Nos Stephanus, prepositus ecclesie Sancti Salvatoris Chanadiensis, memorie conmendamus per presentes, quod nos prehabita matura deliberatione portiones ecclesie Sancti Martini Sacri Montis Pannonie in possessionibus Balatonfeukayar et Molumsaar vocatis habitas et existentes simul cum terris arabilibus, cultis et incultis, iure montano seu proventibus de vineis in territorio predicte possessionis Kayar sitis, eidem ecclesie debitis et consuetis, necnon molendinis seu molendinorum locis, fenilibus et terris in dicta possessione Saar ad eandem ecclesiam spectantibus et aliis cuiusvis nominis utilitatibus earundem portionum dicte ecclesie ex nunc per decem annorum continuorum decursum conservare et habere assumpsimus, ymo volumus tum pro multimodis et gratis obsequiis per nos dicte ecclesie in regia, reginalique curia diligenter inpensis et amplius, ut confidimus, exhibendis, tum etiam sub eo pacto, quod nos ad predictam portionem ipsius ecclesie Sancti Martini possessionariam de Kayar habitatores congregare ac molendina predicte ecclesie de dicta Saar reformare et utiliter reparare facere, pro conservatione vero et utilitatum perceptione omnium premissorum viginti quinque florenos, quemlibet florenum per centum denarios conputando, singulis annis in festo Beati Martini confessoris sub pena dupli, si non solveremus, antedicte ecclesie seu monasterio Sancti Martini solvere et litteras expeditorias sub sigillo viri religiosi fratris Stephani, abbatis ecclesie antedicte vel conventus eiusdem, quas nobis sine fraude per eorum litteras certi tenoris, quas nobis dare assumpserunt, elapsisque prenominatis decem annis pretactas portiones ecclesie prefite, si non ambas, saltem de Kayar pretacta, populosas seu populosam et molendina de sepedicta Saar utiliter ... reparata eidem Stephano abbati et sue ecclesie antedicte ac prompta (!) resignare et remittere absque dilatione et difficultate qualibet tenebimur; hoc non obmisso, quod, si quam infra spatium temporis pretaxati per tres annos continuos solutionem pecunie prenotate non faceremus tempore deputato, tunc pro qualibet solutione neglecta dupli ipsius penam incurramus et nichilominus ulteriori conservatione premissorum omnino careamus, dictoque domino Stephano abbati et sue ecclesie antedicte eadem remittere debeamus et indempniter eo facto, prout nos ad hec omnia et singula benivole prefato domino Stephano abbati et sue ecclesie prefate obligamus vigore presentium mediante. Datum in Wissegrad, feria sexta ante dominicam Reminiscere, anno Domino Mo CCCo LXXXo IIo. [1382. febr. 28.]