Magnifico viro domino Detrico de Pelsewlch, regni Hungarie palatino, domino et amico eorum honorando conventus monasterii Sancti Egidii de Symigio amicitiam paratam cum honore. Litteris vestris adiudicatoriis, formam et seriem deliberationis vestre in se exprimentibus nobis directis honorifice receptis et (!) iuxta earundem continentiam una cum magistro Nicolao de Saagh, homine vestro de curia regia ad id specialiter deputato, nostrum hominem, videlicet magistrum Petrum, dicti monasterii nostri notarium, ad ea, que in eisdem litteris vestris adiudicatoriis deliberative continentur, peragenda nostro pro testimonio transmisimus fide dignum. Qui demum exinde ad nos reversi nobis uniformiter retulerunt, quod ipsi feria quinta proxima post dominicam Ramispalmarum proxime preteritam [1400. ápr. 15.] ad facies possessionum Enyzd, religiosi viri domini fratris Dose, abbatis ecclesie Sancti Martini Sacri Montis Panonie actoris et per consequens dicte ecclesie sue et Zenthgyvrgh vocatarum, Nicolai, filii Nicolai, filii Pauli, de eadem Zenthgyvrgh, in causam attracti, per consequensque terre ducentorum et quinquaginta iugerum terre litigiosarum (!) usque nunc ad dictam possessionem Zenthgyvrgh anexe et possesse vicinis et commetaneis earundem universis inibi legitime convocatis et presentibus accedendo metas et signa metalia per Iohannem, filium Pauli, in prescriptis litteris vestris adiudicatoriis seriatim conscriptis mediante iuramento suo in eisdem specificato cumalatas, erigi factas, destruxissent et aboliri fecissent penitus et in toto et hiis sic habitis tandem in locis signorum metalium per Nicolaum dictum Fodor de Nema, legitimum procuratorem condam domini Ladislai, abbatis ecclesie Sancti Martini Sacri Montis Panonie, in presentia magistri Stephani de Pand, hominis domini Nicolai condam Konth palatini, testimonioque capituli ecclesie Quinqueecclesiensis iuxta iudiciariam commissionem eiusdem domini Nicolai in eisdem litteris suis adiudicatoriis expressam demonstratis et ostensatis per novas et evidentes metas iuxta demonstrationem domini fratris Petri prepositi, legitimi procuratoris eiusdem domini fratris Dose abbatis, hoc modo reambulassent; item prima meta hoc ordine distingitur, quod primo incepissent in valle Sztizol vocata circa seges dicte possessionis Zenthgyvrgh versus orientem iuxta quosdam dumos salicum ad iactum unius lapidis se ex extendentis (!) penes quoddam pratum, deinde pergendo ad dictam plagam orientalem per quandam vallem transseundo et de ipsa valle exeundo pervenissent ad quandam arborem piri, ubi ipsam metam terream circumfodissent, abhinc eundo ad eandem partem orientalem in bono spatio ad ictum unius sagitte pervenissent ad magnam viam, ibique vertendo in eadem via ad partem meridionalem pervenissent ad duas metas terreas spinosas, penes quas unam metam terream cumulassent, deinde pergendo in eadem via ad dictam plagam meridionalem, pervenissent ad quasdam arbores, sub quibus duas terreas reperissent, quarum unam renuassent (!) et ibidem metas ducentorum et quinquaginta iugerum terre terminassent, hiis habitis easdem sub ipsarum limitibus prescripte possessionis Enyzd ipsi domino abbati et ecclesie sue predicte anectendo eidem domino abbati et per consequens dicte ecclesie sue iure sibi incumbenti perpetuo possidendas et habendas contradictione prefati Nicolai, filii Nicolai et aliorum quorumlibet non obstante iuxta vestram iudiciariam conmissionem statuissent et conmisissent. In cuius rei memoriam, perpetuamque firmitatem presentes concessimus litteras nostras privilegiales pendentis et autentici sigilli nostri munimine roboratas. Datum duodecimo die metarum erectionis et statutionis prenotatarum, anno Domini millesimo quadringentesimo. [1400. ápr. 26.]