Serenissimo principi domino Sigismundo, Dei gratia Romanorum regi semper augusto ac Hungarie, Bohemie, Dalmatie, Croatie etc. regi, domino ipsorum metuendo Gregorius dictus Wariw de Meger, vicecomes et iudices nobilium comitatus Iauriensis subiectionem humilem cum perpetui fidelis famulatus (!). Vestra noverit celsitudo litteras vestras mediocri sigillo vestro consignatas, nobisque transmissas omni cum obedientia nos recepisse in hec verba:||
Sigismundus, Dei gratia Romanorum rex semper augustus ac Hungarie, Bohemie, Dalmatie, Croatie etc. rex, fidelibus suis comiti vel vicecomiti et iudicibus nobilium comitatus Iauriensis salutem et gratiam. Dicitur nobis in personis religiosi viri domini fratris Michaelis, abbatis monasterii de Beel et conventus loci eiusdem, quomodo Fabianus iudex de Garmath, Nicolaus, filius Blasii, de Nagbarathy, Gregorius, filius Blasii, dictus Zan, Thomas, filius Michaelis, Benedictus Ruffus, Stephanus, filius Thome Magni, Thomas Bank dictus, Stephanus, filius Michaelis, Petrus, filius Dominici, Dominici, carnifex, Symon dictus de Morochhida, Briccius Parvus, Laurentius Chonka, Nicolaus, filius Georgii, Iacobus, filius Laureintii, Dominicus Fizes dictus, Barnabas, filius Emerici, Georgius Beke dictus, Anthonius, filius Dominici, Emericus, filius Laurentii, Thomas, Iwan, Laurentius villicus, Petrus, filius Laurentii, Iohannes, filius Benedicti, Briccius Thakach, Iacobus, filius Clementis, Iacobus Serechen dictus, Paulus Dekan, Stephanus Kumies, Barthus et Petrus, Iohannes, Benedictus, Thomas, filii eiusdem Barthos, Ladislaus, filius Andree, Ladislaus Ban dictus, Benedictus Chonka, Mathas (!)Vari dictus, Mark, Laurentius, Gyhas, Thomas dictus Konia, Valentinus Pechy dictus, Petrus dictus Zany, Iohannes, filius Petri, Thomas Syke dictus, Georgius Kereke dictus, Benedictus et Paulus Varga de Garmath, offfciales et iobagiones religiosi viri domini fratris Anthoni, prepositi de Chorna et conventus loci eiusdem, ex conmissione et mandato ipsorum domini Anthoni prepositi et conventus domini ipsorum ac etiam consensus voluntate et instigatione Ladislai litterati de Pastor quasdam terras arabiles inter metas possessionis prefatorum dominus (!) abbatis et conventus Ponguad vocata (!) pro capetiis consuetis perarari ac etiam quam plurima fenilia seu prata falcari fecissent et infra octo annorum spatia retrolapsis (!) [1420--1428] absque solutione capetiarum seu proventus prati et fenili pro usu prefatorum domini abbatis et conventus debenti contra sepissimas prohibitiones ipsorum domini abbatis et conventus deportari fecissent; et quod idem dominus Anthonius prepositus personaliter et sui officiales eidem domino abbati et officiali eiusdem quam pluries de prefattis (!)capetiis et proventus prati et fenili omnimodam satisfactionem inpendere assumpissent et quod idem dominus Anthonius prepositus ad plurimas petitiones ipsius domini abbatis et sui officiali (!) minime facere curavissennt, imo, quod deterius, prefati iobagiones de Garmath ipsas terras arabiles absque solutione capetiarum ac fenilia et prata contra sepissimas prohibitiones uterentur de presenti; preterea prefati iobagiones de Garmath quendam iobagionem prefattorum (!) domini abbatis et conventus videlicet Symonem, filium Iohannis, de Kayar in possessione Garmath reperiendo ex mandato et conmissione prefatti domini prepositi et conventus de curru ipsius Symonis unum equum suum decem et quatuor florenos novos vallentem (!) minus iuste et indebite excepissent et quo ipsorum placuisset voluntati fecissent potentia ipsorum mediante in preiudicium ipsorum domini abbatis et conventus valde magnum. Super quo fidelitati vestre firmiter precipiendo mandamus, quatenus unum aut duos ex vobis transmittatis, qui ab omnibus, quibus incumbit, meram de premissis experiatur veritatem, quam tandem nobis fideliter rescribatis. Datum Bude, feria tertia proxima post festum Beati Georgii martiris, anno Domini millesimo quadringentesimo vigesimo octavo. [1428. ápr. 27.]||
Nos itaque mandatis ipsius vestre serenitatis semper obedire cupientes, ut tenemur, Iohannem de Felpech, iudicem nobilium, unum ex nobis de sede nostra iudiciaria ad prescriptam inquisitionem faciendam pro nostro homine duximus destinandum. Demum idem exinde ad nos reversus nobis retulit eo modo, ut ipse feria tertia proxima post festum Beatorum Philippi et Iacobi apostolorum de novo elapsum [1428. máj. 3.] in comitatu Iauriensi procedendo ab omnibus, quibus decens et opportunum fuisset, nobilibus videlicet, ignobilibus ac alterius cuiusvis status et conditionis dictus (!) comitatus hominibus palam et oculte diligenter de prenotatis inquirendo omnia premissa et quevis premissorum singula sic esse, fuisse et facta fore scivisset, sicut eidem vestre dictum extitisset maiestati et quemadmodum tenor litterarum vestrarum pro omnia continet prescriptarum. Datum Iaurino (!), quinto die diei inquisitionis antedicte, anno Domini supradicto.