Charter: Pannonhalma, Bences - Capsarium (1000-1526) 1235 III 20
Signature: 1235 III 20
Add bookmark
Edit charter (old editor)
20. März 1235
IX. Gergely pápa megbízza a veszprémi és nyitrai püspököket a pilisi cisztercita apáttal együtt, hogy miután a küszénhegyi Szent Mária monostort bitorló Demetert makacssága miatt Egyed pápai káplán kiközösítette és Demeter ebben az állapotban makacsul megmaradt hat évig, ők ama kiközösítő ítéletet vasárnapokon és ünnepeken nyilvánosan hirdessék ki és ha szükséges, a világi karhatalmat is vegyék ellene igénybe. Current repository:
PannH OSB
PannH OSB
- notes extra sigillum:
- 206950
Gregorius episcopus, servus servorum Dei, venerabilibus fratribus ... Vesprimiensi et ... Nitriensi episcopis et dilecto filio ... abbati de Pilis Cisterciensis ordinis Vesprimiensis diocesis salutem et apostolicam benedictionem. Ex parte dilectorum filiorum ... abbatis et conventus monasterii Sancti Martini de Pannonia fuit propositum coram nobis, quod cum ipsi Demetrium militem Vesprimiensis diocesis super monasterio Sancte Marie de monte Quizin cum pertinentiis suis ad ipsos spectante, quod idem D[emetrius] detinet occupatum, post varias commissiones ad diversos iudices impetratas coram dilecto filio E[gidio] subdiacono et capellano nostro tunc in Ungaria existente auctoritate apostolica traxissent in causam, idem capellanus propter illius contumaciam excommunicavit eundem et fecit excommunicatum publice nunciari eamque per ... abbatem Sancti Gothardi et suos collegas mandavit usque ad condignam satisfactionem inviolabiliter observari. Set dictus D[emetrius] ea contempta in ipsa iam perstitit contumaciter per sex annos, prefatum monasterium per violentiam detinendo. Unde iidem abbas et conventus nobis humiliter supplicarunt, ut congruum super hoc adhibere remedium dignaremur, cum crescente contumacia pena debeat augmentari. Quocirca discretioni vestre per apostolica scripta mandamus, quatinus, si est ita, eandem sententiam diebus dominicis et festivis sollempniter publicantes servari eam usque ad satisfactionem congruam, sicut rationabiliter est prolata, sublato appellationis obstaculo faciatis, adnotato, si necesse fuerit, contra eum auxilio brachii secularis taliter in hoc negotio processuri, quod predicti abbas et conventus pro defectu vestro ad nos recurrere non cogantur, et vos potius commendari de diligentia, quam de negligentia redargui debeatis. Testes vero, qui fuerint nominati, si se gratia, odio vel timore subtraxerint, per censuram ecclesiasticam appellatione cessante cogatis veritati testimonium perhibere. Quod si non omnes hiis exequendis potueritis interesse, duo vestrum ea nichilominus exequantur. Datum Perusii XIII. Kalendas Aprilis, pontificatus nostri anno octavo. [1235. márc. 20.]
Comment
Eredeti
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}