useridguestuseridguestuseridguestERRORuseridguestuseridguestuseridguestuseridguestuseridguest
Charter: Pannonhalma, Bences - Capsarium (1000-1526) 1359 V 10
Signature: 1359 V 10
Zoom image:
Add bookmark
Edit charter (old editor)
10. Mai 1359
Kont Miklós nádor felszólítja a pannonhalmi konventet, hogy, mivel a veszprémi káptalan és bakonybéli apátság közt Paloznak miatt folyó perben a határok ismerete nélkül nem ítélhet, tartson határjárást.  

orig.Kont Miklós nádor
Current repository
PannH OSB

  • notes extra sigillum
    • 207254
Graphics: 
x
Religiosis viris conventui ecclesie Sancti Martini de Sacro Monte Pannonie Nicolaus Konth, regni Hungarie palatinus et iudex Comanorum, amicitiam paratam cum honore. Noveritis, quod in congregatione nostra generali universitati nobilium comitatus Zaladiensis feria secunda proximo ante festum Beati Iacobi apostoli anno proxime transacto preterita [1358. júl. 23.] prope villam Mandhida celebrata, Iohannes, filius Symonis de Naztuph, pro religioso viro fratre Petro abbate de Beel cum procuratoriis litteris comitis capelle regie de medio ceterorum exurgendo, prout littere nostre in eadem congregatione emanate informabant, proposuerat isto modo, quod capitulum ecciesie Wesprimiensis quandam possessionem ipsius ecclesie Beel Palaznuk vocatam occupasset et occupatam detineret, que efficacissimorum instrumentorum vigore eidem ecclesie de Beel attineret, quandam etiam particulam de eadem ipsa ecclesia possideret. Quo percepto Iohannes, filius Anyani, pro eodem capitulo ecclesie Wesprimiensis cum litteris procuratoriis eiusdem exurgendo dictam possessionem Palaznuk similiter dicte ecclesie Wesprimiensi fore efficacissinorum instrumentorum robore pertinere, ipsaque instrumenta in termino per nos sibi dando exhibere velle indicarat. Unde nos conmiseramus, quod dictum capitulum ecclesie Wesprimiensis dicta sua instrumenta, quibus mediantibus dictam possessionem Palaznuk conservaret, contra dictum dominum abbatem de Beel in octavis festi Beati Martini confessoris tunc venturis [1258. nov. 18.] exhibere teneretur coram nobis, quibus visis iudicium et iustitiam facere valeremus in premissis. A quibus quidem octavis festi Beati Martini confessoris ipsa instrumentalis exhibitio, quibusdam prorogationum cautelis intervenientibus iuxta aliarum litterarum nostrarum dilatoriarum continentiam inter partes prelibatas ad presentes octavas festi Beati [Geor]gii martiris [1359. máj. 1.] extiterat prorogata. Tandem ipsis octavis festi Beati Georgii martiris adherentibus, licet prelibatus Iohannes, filius Symonis, pro prefato Petro abbate cum procuratoriis litteris capituli ecclesie Wesprimiensis privilegium Sanctissimi regis Stepbani super dictam possessionetit Palaznuk confectum ferens in manibus ac Mychael custos et Stephanus canonicus dicte ecclesie Wesprimiensis pro eodem capitulo cum procuratoriis litteris eiusdem universa litteralia instrumenta dicti capituli super dictam possessionem Palaznuk confecta per ipsum quidem capitulum in predicta congregatione nostra generaili exhibere assumpta similiter manibus eorum gestantes contra se se in facto premisse possessionis Palaznuk exhibere prompti fuerint et parati, tamen quia predicti procuratores dicti capituli ecclesie Wesprimiensis in ipsa possessione Palaznuk, quam plures homines portionatos esse et portionis dominio gratulari indicabant, ex eoque absque reambulatione et recaptivatione dicte possessionis Palaznuk inter ipsas partes congruens iudicium facere non poteramus, pro eo una cum nobilibus regni nobiscum in iudicio adherentes iudicantes conmisimus, quod homo noster infradeclarandus sub vestro testimonio in octavis festi Nativitatis Beati Iohannis Baptiste nunc venturis [1359. júl. 1.] accederet ad faciem predicte possessionis Palaznuk, vicinorum et conmetaneorum legitimis convocationibus habitis et partibus vel eorum legitimis procuratoribus presentibus reambularet eandem per veras suas distinctiones, factaque legitima reambulatione et ab aliorum possessionibus distinctione et separatione statueret ipsi prefato Petro abbati de Beel et sue ecclesie eo iure, quo sibi dinossceretur, perpetuo possidendam, si per alios non fieret contradictum; contradictores vero, si qui alii fuerint, [evocet contra eundem] dominum abbatem in [nostram personalem] presentiam ad octavas festi Beati Iacobi apostoli nunc venturas, [1359. aug. 1.] rationem contradictionis eorum reddituros; si vero per ipsum capitulum contradictum existeret, ipsum citare non curabit eo, quod in dictis octavis festi Beati Iacobi apostoli coram nobis conpareret rationem contradictionis ipsorum redditurum. Particulam autem seu particulas per quempiam in eadem portione possessione Palaznuk prohibitam vel prohibitas, signis metalibus consignando, regalique mensura mensurando vel visu considerando, Deo pre oculis habito, absque scrupulo cuiuslibet falsitatis cum aliis probis viris estimaret in condigno suo pretio et valore. Unde, cum ad premissa peragenda homo noster sub vestro testimonio necessario sit transmittendas, amicitiam vestram presentibus petimus diligenter, quatenus vestrum mittatis hominem pro testimonio fidedignum, quo presente Iacobus, filius Ugrini de Pech vel Paulus de eadem aut Laurentius de Zenthywan sive Nicolaus de eadem nec non Bakow de Fenyewfw, aliis absentibus homo noster in predictis octavis festi Nativitatis Beati Iohannis Baptiste ad faciem predicte possessionis Palaznuk accedendo omnia premissa et quevis singula premissorum faciat et exequatur omnino modo prenotato. Post hoc ipsius possessionarie reambulationis, statutionis et estimationis seriem cum nominibus contradictorum et citandorum, alii si qui fuerint, ad dictas octavas festi Beati Iacobi apostoli nunc venturas nobis amicabiliter rescribatis. Datum in Vysegrad, decimo die termini prenotati, anno Domini millesimo trecentesimo quinquagesimo nono. [1359. máj. 10.]||
Hátulján: Religiosis viris conventui ecclesie Sancti Martini de Sacro Monte Pannonie pro fratre Paulo abbate de Beel super reambulatione, statutione et estimatione possessionis Palaznuk vocate in octavis festi Nativitatis Beati Iohannis Baptiste fienda et ad octavas festi Beati Iacobi apostoli ad iudicem.

Comment

Eredeti
 
x
There are no annotations available for this image!
The annotation you selected is not linked to a markup element!
Related to:
Content:
Additional Description:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.