Amicis suis reverendis capitulo ecclesie Budensis comes Paulus, iudex curie domini Lodovici, Dei gratia regis Hungarie, debite amicitie continuum incrementum. Noveritis, quod, cum secundum continentiam priorum litterarum nostrarum formam iudiciarie deliberationis nostre exprimentium Petrus Rufus pro parte Petri, filii Laurentii de Taruey actoris et Paulus filius Gervasii de Iutas pro parte fratris Nicolai, abbatis de Beet, in causam attracti, homines regii una cum capituli Albensis testimoniis feria sexta proxima ante dominicam Ramispalmarum anno proxime nunc elapso preterita [1346. ápr. 14.] ad faciem possessionis Kayar vocate vicinis et conmetaneis eiusdem universis legittime convocatis et partibus predictis vel legittimis procuratoribus earum presentibus accedere et per ipsum fratrem Nicolaum abbatem quibusdam litteris privilegialibus domini Bele regis, per predictum vero Petrum, filium Laurentii, instrumentis suis coram nobis presentatis in eiusdem possessionis facie in specie reexhibitis, primo ipsum possessionarium ius, quod ipsum fratrem Nicolaum abbatem et suam ecclesiam de Beel diligenti et conscientiosa inquisitione a vicinis et conmetaneis eiusdem possessionis universa facienda ex prescriptarum litterarum privilegialium domini Bele regis serie in dicta possessione Kayar legittima reambulatione facta contingere scirent et invenirent, eidem fratri Nicolao et sue ecclesie de Beel, ipsa autem iura possessionaria seu portiones possessionarias, quas predictum Petrum, filium Laurentii, in eadem possessione Kayar similiter inquisitione diligenti et conscientiosa mediante ex instrumentorum eiusdem Petri serie et continentia contingere scirent et invenirent, eidem Petro, filio Laurentii, eo iure, quo ipsis pertinere dinosscerentur, possidenda statuere et cuique parti sua iura metarum erectionibus et renovationibus ab invicem distingendo pacifice possidere relinquere, si partes concordes fierent in statutionibus ipsorum iurium possessionariorum et metarum erectionibus predictarum; que si in aliqua particula discordarent, tunc eam particulam litigiosam in discordia remanentem signis pro metis positis consignando et regali mensura, si mensurari posset, mensurando vel visu considerando regni consuetudine exigente estimare et post hec ipsius possessionarie statutionis seriem in ipsius capituli Albensis litteris ad quindenas Beati Georgii martiris nunc proxime preteritas [1346. máj. 8.] partes nobis reportare debuissent; et discussio reportate seriei premissorum ab ipsis quindenis Beati Georgii martiris diversis prorogationum et terminorum intervenientibus cautelis ad nunc presentes octavas festi Epiphaniarum Domini [1347. jan. 13.] prorogata extitisset: demum ipsis octavis Epiphaniarum Domini advenientibus predictus Petrus filius Laurentii ab una et dictus frater Nicolaus abbas parte ex altera personaliter ad nostram accedentes presentiam litteras dicti capituli Albensis, regie sublimitati rescriptas, nobis demonstrarunt continentes, quod ipsum capitulum cum predictis Beke (!) Rufo pro parte ipsius Petri Egidium presbiterum, chori ecclesie eorum et Paulo filio Gervasii pro parte ipsius domini abbatis, hominibus regiis, discretum virum magistrum Stephanum Teuthonicum, socium et concanonicum ipsorum, homines et testimonia sua ad exsequendum premissa (!) pro testimonio duxissent transmittendos, qui demum ad eos reversi ipsis concorditer retulissent, quod ipsi in predicta feria sexta proxima ante dominicam Ramispalmarum [1346. ápr. 14.] primo vicinis et conmetaneis predicte possessionis litigiose Kayar vocate legittime convocatis et cum eisdem partibus personaliter inibidem conparentibus ad faciem eiusdem accenissent et eedem partes instrumenta ipsorum prescripta inibidem in specie exhibuissent, quorum tenoribus visis et perlectis a predictis vicinis et conmetaneis pretitulate possessionis et etiam ab aliis qui inibidem interfuissent diligenter et maturam inquisitionem faciendo de premissis scivissent et investigassent infrascriptam veritatem, quod monasterium Beati Mauricii confessoris de Beel, abbas et conventus eiusdem monasterii semper possessionem Hangonkayar vocatam habuissent et in eadem resedissent; Stephanus autem, filius Bartholomei, filii Martunus quondam de dicta Kayar fuisset nobilis exercitualis et in possessione Zelkayar portionem possessionariam habuisset, cuius sessio et vinea adhuc aparerent; tempore autem inpacato tam iobagiones ipsius abbatis, quam Stephanus, filius Bartholomei, relinquendo terras eorum ad ecclesiam in predicta villa Kayar constructa se conmoratorie transtulissent et circa eandem ecclesiam idem Stephanus, filius Bartholomei, suas arationes et agriculturas fecisset, sed utrum in possessionaria portione sua vel aliena premissa fecisset, de hoc nullam rei veritatem indagare potuissent; sessiones autem, in quibus in nunc iobagiones dicti abbatis con[moraren]tur, quas sepedictus Petrus, pretitulati Stephani, filii Bartholomei, esse et fuisse dixisset iuxta visualem considerationem cum ortis, curiis et domibus preter terras arabiles et alias terras erbatim divisas ad tria iugera conputassent et eas estimassent et sessionem Stephani, filii Bartholomei, quam predictus Petrus, filius Laurentii, nomine sui iuris possideret, non estimassent pro eo, quia ipse esset actor contra dominum abbatem pluries annotatum et dum terras arabiles et campestres tam ipsius Stephani, filii Bartholomei, erbatim divisas metis consignare, estimare et cuique parti suum ius relinquere voluissent, Iohannes, officialis magistri Lachk dicti Koluswy, tunc ad presens procuratoris totius episcopatus ecclesie Vesprimiensis, in persona dicti domini sui usque ad adventum domini episcopi, qui tunc fuisset partibus in longinquis, eosdem non a reambulatione, sed ab estimatione, metali consignatione, tum propter absentiam domini episcopi, tum propter premissam erbalem divisionem ipsarum terrarum palam et manifeste prohibuisset.||
Quarum littefarum factis exhibitionibus, quia predictus Petriis, filius Laurentii, iam dictum Stephanum, filium Bartholomei, non nobilem exercitualem ipsius ecclesie de Beel, sed ab exordio procreationis predecessorum suorum semper verum nobilem in numeroque verorum et naturalium regni nobilium conputatum et de genere Kayar Magni fuisse et eidem ecclesie nullo exercituali servitii iugo atinuisse, dictus vero frater Nicolaus abbas eundem Stephanum, filium Bartholomei, et non verum regni nobilem, nec de genere Kayar Magni fuisse, nec eiusdem predecessores verorum regni nobilium numerum conputatum extitisse, sed semper nobilem exercitualem conventus ecclesie sue de Beel fuisse contrariore proponebat, coram nobis altercantes, ex hocque super premissis partium altercativis allegationibus, pro eo maxime, quia premissa inquisitio super facto eodem, quo in premissis per ipsum dominum abbatem non ex nostra iudiciaria conmissione, sed ex sua propria et voluntaria indictione facta existebat, certiori inquisitione, conmuni mediante velimus sciscitari, vestram amicitiam requirimus presentibus diligenter, quatenus vestras mittatis homines pro testimoniis fidedignos, quibus presentibus Beke Rufus de ...lyaba vel Anduch de Lulya aut Ladislaus, filius Pauli de Chayagh sive Stephanus, filius Pethew de Kopul pro parte dicti Petri, filii Laurentii, actoris, item Bakov de Iutas vel Paulus filius Gervasii de eadem aut Andreas de Scentyuan pro parte predicti fratris Nicolai, abbatis de Beel, aliis absentibus homines regii in die medii quadragesime nunc proxime venturo, scilicet feria quarta, [1347. márc. 7.] ad faciem predicte possessionis Kayar accedant, vicinos et conmetaneos ac conprovinciales nobiles convocent et ibi simul et invicem procedentes ab eisdem universis vicinis et conmetaneis ipsius possessionis Kayar et ab aliis, a quibus decens fuerit et oportunum, specialiterque a nobilibus comitatus Vesprimiensis predictis inibi convocatis, partibus vel eorum legitimis procuratoribus presentibus super eo, utrum predictus Stephanus, filius Bartholomei, quondam de Kayar ab exordio et tempore procreationis predecessorum suorum semper verus regni nobilis in verorum et naturalium regni nobilium numero constitutus et de genere Kayar Magni extiterit et portionem possessionariam in dicta possessione Kayar sub verorum nobilium regni titulo habuerit et possederit, vel ... Stephanus, filius Bartholomei, nobilis exercitualis predicte ecclesie de Beel extiterit et portionem possesionariam in dicta possessione Kayar sub eo exercitualis nobilitatis ipsius ecclesie nexu et condictione habuerit semper et possederit et generaliter quomodo totius huius rei series se haberet, Deum et eius iustitiam pro oculis ferendo, absque cuiusvis falsitatis et nequitie scrupulo, nullius partis favore, odio vel amicitia allecti sciant, inquirant et investigarent omnimodam veritatem. Et post hec seriem ipsius inquisitionis cum nominibus illorum, a quibus scitur et totius facti processu ad octavas festi Beati Georgii martiris proxime affuturas [1347. máj. 1.] domino nostro regi in vestris litteris fideliter rescribatis. Datum Bude, dudecimo die termini supradicti, anno Domini Mo CCCo quadragesimo septimo. [1347. jan. 24.]