useridguestuseridguestuseridguestERRORuseridguestuseridguestuseridguestuseridguestuseridguest
Charter: Pannonhalma, Bences - Capsarium (1000-1526) 1337 IV 01
Signature: 1337 IV 01
Zoom image:
Add bookmark
Edit charter (old editor)
1. April 1337
A XII. Benedektől a Rend érdekében kiadott statutumok s rendeletek végrehajtói az esztergomi és kalocsai megyében levő bencés apátságokra 120 aranyforint taxát vetnek ki.  

orig.bencés apátok, külföldi
Current repository
PannH OSB

  • notes extra sigillum
    • 283852
Graphics: 
x
Reverendis in Christo patribus universis dominis abbatibus et prioribus, decanis, prepositis et aliis personis ordinis seu religionis monachorum nigrorum in proximo ipsorum capitulo in Strigoniensi et Colocensi celebrando provincia congregandis Bernardus de Genebreda de Longavilla et Iohannes de Fisco Sancti Pauli de Cadaionis, Cluniacensis et Sancti Benedicti ordinum Rothomagensis et Vauriensis diocesis prioratuum priores, salutem et votive prosperitatis salubria incrementa. Sanctissimus pater in Christo et dominus noster dominus Benedictus, divina providentia papa XII. super expeditione statutorum et ordinationum, que in ordine monachorum nigrorum salubriter edidit, nos duos prosecutores in Romana curia per suas apostolicas litteras deputans, nobis inter cetera pro predictorum expeditione ab abbatibus, capitulis, prioribus et aliis administratoribus eiusdem ordinis seu religionis, de quibus nobis videretur, certam sumam (!) pecunie exigendi, taxandi quoque et distribuendi, quantum abbates, capitula, priores et administratores eiusdem religionis, cuiusque per eum distincte provincie de expensis, in scripturis ac mittendis nunciis et alia premissorum occasione per nos factis seu faciendis solvere teneantur, dedit plenam et liberam potestatem, prout in apostolicis litteris super hoc confectis et aliis, que publicatoribus dictarum ordinationum in vestra deputatis provincia diriguntur, latius continetur. Vobis igitur tenore presentium intimamus, quod matura super hoc cum quibusdam reverendis patribus eiusdem religionis deliberatione prehabita certis ex causis provinciam vestram totam pro expensis per nos premissorum occasione factis auctoritate apostolica nobis in hac parte comissa taxamus ad centum viginti florenos auri. Verum, quia iuxta litterarum apostolicarum nobis directarum tenorem taxatio nostra huiusmodi per presidentes ipsi primo vestro provinciali capitulo per ipsum capitulum eligendos inter singulos abbates capitula cathedralium ecclesiarum, priores, prepositos et alios administratores abbates proprios non habentes eiusdem religionis vestre provincie debet proportionaliter distribui secundum ipsorum et membrorum suorum facultates, illos ex vobis, qui electi fuerint in eodem capitulo, presidentes, ut taxationem nostram predictam inter abbates, capitula, priores, prepositos et alios administratores ipsius religionis vestre provincie abbates proprios non habentes iuxta singulorum et membrorum suorum facultates, antequam ab ipso discedant capitulo, rationabiliter distribuant omni gatia et inordinato favore reiectis et vos omnes et singulos, ut partem vos et loca vestra iuxta distributionem dictorum presidentium contingentem in ipso proximo provinciali capitulo vel infra viginti quatuor dies post ipsum capitulum inmediate sequentes, quorum octo pro primo, octo pro secundo et reliquos octo pro tertio et peremptorio termino vestrum singulis assignamus, ipsis presidentibus exsolvatis et eosdem insuper presidentes, ut totam dictam nostram taxationem infra septuaginta dies, post dictos viginti quatuor inmediate sequentes, quorum viginti pro primo, viginti pro secundo et reliquas triginta pro tertio et peremptorio termino assignamus, nobis mittant tam pro se, quam pro aliis ad Romanam curiam, tenore presentium requirimus et auctoritate apostolica nobis in hac parte comissa semel, secundo, tertio ac peremptorie etiam admonemus, quod, si forte mandatis nostris, immo verius apostolicis non parueritis cum efectu, ingressum ecclesie omnibus et singulis vestrum, qui super hiis contumaces et inobedientes fueritis ex nunc, ut ex tunc predicta canonica monitione promissa interdicimus in hiis scriptis. Si vero predictum interdictum per sex dies sustinueritis, vos omnes et singulos, qui in premissis nolueritis obedire, canonica monitione premissa ex nunc, ut ex tunc in hiis scriptis suspendimus a divinis. Et, si forte, quod absit, predictas interdicti et suspensionis sententias per alios sex dies, prefatos sex inmediate sequentes animo sustinueritis indurato, in omnes et singulos ex vobis, qui, ut premittitur, contumaces et inobedientes fueritis in premissis, canonica monitione premissa ex nunc, ut ex tunc in hiis scriptis excommunicationis sententiam promulgamus. Vos insuper cum instantia deprecamur, quatinus reverendum patrem dominum Bolislavum, abbatem monasterii Sancti Michaelis archangeli de Bata, ordinis Sancti Benedicti, Quinqueecclesiensis diocesis, per quem vobis ordinationes predictas, quasdam litteras apostolicas et hunc processum nostrum vobis mittimus, recommendatum habentes, vos ei pro predictorum expeditione diu et cum multa diligentia laboranti circa expensarum et laborum recompensationem exhibeatis, sicut decet, honestatem vestram caritatis et pietatis intuito liberales, ut, si casus occerreret, paratus esset pro vobis efficaciter laborare. Postremo singuli abbates, capitula, priores, prepositi et alii superiorem in eadem religione non habentes secundum dictarum litterarum tenorem partem de summis predictis ipsos et eorum loco seu monasteria iuxta distributionem dictorum presidentium contingentem inter se ac subditos seu membra sua proportionaliter dividant iuxta ipsorum subpetentiam, facultatem. Vos omnes tamen et singulos scienter requirimus et monemus, quatinus premissorum occasione a subditis vestris ultra partem eos rationabiliter et veraciter contingentem exigere nullatenus presumatis; quod si forte, quod absit, aliqui contrarium fecerint, ortamur super hoc plenariam restitutionem fieri et tam per presidentes predictos, quam ipsarum ordinationum publicatores seu visitatores alios salubre remedium adhiberi. In quorum omnium testimonium presentem processum in forma publici instrumenti per notarium publicum infrascriptam scribi et publicari mandavimus et nostrorum sigillorum appensione muniri. Actum et datum Avinione in hospitio habitationis dicti domini prioris de Longavilla sub anno a nativitate Domini millesimo trecentesimo tricesimo septimo, indictione quinta et prima die mensis Aprilis, [1337. ápr. 1.] pontificatus eiusdem domini Benedicti pape XII. anno tertio, presentibus discretis viris dominis Galhardo Pagani, camerario Sancti Orientii Auxitanensis, ordinis Cluniacensis et Guillelmo de Gardia presbitero Courtensis diocesis, testibus ad premissa vocatis specialiter et rogatis.||
Et ego Pontius Iohannis, clericus Uticensis diocesis, publicus imperiali auctoritate notarius, predictis omnibus et singulis, dum per predictos dominus prosecutores et coram eis, ut supra leguntur, agerentur, sub anno, indictione, die, mense, pontificatu et loco predictis una cum dictis testibus rogatus interfui, eaque omnia de mandato et auctoritate dictorum dominorum prosecutorum scripsi et publicavi et in hanc publicam formam redegi, meoque consueto signo signavi in testimonium premissorum.

Comment

Eredeti
 
x
There are no annotations available for this image!
The annotation you selected is not linked to a markup element!
Related to:
Content:
Additional Description:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.