useridguestuseridguestuseridguestERRORuseridguestuseridguestuseridguestuseridguestuseridguest
Charter: Pannonhalma, Bences - Capsarium (1000-1526) 1360 I 20
Signature: 1360 I 20
Zoom image:
Add bookmark
Edit charter (old editor)
20. Jänner 1360
A pannonhalmi apátság s a némai nemesek a győri káptalan előtt a szentmártoni hegyjogra egyességet kötnek.  

orig.győri káptalan
Current repository
PannH OSB

  • notes extra sigillum
    • 207265
Graphics: 
x
(C)apitulum ecclesie Iauriensis omnibus Christi fidelibus, presentibus et futuris, presentium notitiam habituris salutem in Domino sempiternam. Quoniam omnium habere memoriam potius est divinitatis, quam humanitatis, conscribi igitur facimus ea, que coram nobis aguntur, ne oblivioni tradantur et ignorantia, noverca veritatis, in precipitium ducat. Proinde ad universorum notitiam, tam presentium, quam futurorum harum serie volumus pervenire, quod Valentinus, filius Nicolai, de Gymolth, Deseu, filius Alexandri, pro se personaliter ac pro Michaele, filio Stephani, cum litteris nostris procuratoriis, item Ladislaus, filius Stephani, Iohannes, filius Andree, Dyonisius, filius Benedicti, Dominicus, filius Dominici, Andreas, filius Michaelis, Nicolaus, filius Petri, Benedictus, filius Herbordi, Gregorius, filius Michaelis, Nicolaus, filius Sauli, item Nicolaus, filius Dominici, Laurentius et Iwan, filii Andree, Nicolaus, filius Beke, Leukus, filius Pous, Iohannes, filius Pauli, Philippus, filius Herbordi, Dominicus et Paulus, filii Stephani, Franciscus, filius Luka, Paulus, filius Sauli, Dominicus, filius Dominici, filii Benchench, Petrus, filius Iacobi, Iohannes, filius Herbordi, Wyda, filius Bedech, Nicolaus, frater Martini, Kopaz, filius Petri, Lorandus, filius Nane, Thomas, filius Gegew, Stephanus, filius Michaelis, Stephanus, filius Stephani, Iohannes, filius Egidii, Nicolaus et Iacobus, filii Mykla, nobiles de Nema, ab una, ex altera vero parte religiosus vir frater Iohannes, custos de cenobio Sancti Martini Sacri Montis Panonie ac magister Stephanus, dicti monasterii notarius, pro reverendo patre domino Syffrido abbate et conventu eiusdem monasterii de Sacro Monte Panonie cum sufficienti procuratorio eorundem coram nobis constituti per eosdem conmuniter propositum extitit et relatum, quod, licet actenus inter ipsos dominum abbatem, suumque conventum ac nobiles de Nema super facto tributi montis seu iuris montani, quod ipsi nobiles de Nema de vineis ipsorum in territoriis dicti monasterii Sancti Martini existentibus more aliorum conprovincialium ipsis domino abbati et conventui dare et solvere recusassent, super quo materia litis orta et per predictos mota fuisset et diutius ventilata in presentia viri magnifici domini Nicolai Konth, regni Hungarie palatini, tandem considerantes, quod nullius boni operis fructuositas sine pacis unione videretur habere saporem perfectionis, ut de medio eorum et dictorum domini abbatis et sui conventus omnis conditio litis extirparetur et perpetue pacis favore congratulari valerent, conponentibus et ordinantibus probis et nobilibus viris in talem concordiam et unionem pacis perpetue durative cum eisdem domino abbate et suo conventu devenissent et devenisse retulerunt coram nobis, quod prenotati nobiles de Nema ac eorum successores, tam divites, quam pauperes ac iobagiones eorundem in territorio Sancti Martini vineas habentes, amodo et deinceps annis singulis in autumpno sive tempore vindemie de singulis tunellis vini ipsorum in territorio predicti montis Sancti Martini ubilibet procreati et germinati singulos viginti octo denarios, quorum scilicet denariorum ad minus octoginta vel ad maius nonaginta duo in unius floreni valore possent et valerent conputari ac iustas decimas in locis, ubi decime predicto domino abbati et conventui ac monasterio ipsorum spectarent et provenire deberent, ubi vero aliis ecclesiis ipse decime pertinerent, eosdem viginti octo denarios tantum ipsi domino abbatis et suo conventui, necnon monasterio sepedicto dare et amministrare sine omni contradictione et inpedimento aliquo tenerentur, immo darent et amministrarent, quemadmodum nobiles de Mendzenth de vineis eorum in territorio ipsius montis Sancti Martini existentibus solvere consueverunt, hoc modo, quod nec castellani aut officiales seu alii servitores seu decimatores ipsius domini abbatis et sui conventus, quicunque pro tempore constituti fuerint, ultra premissa nobiles prenotatos ac eorum posteros ullo unquam tempore valeant molestare seu ab ipsius aut ipsorum quolibet recipere ac petere taxationem pecunie aut munerum aliqualem. Ut igitur dicte concordie et ordinationis series stabilis inter ipsos et predictos dominum abbatem, suumque conventum perpetua et indivellibilis permaneret, litteras seu instrumenta litteralia, que usque modo contra tributum et ius montanum ipsorum domini abbatis et sui conventus in territoriis suis ipsis provenire debentia qualitercunque fuissent confecta, per que in futurum posset presenti concordie quovis modo derogari, cassas sive cassa et vigoribus carituras sive caritura reddidissent et reddiderunt nostri in presentia nobiles de Nema antedicti ita, quod ubicunque vel quandocunque contra presentes exhiberentur, penitus nullius fierent seu forent vigoris et firmitatis. In cuius rei memoriam, firmitatemque perpetuam presentes concessimus litteras nostras privilegiales sigilli nostri autentici appensione roboratas; par autem earundem ad communitatis registrum fecimus conscribi. Datum in quindenis festi Epiphaniarum Domini, anno eiusdem millesimo trecentesimo sexagesimo, [1360. jan. 20.] dominis Briccio preposito, Francisco lectore, Michaele cantore, Emerico custode ecclesie nostre existentibus.

Comment

Eredeti
 
x
There are no annotations available for this image!
The annotation you selected is not linked to a markup element!
Related to:
Content:
Additional Description:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.