamentum, sed donacio nominatur, tunc de talibus plebano nulla canonica porcio, nec quarta detrahatur vel sibi detur, sed totum ipsis fratribus remanebit. Item, si testator alibi, quam sub plebanatu moritur vel ei iura christianitatis sub alio in mortis articulo ministrentur, nulla de testatis canonica quarta succedet plebano speciali. Addimus insuper, cum ipsi fratres heremite aliquo vocantur seu invitantur ad celebraciones missarum, in subterracionem funeris vel alias, tunc quitquid venerit eis ad altaria propria et ad suas missas vel extra vocacionem ad manus datum fuerit, nulla canonica porcio cadit plebano illius loci, sed integraliter est ipsorum fratrum heremitarum. Et hec est declaracio reverendi in Christo patris domini et domini Nicolai Vaciensis episcopi et Mathei de Vicedominis, Strigoniensis vicarii, utriusque iuris doctorum, propter simplices sine allegacionibus capitulorum iuris. Egykorú, egyszerű másolat papíron, pecsét nyoma nélkül. 1429 körül. - Regeszta forrása: Publikált regeszta (Mályusz Elemér): LK 10 (1932) 285-286 MIKLÓS VÁCI PÜSPÖKMÁTÉ ESZTERGOMI VIKÁRIUS