useridguestuseridguestuseridguestERRORuseridguestuseridguestuseridguestuseridguestuseridguest
Charter: Pannonhalma, Bences - Capsarium (1000-1526) 1366 II 03
Signature: 1366 II 03
Zoom image:
Add bookmark
Edit charter (old editor)
3. Februar 1366
A győri káptalan előtt László pannonhalmi apát s Nemes Miklós és testvére Gergely közt bizonyos nagyravazdi részbirtokra egyesség jön létre.  

orig.győri káptalan
Current repository
PannH OSB

  • notes extra sigillum
    • 207296
Graphics: 
x
(C)apitulum ecclesie Iauriensis omnibus Christi fidelibus presentibus pariter et futuris, presentium notitiam habituris salutem in eo, qui suis fidelibus dat beatitudinem. Ad universorum notitiam harum serie volumus fieri manifestum, quod Nicolao dicto Nemes, filio Petri, de Azonfalua et Gregorio, filio Iohannis Claudi, fratris eiusdem Nicolai uterini, personaliter ab una ac fratre Paulo, legitimo procuratore venerabilis et religiosi viri domini Ladislai, abbatis monasterii Sancti Martini de Sacro Monte Panonie, suique conventus, cum sufficientibus litteris procuratoriis eorundem parte ex altera in nostri presentia constitutis, predicti Nicolaus et Gregorius proposuerunt et confessi sunt ministerio vive vocis, quod ipsi in causa inter ipsos et bone recordationis dominum Siffridum abbatem, moderni domini Ladislai abbatis predecessorem et tandem inter eundem dominum Ladislaum abbatem, suumque conventum, actores, super facto possessionario, quemadmodum in litteris viri magnifici comitis Stephani Bubeek, iudicis curie incliti principis domini Lodovici, regis Hungarie ac honorabilis Vesprimiensis et Strigoniensis ecclesiarum capitulorum exinde confectis plenius exprimeretur, ab aliquamdiu in figura iudicii predicti iudicis curie regie ventilata per ordinationem proborum virorum cum prefatis domino Ladislao et conventu suo, qui cum ipsis in parte maxime causa Dei et etiam virorum magnificorum et nobilium comitis Stephani antedicti ac magistrorum Nicolai, filii Nicolai, magistri ianitorum reginalium et Georgii, filii Stephani de Hedrehuar, necnon Michaelis dicti Zudar litteratoriarum petitionum intuitu misericorditer facere adiecissent, absque ulteriori strepitu et figura iudicii amicabiliter concordassent et cum prescripto fratre Paulo in personis eorundem domini abbatis et conventus acceptante concordarunt taliter coram nobis: quod ipsi sessionem et domos noviter per ipsos intra metas et limites possessionis supradicti monasterii Sancti Martini Nograuazd vocate, in comitatu Iauriensi existentis, constructas et quaslibet terrarum particulas, tam intra, quam extra easdem metas et limites ubilibet habitas simul cum fenetis et aliis omnibus et singulis utilitatibus et pertinentiis earundem, super quibus et quarum pretextu litis materia fuisset accensa inter partes, iuxta predictarum continentias litterarum omni iuri et proprietati, quod et quam ipsi in premissis terris, sessione, fenetis et aliis utilitatibus se vel suos posteros habere posse sperabant, cedendo penitus et renuntiando, nullamque ex nunc et deinceps sibi ipsis, suisve filiis aut heredibus quibusvis ad premissa vel quevis premissorum requirenda et usurpanda aspirandi vel se ad eandem quovis modo intromittendi potestatem vel ocasionem reservando predictis dominis abbati et conventui ac monasterio reddidissent, remississent, assignassent et relinquissent, imo coram nobis manifeste et spontanea, ut dixerunt, voluntate reddiderunt, remiserunt, restituerunt, assignaverunt et relinquerunt eisdem eo iure, quo ad ipsos spectare noscuntur perpetuo et irrevocabiliter possidendas, tenendas pariter et habendas. Et ut huiusmodi remissio et redditio premissorum pacifica firmior semper et irrefragabilis habeatur, litteralia ipsorum instrumenta universa, tam actenus in premissa causa per eos producta, quam alia qualibet, si que habuissent usque modo et haberent vel postmodum ipsi, eorumve filii et posteri invenire possent factum dictarum sessionis et particularum possessionariarum contingentia ullo modo contra privilegia prefati monasterii et etiam contra presentes litteras frivola, cassa et inania reddiderunt ac vigoribus omnimodis caritura. Assumpserunt etiam in se sponte Nicolaus et Gregorius prelibati in toto onus conplacandi iudicem prenotatum, si quam idem iudex in futurum ratione pacis et concordie modo premisso inter partes habite faceret mentionem vel satisfactionem seu conplacationem aliquam requireret in hac parte. E converso vero frater Paulus antedictus in personis ac nominibus dicti abbatis et conventus predictorum auctoritate procuratoria speciali eosdem Nicolaum et Gregorium, dummodo ipsi et eorum filii ac posteri predictam concordiam retractare et infringere non atemptent, super gravaminibus iudicialibus et aliis quibuscunque, que iidem hactenus in lite premissa contra dominum abbatem et predecessorum ac conventum suos predictos incurrerunt et per rigorem iustitie incidere poterant, quo ad portionem eorundem abbatis et conventus ipsos totaliter et omnino in perpetuum reddidit expeditos, litteras tam iudiciales, quam alias quaslibet exinde confectas, in quantum huiusmodi gravamina tangerent, mortuas reddendo penitus et viribus vacuatas, hoc adiecto, quod, si ipsi vel quivis eorum filii aut heredes contra premissa vel quevis premissorum aliquatenus facere vel venire presumpmerent in futurum, tunc contra prelibatum dominum abbatem et conventum ac monasterium prenotatos in facto potentie convincerentur eo ipso facto; prout predicta omnia et singula inter partes prelibatas ordinata acceptata et assumpta extiterunt unanimiter coram nobis. In cuius rei memoriam, perpetuamque firmitatem presentes litteras nostras sigilli nostri appensione conmunitas requirente iustitia duximus concedendas. Datum in festo Sancti Blasii martiris, anno Domini trecentesimo sexagesimo sexto, [1366. febr. 3.] domini Iohanne preposito, Nicolao lectore, Iohanne cantore, Dominico custode ecclesie nostre existentibus.

Comment

Eredeti
 
x
There are no annotations available for this image!
The annotation you selected is not linked to a markup element!
Related to:
Content:
Additional Description:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.