Urbanus, episcopus servus servorum Dei, dilectis filiis conventui monasterii Sancti Martini de Sacro Monte, ordinis Sancti Benedicti, Iauriensis diocesis, salutem et apostolicam benedictionem. Regimini universalis ecclesie, quamquam insufficientibus meritis disponente Domino presidentes, curis assiduis angimur et assidua meditatione pulsamur, ut ecclesie et monasteria universa dirigantur salubriter et utiliter gubernentur, quodque illis, que suis sunt destituta pasioribus, ne prolixe vacationis exponantur incommodis, tales ministros preficere studeamus, per quorum industriam et virtutem ecclesie et monasteria ipsa auctore, Domino suscipiant incrementa. Dudum siquidem quondam Paulo abbate monasterii vestri regimine eiusdem monasterii presidente... Nos cupientes etc. ... usque minuatur. Quocirca discretioni vestre per apostolica scripta mandamus, quatinus eundem Stephanum abbatem tamquam patrem et pastorem animarum vestrarum grato admittentes honore ac exhibentes sibi obedientiam et reverentiam debitas et devotas, eius salubria monita et mandata suscipiatis humiliter et efficaciter adimplere curetis; alioquin sententiam quam idem Stephanus abbas rite tulerit in rebelles, ratam habebimus et faciemus auctore Domino usque ad satisfactionem condignam inviolabiliter observari. Datum Rome apud Sanctum Petrum, VII. Kal. Februarii, pontificatus nostri anno tertio. [1381. jan. 26.]