Iohannes episcopus, servus servorum Dei, dilecto filio abbati monasterii de Buchan, Vesprimiensis diocesis, salutem et apostolicam benedictionem. [In nostra presentia sic a nobis petitione remonstrarunt dilecti filii] abbas et conventus monasterii Sancti Martini de Sacro Monte Pannonie ad curiam Romanam nullo medio pertinentis ordinis Sancti Benedicti, Iauriensis diocesis, quam (!) predecessores eorum decimas, terras, vineas, possessiones [castra, nonnullas etiam piscaturas, nemora], molendina, iura, iurisdictiones et quedam alia bona ipsius monasterii datis super inde etiam [litteris ... abalienaverint minus iuste ...] interpositis iuramentis, factis renuntiationibus et penis adiectis in gravem ipsius monasterii lesion[em, nonnullis per concambium et] quibusdam eorum ad vitam, quibusdam vero ad non modicum tempus, et aliis perpetuo [adscribendo in ecclesie eorum ruinam, imo quas]dam super hiis confirmationes litteras in forma communi a sede apostolica inpetrasse [et habere. Quia vero nobis incumbit super hiis eisdem] opportuno remedio providere, discretioni tue per apostolica scripta mandamus, quati[nus ... iura] monasterii per predecessores huiusmodi alienata inveneris illicite vel destructa, non obstantibus [litteris vel etiam iuramentis interpositis, renuntiationibus, penis et confirmationibus supradictis] ad ius et proprietatem eiusdem mona[sterii illico revocare] procurares, contradictores per censuram ecclesiasticam appellatione postposita conpescendo. Testes [vero, qui fuerint nominati, si se amore, odio vel timore] subtraxerint, censura simili appellatione cessante conpellas veritati testimonium [perhibere]. Datum Rome, sexto Kalendas Iulii, pontificatus nostri anno decimo septimo. [1333. jún. 26.]