Stephanus, comes totius ...rie nobis sincere dilecto Stephano [officiali et castellano in castro Komaro]niensi nunc constituto ac in futurum constituendis dilectionem cum salute. Quia religiosus vir [dominus frater Iohannes abba]s monasterii Sancti Mauricii de Beel portiones suas ac ecclesie sue prenotate naufragio (!) po[rtus Danubii Rew Komar]on vocati et in tributo nostri in Komaron exigi consueto habitas, quousque anima vivaci fuerimus Deo propitio fruituri nobis pro octo marcis denariorum decem pensis conputatis et in duobus terminis subdenotantibus, quatuor scilicet earumdem octo marcarum octavo die festi Nativitatis Beati Iohannis et similiter residuas quatuor marcas denariorum in festo Beati Emerici ducis et confessoris singulis annis per nos eidem domino Iohanni ac sue ecclesie vel successori suo abbati persolvendis dedit et locavit: ideo vestre dilectioni firmiter precipiendo mandamus, quatenus singulis annis terminis in prescriptis, quousque vita temporalis fuerit nobis duratura, predictas octo marcas denariorum premisso modo, partem scilicet octavo die festi Nativitatis Beati Ioannis Baptiste et residuam partem earumdem octo marcarum in festo Beati Emerici ducis ad numerum simplicium denariorum, scilicet unum bardus (!) pro duobus, unum novum denarium pro tribus simplicibus, prefato domino Iohanni abbati vel suo homini ostensori presentium in villa nostra Rew Komaron pure, plene et sine omni defectu ac diminutione, demptaque predictorum dissimulatione terminorum persolvere debeatis. Aliud facere non ausuri; presentes semper post lecturam reddi iubemus presentanti. Datum in Zyrch in festi Kathedre Beati Petri apostoli, anno Domini millesimo trecentesimo nonagesimo quarto. [1394. febr. 22.]