Nos comes Stephanus Bubek, iudex curie serenissimi principis domini Lodovici, De[i gratia regis] Hungarie, memorie commendantes tenore presentium significamus, quibus expedit, universis, quod Stephanus litteratus pro domino Seffrydo, abbate ecclesie Sancti Martini de Sacro Monte Panonie et conventu loci [eiusdem cum] procuratoriis litteris eorundem iuxta continentiam litterarum regalium prorogatoriarum in octavis festi Beati Georgii martiris [1360. máj. 1.] proxime [preteritis in figura] nostri iudicii conparendo contra Cosmam et Petrum, filius Iwahon, ac Iohannem, filium Corardi de Ronka, prout per litteras nostras exinde confectas edocebamur, proposuerat tali modo, quod iidem filii Iwahon et Iohannes, filius [Corardi, in] possessione ipsorum domini abbatis et sui conventus, ecclesieque eorum antedicte Fys vocata in terris arabilibus, aquis, piscaturiis, arundinetis et [pratis certam par]ticulam ad possessionem eorum Ronka supradictam occupassent et uterentur indebite eandem detinendo, cuius occupationis et detentionis rationem scire voluerat ab eisdem.||
Quo audito prefatus Iohannes, filius Corardi [pro se person]aliter, pro ipsis vero filiis Iwahon cum procuratoriis litteris capituli Iauriensis exsurgendo responderat ex adverso, quod ipse et predicti filii Iwahon [de predictis iuribus dom]ini abbatis et sui conventus ac ipsorum ecclesie supradicte vel suis utilitatibus prenominatis nil pro se occupassent, nec occupando uterentur, sed, si ipse dominus abbas et suus conventus ad faciem ipsius possessionis sue Fyus vocate le[gitime] accedendo eandem reambularet, talem recaptivare et sibi statui facere possent, in cuius statutione in nullo contradicerent; talem vero [recaptivare et] sibi statui facere possent, in cuius statutione contradictionis velamine obviaret. Super quo amicitiam dicti capituli ecclesie Iauriensis eidem litteratorie scribendo petieramus diligenter, quatenus ipsorum mitterent hominem pro testimonio [fide dignum], quo presente homo regius in presentibus infradeclarandus in octavis festi Penthecostes proxime tunc venturis [1360. máj. 31.] ad faciem prelibate po[ssessionis Fyus vocat]e vicinis et commetaneis suis legitime convocatis, ipsisque et partibus predictis vel earum legitimis procuratoribus presentibus accedendo reambularet eandem per suas veras metas et antiquas, novas metas iuxta veteres, ubi necesse f[uerit, erigendo], reambulatamque et ab aliorum possessionariis iuribus distinctam statueret et relinqueret eidem domino abbati et suo conventui, ecclesieque [Sancti Martini] eo iure, quo ipsis dinossceretur pertinere perpetuo possidendam, si per alios non fieret contradictum; contradictores vero, exceptis ipsis filiis Iwahon et Iohanne, filiio Corardi, alii siqui qui fierent, contra iamdictos dominum abbatem et suum c[onventum ad quin]denas earundem octavarum festi Penthecostes tunc venturas [1360. jún. 7.] in regiam citarent presentiam ad reddendam sue contradictiones rationem; si vero per eos[dem filios] Iwahon et Iohannem, filium Corardi, fieret contradictum, ipsos citare non incumberet eo, quod in dictis quindenis absque citatione aliquali coram nobis conparerent rationem contradictionis eorum reddituri; possessionariam autem particulam [per ipsos] prohibitam regali mensura mensurando vel visu considerando, si mensurari nequiret, visis et circumspectis quibuslibet suis utilitatibus, Deum habendo pre occulis (!) estimaret in condigno suo pretio et valore; post hec ipsius possessionarie reambulationis et recaptivationis seriem cum cursibus metarum vel nominibus citatorum, si qui alii fierent, prout opportunum existeret, ad d[ictas quindenas octa]varum festi Penthecostes per partes domino nostro regi fideliter rescriberet capitulum Iauriense prenotatum.||
Quibus quidem quindenis octavarum predictarum occurentibus (!) Stephanus litteratus pro eodem domino Seffrido, abbate ecclesie Sancti Martini de Sacro Monte Panonie et suo conventu cum procuratoriis litteris eorundem presente prescripto Iohanne, filio Corardi, qui pro se personaliter et pro aliis nobilibus [predictis de Ron]ka cum procuratoriis litteris capituli Iauriensis prenotati astabat in nostra iudiciaria figura conparendo, litteras ipsius capituli ecclesie Iauriensis super premissis domino nostro regi rescriptionales nobis presentarat inter cetera continentes, quod ipsum capitulum Iauriense receptis litteris nostris adiudicatoriis cum Kopaz, filio Petri de Nema, homine regio, virum discretum magistrum Iohannem Alexsandri (!) concanonicum ipsorum ad ea, que in eisdem litteris nostris fuissent contenta, peragenda in octavis festi Penthecostes predictis pro testimonio fidedignum duxisset destinandum; qui demum ad ipsum capitulum redeuntes eidem concorditer retulissent, quod ipsi octavis in eisdem ad faciem possessionis Fyus vocate, ipsorum abbatis et conventus, vicinis et conmetaneis eiusdem legitime convocatis, magistro Stephano, procuratore ipsorum domini abbatis et conventus Cosma et Iohanne, filiis Iwahon et altero Iohanne, filio Corardi, nobilibus de Ronka presentibus accessissent et eandem per suas metas et antiquas, ubi predicta possessio Fyus possessioni Ronka contiguaretur, reambulassent; eumque eandem ipsis domino abbati et suo conventui statuere et relinquere voluissent, prenotati nobiles quasdam terre particulas, unam videlicet pratosam Myrel vocatam, aliam vero Nogmezeu dictam ipsis pertinere allegantes, quousque instrumenta ipsorum domini abbatis et conventus viderent, statutioni earundem contradicentes prohibuissent, ipsas autem terre particulas per eosdem nobiles prohibitas, ut visu considerare valuissent, Deum ferendo pre oculis, suis utilitatibus consideratis, cum aliis probis viris in una marca denariorum estimassent regni consuetudine requirente, nullis aliis contradictoribus existentibus.||
Quibus quidem litteris ipsius capituli Iauriensis exhibitis et earum perlectis tenoribus, idem Iohannes, filius Corardi, dictam possessionem Fyus appellatam ipsorum domini abbatis ecclesie Sancti Martini et sui conventus existere non abnegans, instrumenta eiusdem ecclesie in facto ipsius possessionis confecta postularat facere eshiberi, asserens, quod dicte terrarum particule Myrel et Nogmezeu appellate ipsorum nobilium de Ronka fuissent ab antiquo hereditarie et inter terminos metales eiusdem possessionis ipsorum Ronka adiacerent ac iuris hereditarii titulo semper ipsi nobiles in dominio earundem permansissent. Quo percepto annotatus procurator dictorum domini abbatis et conventus ipsam possessionem Fyus instrumentali vigore eidem ecclesie pertinere et ipsa sua instrumenta exhibere se promptum esse, easdemque particulas terre semper ab antiquo iuri dicte ecclesie Sancti Martini de Sacro Monte Panonie pertinuisse et pertinere debere ac inter terminos dicte possessionis Fyws adiacere et modernis in temporibus per eosdem nobiles de ipsa ecclesia occupatas fore allegarat e converso. Sed, quia eadem instrumenta ecclesie memorate cursus metalia eiusdem possessionis Fyus in se minime continere referebat, prenotatus etiam Iohannes, filius Corardi, sua et dictorum aliorum nobilium de dicta Ronka in personis eandem possessionem Fyus iuri ecclesie memorate pertinere affirmabat et super premissis allegationibus eorum communi inquisitione vicinorum et conmetaneorum, conprovincialiumque nobilium possessionum predictarum se submitti velle spopondebat, ideo conmiseramus iudicantes, ut homines regii in presentibus infradeclarandi in festo Beati Iacobi apostoli proxime tunc venturo [1360. júl. 25.] presentibus testimoniis capituli ecclesie Iauriensis prenotati ad faciem prescriptarum particularum terre litigiosarum convocatis vicinis et conmetaneis suis, ipsisque et partibus predictis vel earum legitimis procuratoribus presentibus accedendo, tam ab eisdem vicinis et conmetaneis, quam ab aliis conprovincialibus nobilibus, a quibus decens fieret, simul et ad invicem procedendo, palam et oculte absque scrupulo cuiuslibet falsitatis in eo, utrum dicte particule terrarum litigiose, Myrel et Nogmezeu vocate, inter terminos dicte possessionis Fyus, eorundem domini abbatis et conventus existerent et iuri ipsorum pertineri deberent et ipsi in dominio earundem semper extiterint ab antiquo et temporibus modernis per annotatos nobiles occupate fuerint ab eisdem; vel intra cursus metales possessionis predictorum nobilium Ronka nominate adiacerent et semper iidem nobiles usque tunc in dominio earundem fuerint et hereditarii iuris titulo ipsis pertinerent, scirent [et inqui]rerent omnimodam veritatem. Super quo predicto capitulo ecclesie Iauriensis litteratorie scribentes eorum amicitiam petieramus diligenter, quatenus ipsorum mitterent homines [utrisque] partibus pro testimonio fide dignos, in quorum presentia homines regii infradeclarandi in predicto festo Beati Iacobi apostoli ad faciem dictarum particularum terrarum litigiosarum accedendo, ipsam conmunem inquisitionem facerent et exequerentur modo pre[misso] et post hec seriem eiusdem conmunis inquisitionis, prout expediret, simul cum nominibus attestantium et possessionum eorundem ad octavam diem eiusdem festi regie fidel[iter rescribere] debuisset maiestati capitulum ecclesie Iauriensis prenotatum.||
Denique ipsis octavis festi Beati Iacobi apostoli, [1360. aug. 1.] termino videlicet reportationis seriei premissorum occurente, Stephanus litteratus pro predictis domino abbate et conventu ecclesie Sancti Mar[tini cum procuratoriis] litteris eorundem ab una, item predictus Cosmas, filius Iwahon, pro se per sonaliter et pro eisdem Petro, fratre suo ac Iohanne, filio Corardi, cum procuratoriis [litteris eiusdem] capituli ecclesie Iauriensis parte ab altera ad nostram venientes presentiam, litteras memorati capituli ecclesie Iauriensis super premissis regie excellentie rescriptionales nobis presentarant, in quibus inter cetera conperieramus seriose, quod ipsum capitulum Iauriense una cum Kop[az, filio] Petri, de Nema pro parte predictorum domini abbatis et conventus Sancti Martini magistrum Nicolaum, decanum et concanonicum ipsorum, item cum Iohanne, filio My[chaelis, pro parte prescri]ptorum Cosme et Petri, filiorum Iwahon ac Iohannis, filii Corardi, in causam attractorum, Thomam, chori ipsorum presbiterum, hominibus regiis, eorum homines pro testimoniis fide dignos duxissent destinandos, qui tandem ad ipsum capit[ulum reversi, ei]dem concorditer retulissent, quod ipsi in pretacto festo Beati Iacobi apostoli ad faciem portionum possessionariarum Nogmezeu et Myrel vocatorum presente m[agistro Stephano, procurato]re ipsorum domini abbatis et sui conventus, annotatis vero in causam attractis presentibus, vicinis etiam et conmetaneis inibi existentibus primo simul et ad invicem procedendo pro parte ipsius domini abbatis et sui conventus [magister] Nicolaus, filius Donch de Kamaron vicinus, Nicolaus, Petrus, Clemens, Iohannes, filius Thome et Dousa nobiles iobagiones castrenses de [Nema vicini et conmetan]ei, Iohannes, filius Dionisii, Andreas, filius Zeuke, Dominicus, filius Mathei, Leukus, filius Galli, Georgius, filius Beke, Peteu, filius Augustini, Paulus, filius Accyntus, nobiles iobagiones archiepiscopa[les de] Strigonio in villa Tony conmorantes, vicini et conmetanei ac alii conprovinciales et conmunes homines: Petrus Rufus de Bankhaza, Nicol[aus, filius Val]entini de Grencheer, Petrus et Stephanus servientes predicti magistri Nicolai de Kamaron, Ladislaus, filius Petri, de eadem, Matheus nobilis de Bolka, Iohannes Petri de Tarkan, Pecenye, filius Alberti, Dominicus, [filius] Pauli, Paulus, filius Thome, Petrus, filius Iohannis et Augustinus, filius Petri, nobiles de Bwny, item Alexander, filius Pousa, Nicol[aus Cherge de A]paty, item Iohannes, filius Cosme, Valentinus de Gymolth, Ladislaus, filius eiusdem, Georgius, filius Deseu, Blasius, filius Iohannis, Nicolaus, filius Martini, Iacobus, filius Mykola, nobiles [de Leel], item Iohannes et Nicolaus de Pernuk, Iohannes de Kartha, Iohannes Magnus, Nicolaus de Moky, Damianus de Taarkan, item [Andreas de] Elbeu, Clemens de Nezkene, Nicolaus, filius Gregorii, de Alaph, magister Georgiis, filius Thome, de Babaanya, generationis Kopaan, Mychael, Iohannes, Petrus et Nicolaus filii Gogan de Gron[cher, item] Mychael, Ladislaus, Thomas, Georgius, Benedictus et alii nobiles iobagiones episcopales Iaurienses de Baychy numero decem, Iohannes de Wrbaz, Iohannes de Mokky, Petrus de Tapy, item Iohannes, Bede, Thomas, Iohannes et alii in numero duodecim de villa Wzturgatu et Zege ignobiles, item Dominicus, Petrus, filius Iwanka, nobiles de Kysech, [item] Nicolaus, filius Leukus, Iohannes Claudus de Kysrauazd, item Bede, filius Mychaelis, Nicolaus Iacobi et alii numero decem de Zaua, item Paulus et Laurentius, filii Bartholomeus, Paulus, filius Mychaelis, de Gelyer, Iohannes et alter Iohannes, filius Fynta, Mychael Petri et alii in numero duodecim villani de Clychou, item Thomas, Paulus et Nicolaus de Pachman, item Iohannes, filius Nicolai, nobilis de Zakalus, item Martinus, filius Nicolai et Nicolaus, filius Dominici, nobiles de Teuel, Paulas, filius Mychaelis, nobilis de Mendzenth, Stephanus dictus Nemes de Paznan, Georgius de Chepy, Briccius de Kysech, Iohannes, filius Andree Sebrech de Pagran, item Blasius de Kartha et alii conmunes homines in numero bene quadraginta, qui omnes diligenter inquisiti et interrogati dixissent, quod dicte particule terre inter partes litigiose, Nogmezeu et Myrel vocate semper et ab antiquo intra metas prefate possessionis Fyus dictorum abbatis et conventus fuissent et ad ipsam pertinuissent ac in dominio earundem extitissent, sed per predictos nobiles de novo fuissent occupate et nunquam ad ipsos nobiles pertinuissent, nec pertinerent, ubi etiam dictus magister Stephanus, procurator ipsorum domini abbatis et conventus in duobus finibus predictarum terre particularum litigiosarum duas metas evidentes, ipsas particulas terre a possessione nobilium de Ronka, distinguentes ostendisset; postmodum pro parte predictorum nobilium de Ronka, in causarum attractorum, ad illos, qui per eosdem illic vocati et adducti fuissent accedendo, a vicinis et conmetaneis ac ab aliis conprovincialibus et conmunibus hominibus infradeclarandis similiter diligenter inquirendo scivissent, quod dicte particulo terre Nogmezeu et Myrel inter partes litigiose semper et ab antiquo inter cursus metales predicte possessionis Ronka nobilium prescriptorum fuissent et nunquam ad possessionem eorundem domini abbatis et sui conventus Fyus pertinuissent, nec nunc pertinere deberent, ipsique nobiles aliquas metas distinctas ostendere nequivissent, sed quosdam duas pyscaturas, weyz vulgariter vocatas inter possessiones Ronka eorundem nobilium et Fyus dominorum abbatis et conventus distinguentes fore allegassent; hoc facto annotati nobiles de Ronka in causam attracti eodem die attestationes eorum hora wesperarum in villis consuetarum abire sine registratione permisissent, sed die crastina homo regius et testimonium ipsius capituli Iauriensis ex voluntate eorundem nobilium in absentia hominis regii et testimonii dicti capituli pro actoribus deputatorum nomina multorum fecissent registrari, quorum nomina in quodam registro satis inepto eidem capitulo presentassent: item Petrus, Ladislaus, Iohannes, Andreas, Iohannes, filius Laurentii, Nicolaus, Dyonisius, Iohannes, filius Stephani, Mychael, Nicolaus, filius Mychaelis, nobiles de Nema, vicini et conmetanei, Mychael, Stephanus, Iohannes, Egidius, Petrus, filius Corardi, Nicolaus et Iacobus, filii Petri, Iohannes de Mylertu, Mychael, Ladislaus, Dominicus, Nicolaus, filius Iacobi, Paulus, filius Andree, ignobiles de predicta Mylertu, Lucasius, nobilis iobagio archyepiscopalis de Leel, Nicolaus, Abraam, Mychael, Iacobus, Andreas et Nicolaus, frater eiusdem et Nicolaus Olyuerii, Mychael, Chanak, Iohannes, filius Chanak et Abraam, filius eiusdem Chanak, Abraam de Fyri et alii numero bene sedecim de villa archiepiscopali Leel vocata, item Petrus dictus Waguth et Stephanus, frater eiusdem, nobiles de Leel, Iohannes, filius Vyllyam, de Leel, Martinus, Nicolaus, item Ladislaus et Laurentius, filii Leel, nobiles de prefata Leel, item Mathyas, Stephanus et Iohannes, filii eiusdem, nobiles de Barlabasdamuncushaza, item Nicolaus, filius Iacobi, Martinus, filius Nicolai, Ladislaus Nicolai, Lucasius filius Buhcus, de Beketeleke, Ladislaus, frater eiusdem, item Iacobus, Iohannes, Petrus, Mychael, filii Iacobi, Stephanus, filius Martini, nobiles de Werthu, Thomas, filius Martini, Iohannes et Stephanus, filii eiusdem, item Iohannes de Ekly, Iwahon, filius Blasii, Nicolaus, filius Emrici, de Ekly, Benedictus, filius Nicolai, Iohannes, filius Benedicti, Ladislaus, filius eiusdem, Georgius, filius Pauli, Iohannes et Mychael, filii Georgii, Emericus, filius Theodorii, Laurentius, filius eiusdem, [Ladisl]aus Georgii, Andreas de Zykuz, item Emericus, Paulus et Iohannes, filii Kontha de Aranyas, Andreas et Petrus, filii Kelyani, Stephanus [et Petrus], filii Iacobi dicti Kywl de Aranyas, item Iohannes, Emericus et Nicolaus, filii Demetrii, Petrus, Mychael et Beke, filii Andree, Ladislaus et Mychael, filii Petri dicti Gutur, item Lucasius, Georg[ius et Nic]olaus, item Iohannes et Nicolaus, filii Dominici, item Petrus, Mychael, Ladislaus Petri, Chamaz et Petrus de Gadouch, item Andreas, [Dominicus, Mycha]el, Matheus, Petrus, item Nicolaus Martini de Harkay, Mychael, Georgius de Kolchood, item Petrus Iacobi, Mathias et Iohannes, Paulus Pangrachii, Martinus et Iohannes, [filii D]emetrii, Mychael et Ladizlaus, filii Nicolai, filii Wgud, Benedictus, Nicolaus et Mychael, Iacobus, Stephanus, filius Donk de Bog[ad, Iohannes], Mychael, Abraam, item Petrus et Thomas de eadem, item Iohannes Petri, Andreas et Iohannes, filii Thome, Iohannes de Olcha, Blasius ac Iohannes, filii eiusdem, Petrus de eadem Ol[cha], item Petrus, Iacobus de Zakalus et alii numero sedecim homines, item Nicolaus, Andreas, Stephanus dictus Cheh, Stephanus, filius Matt[hei de Egyhaz]astany, Petrus Nicolai, Blasius, filius Beke, Petrus, filius Abrae et alii in numero tredecim homines.||
Quibus quidem litteris exhibitis predicte partes iuxta continentias predictarum litterarum capituli eccle[sie Iauriensis] rescriptionalium super premissis iudicium et iustitiam per nos sibi ipsis postularunt elargari. Verum, quia predicti vicini et conmetanei ac nobiles conprovinciales et alii cuiuslibet conditiones homines in presentibus superius expressi pro parte domini abbatis et sui conventus presentibus hominibus regiis et testimoniis antefati capituli pro utrisque partibus deputatis predictas terre particulas Myrel et Nogmezeu [inter prefatas] partes litigiosas ad dictam possessionem Fyus ipsorum domini abbatis et sui conventus pertinuisse et pertinere debere ac ipsos in dominio earundem fu[isse, sed per] prefatos nobiles de novo occupatas extitisse attestati fuisse et nomina ipsorum hominum pro parte dictorum actorum attestatorum per homines regios et testimonia dicti capituli Iauriensis utriisque (!) partibus deputatos conscripta et reg[istrata extiti]sse, prefati vero in causam attracti homines attestatores ipsorum hora wespertina ab inde abire permisisse et sic nomina prescriptorum hominum pro eis[dem att]estantium in presentia hominis regii et testimonii dicti capituli solum pro ipsa adversa parte deputatorum, absentibus homine regio et eiusdem capituli testimonio pro actoribus assignatis registrata extitisse nomina [attestato]rum et possessionum paucorum eorundem ex serie dictarum litterarum antefati capituli Iauriensis conperiebantur et ex eo, cuius conditionis iidem existerent, minima nobis constabat veritas, ipse etiam dominus abbas honore prelature ac infula, anulo et baculo decoratus fore dinosscebatur et ex eo iuramentum super predictis duabus particulis terrarum litigiosarum in una marca estimatis eidem domino abbati non in facie predictarum particularum terrarum, sed in suo stallo modo infrascripto deponendum nobis et regni baronibus ac nobilibus nobiscum adiudicantibus adiudicari debere videbantur, ideo una cum eisdem baronibus et nobilibus regni nobiscum in iudicio sedentibus iudicantes conmiseramus, quod prefatus dominus abbas in octavis festi Nativitatis Beate Virginis tunc venturis [1360. szept. 15.] presentibus hominibus regiis et testimoniis prefati capituli ecclesie Iauriensis pro utrisque partibus infradeclarandis, que per ipsum capitulum ad id amicabiliter transmitti dictis litteris nostris mediantibus postularamus, in dicto monasterio ecclesie Sancti Martini de Sacro Monte Panonie in suo stallo, indutus suis ornamentis hoc, quod dicte due particule terrarum Myrel et Nogmezeu vocate inter terminos dicte possessionis sue Fyus existerent et suo iuri et sui conventus ab antiquo pertinerent et pertinere deberent, per predictosque nobiles modernis temporibus occupate fuissent, nunquamque inter cursus metales possessionis prescriptarum nobilium Ronka nominate extitissent, nec aliquo iuris titulo eis attinerent, conscientiose ad suum statum et ordinem dicere teneretur; qui si premissam nostram adiudicationem modo premisso peregerit, tunc iidem homines regii et testimonia predicti capituli secundo die dictarum octavarum festi Nativitatis Beate Virginis ad faciem dictarum particularum terrarum litigiosarum Myrel et Nogmezeu vocatarum vicinis et conmetaneis earundem universis inibi convocatis accedendo, easdem particulas terre litigiosas a predicta possessione Ronka factis erectionibus novarum metarum separando eidem domino abbati et suo conventui ad dictam possessionem eorum Fyus vocatam; si vero idem dominus abbas premissam conscientiosam fassionem facere nollet vel non posset, tunc easdem particulas terre modo simili a predicta possessione Fyus per erectiones metarum distingendo relinquerent et conmitterent prefatis nobilibus in causam attractis ad dictam possessionem eorum Ronka appellatam iure perpetuo et irrevocabiliter possidendam, tenendam et habendam; et abhinc ipsius conscientiose fassionis seriem cum totius illic peragendi negotii processu ad octavas festi Beati Mychaelis archangeli tunc venturas [1360. okt. 6.] partes in litteris dicti capituli nobis teneantur reportare.||
Tandem ipsis octavis festi Beati Mychaelis archangeli adherentibus prefatus Stephanus litteratus pro prescripto domino Seffrydo, abbate ecclesie Sancti Martini de Sacro Monte Panonie et conventu loci eiusdem cum procuratoriis litteris eorundem ad nostram accedens presentiam litteras prenotati capituli ecclesie Iauriensis super premissis confectas nobis demonstravit declarantes inter cetera, quod, cum ipsum capitulum ecclesie Iauriensis litteris nostris adiudicatoriis amicabiliter receptis cum Petro, filio Iwanka, de Kysech, homine regio pro parte ipsorum domini abbatis et sui conventus, actorum magistrum Thomam, pro parte vero prenotatorum filiorum Iwahon et Iohannis, filii Corardi, nobilium de Ronka, in causam attractorum cum Petro de Nema similiter homine regio magistrum Andream, socios et concanonicos ipsorum, pro testimoniis fide dignos ad premissa peragenda destinassent, tandem iidem ad ipsum capitulum reversi eidem concorditer retulissent, quod ipsi in octavis festi Nativitatis Virginis gloriose proxime preteritis ad dictum monasterium Sancti Martini Sacri Montis Panonie accessissent, ubi idem dominus abbas in ipsorum presentia iuxta nostram adiudicationem in suo stallo indutus suis ornamentis, infula videlicet, anulo et baculo decoratus hoc, quod dicte due particule terre ad unam marcam estimate, Myrel et Nogmezeu vocate, inter terminos possessionis sue Fyus nominate existant et iuri suo ac sui conventus ab antiquo pertinuerint et pertinere debeant et per predictos nobiles modernis temporibus occupate, nunquamque inter cursus metales possessionis prescriptorum nobilium Ronka vocate extiterint, nec aliquo iuris titulo eisdem nobilibus attinuerint seu attineant, conscientiose ad suum statum et ordinem dixisset et asseruisset; factaque rite ipsa conscientiosa fassione dicti domini abbatis, secundo die prenominatarum octavarum festi Nativitatis Beate Virginis iuxta seriem et formam predicte nostre adiudicationis ad faciem dictarum particularum terre Myrel et Nogmezeu vocatarum regius et ipsius capituli homines prescripti pro parte ipsorum domini abbatis et sui conventus, quia pars adversa regium et ipsius capituli ecclesie Iauriensis homines pro se modo simili adducere, quamvis admonita, recusasset, vicinis et conmetaneis legitime convocatis et presentibus accessissent, ibique idem homo regius presente testimonio dicti capituli ecclesie Iauriensis secundum priorem reambulationem prefatarum particularum terre et demonstrationem predicti Stephani litterati, legitimi procuratoris predictorum domini abbatis et sui conventus inibi conparentis primo iuxta quendam antiquum aque meatum penes quandam viam ducentem a villa Asuantu dicti monasterii ad predictam villam Fyus a parte occidentali secus quandam metam antiquam possessionis dictorum domini abbatis et conventus aliam novam metam pro eadem possessione eorum a possessione pretactorum nobilium de [Ronka] distinguentem erexissent, ab hinc ad modicum spatium versus orientalem plagam iuxta dictum meatum aque eundo in quadam arundineto secundam metam cursualem elevassent et ab inde parumper semper ad orientem declinando similiter in loco arundinoso tertiam metam posuissent et exinde ad aliquantulum spacium amplius versus orientalem par[tem proceden]do quartam metam erigi fecissent pro predicta possessione dicti monasterii nomine Fyus a sepedicta possessione prelibatorum n[obilium de Ro]nka semper distinctivas; quibus peractis ipsi regius et dicti capituli Iauriensis homines dictas particulas terre modo premisso metis novis a parte possessionis dictorum nobilium de Ronka [distinctas eidem] domino abbati et conventui ac ecclesie eorum ad possessionem ipsorum Fyus predictam statuissent et reliquissent perpetuo possidendas, tenendas et habendas.||
Verum, quia prememoratus dominus Seffridus, abbas ecclesie Sancti Martini de Sacro Monte Panonie tam pro se, quam pro suo conventu in dicto monasterio Sancti Martini in suo stallo indutus suis or[namentis, infu]la videlicet, anulo et baculo decoratus iuxta nostram iudiciariam sententiam presentibus hominibus regiis sub testimoniis preno[tati capituli ecclesie] Iauriensis ipsas duas particulas terre Myrel et Nogmereu appellatas, ut prefertur, in una marca iuridice estimatas inter terminos possessionis sue Fyus existere et iuri suo ac sui conventus ab antiq[uo pertinuisse et] pertinere debere, per prescriptosque nobiles de Ronka modernis temporibus occupatas, nunquamque inter cursus metales possessionis [Ronka vocate pre]notatorum nobilium fuisse, nec aliquo iuris titulo eisdem nobilibus attinuisse seu attinere debere conscientiose ad suum statum et ordinem asseruisse et demum iidem regius et dicti capituli ecclesie I[auriensis homin]es pro parte dictorum domini abbatis et sui conventus adducti easdem particulas terre Myrel et Nogmezeu nominatas vi[cinorum et conmetaneorum] legitimis convocationibus habitis sub prescriptarum metarum limitationibus et erectionibus a parte possessionis Ronka nobilium premissorum distingendo et separando ad ipsam possessionem Fyus eorundem domini abbatis et sui conventus applicasse ac ipsis domino Seffrido abbati et suo conventui ac ecclesie Sancti Martini de Sacro Monte Panonie [contradictione quorumlibet] non obstante statutas extitisse ex serie preexhibitarum litterarum antedicti capituli ecclesie Iauriensis super premissis confectarum lucidissime cernebatur pro eo baronum, regnique nobilium nobiscum in iud[icio adherenti]um moderato inducti consilio prememoratos filios Iwan et Iohannem, filium Corardi, nobiles de Ronka in valore [estimationis predictarum] particularum terre Myrel et Nogmezeu vocatarum, videlicet in una marca convictos fore decernentes, prescriptas particulas terre Myrel et Nogmezeu appellatas sub predictis cursibus met[arum per reg]ium et dicti capituli Iauriensis homines ad dictam possessionem Fyus applicatas et eisdem domino Seffrido abbati et suo [conventui ac] ecclesie eorundem nullo contradictore apparente statutas ipsis domino Seffrido, abbati Sancti Martini de Sacro Monte Panonie et conventui loci eiusdem ac ecclesie ipsorum antefate nostre iudici[arie deliberationis] auctoritate adiudicavimus perpetuo possidendas, tenendas, pariter et habendas sine preiudicio iuris alieni, predictis [nobilibus de] Ronka amodo et deinceps perpetuum silentium inponentes de eisdem. In cuius rei memoriam, firmitatemque perpetuam presentes eisdem domino Seffrido abbati et suo conventui concessimus litteras nostras privilegiales pendentis et autentici sigilli nostri munimine roboratas. Datum in Wissegrad, duodecimo die octavarum festi Beati Mychaelis archangeli predictarum, anno Domini millesimo trecentesimo sexagesimo. [1360. okt. 17.]