useridguestuseridguestuseridguestERRORuseridguestuseridguestuseridguestuseridguestuseridguest
Charter: Pannonhalma, Bences - Capsarium (1000-1526) 1333 IV 14
Signature: 1333 IV 14
Zoom image:
Add bookmark
Edit charter (old editor)
14. April 1333
XXII. János pápa Hamer Vilmos választott pannonhalmi apátot fölmenti azon akadály alól, mely miatt apáti állásra nem emelhető.  

orig.János XXII pápa
Current repository
PannH OSB

  • notes extra sigillum
    • 207143
Graphics: 
x
Iohannes episcopus, servus servorum Dei, dilecto filio Guillelmo Hamer, monacho monasterii Sancti Martini de Sacro Monte Pannonie, ordinis Sancti Benedicti, Iauriensis diocesis, salutem et apostolicam benedictionem. Precellens auctoritas Romani pontificis frequenter personarum conditione pensata illis presertim, quibus religionis zelum, litterarum scientiam, honestatem morum et vite et multiplices alias virtutes et merita conspicit laudabiliter suffragari, de gratia benignitatis indulget, quod iuris severitas interdicit. Sane pro parte tua petitio nobis exhibita continebat, quod tu olim de ordine fratrum Predicatorum, quem professus extiteris, de tui superioris licentia ad Cisterciensem ordinem transivisti, ibique fuisti per tempus aliquod laudabiliter conversatus; ac deinde tui superioris eiusdem Cisterciensis ordinis petita licentia et obtenta te ad monasterium Sancti Martini de Sacro Monte Pannonie, ordinis Sancti Benedicti, Iauriensis diocesis, transtulisti et professionem regularem in monasterio faciens antedicto, in illo per multos annos conversatus sub eiusdem sancti regulari observantia laudabiliter extiteris, quodque nuper dicto monasterio per obitum quondam Nicolai abbatis dicti monasterii, qui in partibus illis diem clausit extremum, abbatis regimine destituto dilecti filii conventus eiusdem, vocatis omnibus, qui debuerunt, voluerunt et potuerunt commode interesse, te in abbatem eiusdem monasterii quamvis de facto concorditer elegerunt, tuque huiusmodi electioni consentiens ad sedem apostolicam personaliter accessisti et exponi fecisti huiusmodi negotium coram nobis. Sed, quia huiusmodi electio constitutionibus Nicolai IIII. et Clementis V. Romanorum pontificum, predecessorum nostrorum, que prohibent religiosis quoslibet ordinum mendicantium ad non mendicantium ordines transeuntes ad prioratus et dignitates ac officia quelibet assumi nequaquam debere, obstantibus, ipso iure fuit irrita et inanis, pro parte tua fuit nobis humiliter supplicatum, ut providere tibi super hiis de benigna sedis apostolice clementia dignaremur. Nos igitur attendentes, quod, sicut habet fide dignorum assertio, sic tibi honeste conversationis et vite merita, litterarum scientia et provide circumspectionis industria, aliaque multiplicum gratiarum et virtutum dona laudabiliter suffragantur, quod digne ipsius sedis favorem et gratiam consequi merearis ac volentes propterea, necnon et consideratione carissimi in Christo filii nostri Karoli regis Ungarie illustris pro te nobis in hac parte humiliter supplicantis personam tuam prosequi gratiose, huiusmodi supplicationibus inclinati, quod ad abbatiam dicti monasterii eligi licite valeas et assumi predictis et aliis quibuslibet constitutionibus apostolicis, necnon statutis et consuetudinibus ordinum, monasteriorum predictorum ac quibusvis privilegiis eisdem Cisterciensis et Predicatorum ordinibus ab eadem sede concessis, contrariis nequaquam obstantibus auctoritate apostolica de specialis dono gratie dispensamus. Nulli ergo omnino hominum liceat hanc paginam nostre dispensationis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et Beatorum Petri et Pauli apostolorum eius se noverit incursurum. Datum Avinione, XVIII. Kalendas Maii, pontiticatus nostri anno decimo septimo. [1333. ápr. 14.]

Comment

Eredeti
 
x
There are no annotations available for this image!
The annotation you selected is not linked to a markup element!
Related to:
Content:
Additional Description:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.