Charter: Pannonhalma, Bences - Capsarium (1000-1526) 1235 VIII 25
Signature: 1235 VIII 25
Add bookmark
Edit charter (old editor)
25. August 1235
IX. Gergely pápa fölhívja II. András királyt, hogy Fábián vitéz ellen, ki, a szentmártoni apátságnak visszaadta ugyan a Szentlélek egyházhoz tartozó palotákat és javakat, de az apátság embereit, szerzeteseit zaklatja, elfogja, megsebzi, épületeit fölperzseli, s a kiközösítéssel nem törődik, világi karhatalmat alkalmazzon s védje meg az apátságot az erőszak ellen. Current repository:
PannH OSB
PannH OSB
- notes extra sigillum:
- 206958
Gregorius episcopus, servus servorum Dei, carissimo in Christo filio ... illustri regi Ungarie salutem et apostolicam benedictionem. Saluti tue convenit et honori, ut viros ecclesiasticos regni tui, maxime regulares, in sua iustitia tuearis, malefactores suos potentie tue dextera cohibendo, ut inquietis correctis pusillanimes consoleris. Significarunt nobis sane dilecti filii ... abbas et conventus monasterii Sancti Martini de Pannonia, quod cum ipsi Fabianum militem Strigoniensis diocesis super eo, quod ecclesiam Sancti Spiritus, terras, prata, molendina, nemora, servos, ancillas, palatia et res alias ad eorum monasterium pertinentia per violentiam occuparat, post diversas commissiones ad diversos iudices impetratas, primo coram E(gidio) subdiacono et capellano nostro, cui tunc in Ungaria existenti causam a nobis obtinuere committi, deinde coram venerabili fratre nostro ... Penestrino episcopo, in partibus illis legationis officio tunc fungente auctoritate apostolica convenissent, et idem miles in ipsius legati presentia recognoscens ad monasterium pertinere predicta et prestito iuramento promittens ea ipsi restituere ac non molestare illud de cetero super ipsis lata de voluntate sua per eundem legatum excommunicationis sententia in eundem, si contra premissa veniret; tandem licet ea restituerit memorato monasterio, postmodum tamen religione iuramenti et sententia ipsa contemptis ipsos super rebus eisdem multipliciter aggravat et molestat captis monachis et conversis eiusdem monasterii existentibus in locis predictis, vulneratis servis eorum et quibusdam edificiis monasterii ac domibus quorundam suorum hominum incendio devastatis. Cum autem prefatus F(abianus), ut dicitur, excommunicationem contempnat et transgredi non metuat iuramentum, propter quod merito est contra eum seculare brachium adhibendum, serenitatem tuam monemus et hortamur in Domino, quatinus pro divina et nostra reverentia ac tue salutis obtentu predictum monasterium tue protectionis presidio confovens et in suo iure conservans, memoratum militem ab eorumdem abbatis et conventus super predictis molestatione cessare regia potestate compellas, ita quod in presenti gratiam et in futuro gloriam merearis. Datum Perusii VIII. Kalendas Septembris, pontificatus nostri anno nono. [1235. aug. 25.]
Comment
Eredeti
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}