Noverint universi, quod nos Galhardus de Carceribus, ecclesie Titulensis prepositus et apostolice sedis in regnis Hungarie et Polonie nuncius, confitemur nos recepisse a venerabili viro domino Nicolao, abbate monasterii de Beel, dyocesis Vesprimiensis, per manus domini Iohannis plebani ecclesie Sancti Martini in Wissegrado unam marcham Budensem, sex Viennenses pro grosso computando, in qua idem dominus abbas pro sexto anno de dacia sexannali (!) per beate memorie dominum Clementem papam inposita asseruit se teneri. De qua marcha ipsum dominum abbatem, monasterium et successores ipsius presentibus absolvimus et quietanus, ipsumque a sententia excommunicationis et interdicti, si quas occasione retardate solutionis huiusmodi incurrerat, in hiis scriptis absolvimus et super irregularitate, si quam contraxerat inmiscendo se divinis in eisdem, non tamen in contemptum clavium, cum eadem auctoritate apostolica misericorditer dispensamus. In cuius rei testimonium presentes litteras sibi mandamus et nostri sigilli munimine roboramus. Datum in Wissegrado, vicesima nona die mensis Martii, anno Domino millesimo trecentesimo tricesimo octavo. [1338. márc. 29.]