Excellentissimo principi domini Lodovico, Dei gratia inclito regi Hungarie, domino suo gratioso conventus monasterii Sancti Martini de Sacro Monte Pannonie orationes in Christo continuas et devotas. Litteras vestre excellentie pro religioso viro domino fratre Paulo, abbate cenobii de Beel, ad citationes, inquisitiones et prohibitiones inter alia legitime iuxta regni consuetudinem faciendas per anni circulum generales recepimus debito cum honore. Iuxta quarum continentiam una cum Stephano nobili de Petyrd, homine vestro, discretum virum dominum Michaelem, plebanum ecclesie de Wosian, hominem nostrum ad infrascripta negotia efficaciter peragenda destinavimus pro testimonio fidedignum. Qui demum ad nos reversi nobis uniformiter retulerunt, quod ipsi feria quinta proxima post festum Beati Galli abbatis et confessoris nunc preterita [1366. okt. 23.] in Vesprimiensi et Albensi comitatibus procedendo a nobilibus et ab ignobilibus, specialiter a vicinis et conmetaneis possessionis Kayar vocate ac aliis cuiusvis status et conditionis hominibus, a quibus decuisset, palam et occulte diligenter inquirentes, talem conperissent et scire potuissent omnimodam veritatem, quod a tempore obitus honorabilis viri domini Nicolai, condam archidiaconi Symigiensis in ecclesia Vesprimiensi, qui possessionarias portiones prescripti cenobii de Beel in prenotata possessione Kayar habitas nomine feudi conservabat, incipiens et de novo Stephanus litteratus, castellanus et officialis reverendi in Christo patris domini Ladizlai, episcopi Vesprimiensis, propria sua potentia et de facto de vineis Iohannis, filii Mychaelis de Wepchen, Petri Rufi de Tengurd, Bartha de Chayag, domine relicte Bende, Valentini et Petri, filii Thome, de eadem Chayag, Iacobi dicti Keer de predicta Tengurd, necnon Iohannis fratris eiusdem, iobagionis domini abbatis prelibati, Nicolai dicti Istenwette, similiter iobagionis ac filiorum Thome, filii Elekes, asscriptitiorum iobagionum eiusdem de dicta Kayar, item Iohannis, filii Iacobi et Mauricii, filii Iohannis iobagionum episcopalium de eadem, item Petri, filii Thome, item Thome, filii Lorandi et Andree dicti de Zala in territoriis videlicet et terminis predicte ecclesie de Beel Somlyou, Baachfa et Balatunfeu nuncupatis in dicta Kayar existentibus, presentationes seu munera nec non cybriones seu ius montanum consuetum dicto domino abbati et suo monasterio ab antiquo et a tempore plantationis earumdem vinearum solvi, dari, amministrari solita et provenire debetitia occupando ac iuri et iurisdictioni predicti domini sui episcopi ipsas vineas subicere et applicare conando ab ipsarum vinearum possessoribus extorsisset in prefati domini abbatis et sue ecclesie grande preiudicium et iacturam. Cuiusmodi quidem veritate prehabita et conperta, ipsi vester et noster homines ad predictum Stephanum, castellanum et officialem in dicta Kayar personaliter inventum accedendo, ipsum et alios quoslibet ad memoratum dominum episcopum pertinentes ab ulteriori extortione, receptione et detentione, dictoque episcopo seu sue potestati vel iuri applicatione quacunque, munerum, cybrionum seu iuris montani predictorum, possessores etiam vinearum predictarum nunc plantatarum ac in posterum in territoriis predictis ac inter limites eorumdem plantandarum a solutione, datione atque amministratione pretactorum munerum et iurium [montan]orum sepedicto domino episcopo et ecclesic vel officialibus quibusvis aut successoribus suis faciendis prohibuissent manifeste regni vestre lege et [consue]tudine requirente. Datum quinto die conpletionis processuum predictorum, anno Domini millesimo trecentesimo sexagesimo sexto. [1366. okt. 26.] Nichilominus ipsum [dominum episcopum] ... facta vel facienda similiter prohibuisset contradicendo Datum ut supra.||
[Hátulján:] Domino regi pro religioso viro domino fratre Paulo abbate de Beel contra dominum episcopum Vesprimiensem et Stephanum litteratum famulum eiusdem ac alios super facto munerum cybrionum et iuris montani de vineis intra scriptis inquisitoria et prohibitoria.