Capitulum ecclesie Wesprimiensis omnibus Christi fidelibus presentibus pariter et futuris presencium (noticiam) habituris salutem in salutis largitore. Fraudulosa rerum varietas humanis sepe actibus adversatur, si literarum patrocinio non fulciatur. Proinde ad universorum noticiam harum serie volumus perversire, quod nos sumpma cum reverencia receptis literis annualibus serenissimi principis domini Sigismundi Dei gracia Romanorum regis semper augusti ac Hungarie ... etc. regis domini nostri metuendi pro parte domini Sifridi (!) abbatis claustri Beati Martini de Monte Pannonie ceterorumque religiosorum in eodem claustro Deo eviterno (!) iugiter serviencium confectis eisdemque per ipsam regiam serenitatem per anni circulum more solito ad inquisiciones, evocaciones metarumque possessionum apud manus ipsorum pacifice habitarum reambulaciones ac ad omnia alia, que in talibus processibus iuxta regni ipsius consuetudinem fieri consueverunt, perargenda (!) concessis nobisque preceptorie transmissis iuxta earundem continenciam unacum Benedicto de Chatar, homine regio in eisdem literis annualibus inter alios homines regios nominaliter conscriptos expresso nostrum hominem videlicet honorabilem virum magistrum de Eperjes socium et (concanonicum) nostrum ad infrascriptam reambulacionem metarum possessionis dictorum religiosorum Kis Cchanak vocatam (!) cometaneam cum possessionibus Chep, Igmand, Chem, Ach, Babona, Vas, Tarkan nostro pro testimonio fide dignum duximus destinandum. Qui demum exinde ad nos reversi nobis concorditer retulerunt, ut prelibatus homo regius presente nostro testimonio feria secunda proxima post dominicam Ramispalmarum proxime preteritam [1430. ápr. 9.] et aliis diebus ad id aptis et sufficientibus ad faciem dicte possessionis Kis Chanak dictorum religiosorum comitatus Comaromiensis vicius (! vicinis) et commetaneis eiusdem universis illuc legitime (convocatis) et eisdem presentibus accessisset ipsamque possessionem Kis Chanak a dictis possessionibus Cap (!), Igmand, Chem, Ach, Babona, Vas, Tarkan earumque pertinenciis sub infrascriptis metarum curribus taliter sequestrasset, quod primo incepisset a plaga meridionali penes quendam rivulum Cepitorok vocatum versus septemrionem (!) fluentem. Inde eundo in uno colle magno vulgo nagy halom tres metas terreas invenisset, quorum una ad Igmand versus orientem, alia ad Cep versus meridiem, tercia ad Kis Canak (!) versus septentrionem pertinet. Inde plagam meridionalem eundo aliam erexisset, deinde versus dictam plagam eundo in competenti spacio in superficie fossati oblongi alias metas veteras invenisset. Abhinc tenendo ad occidentem duas alias metas sibi oppositas reperisset, quarum una ad Cep versus meridiem, alia ad Kis Canak pertinet, invenisset. Abhinc eundo directe ad occidentem ad rivulum vekony alias sekes er penes rivulum unam aliam metam bene apparentem reperisset. Deinde pertranseundo rivulum dictum versus Tarkan aliam erexisset. Inde versus plagam antedictam versus Tarkan alias duas sibi oppositas invenisset, quarum una ad Kis Canak alia ad Tarkan pertinet. Abhinc versus septentrionem versus paludem piscosam prefate possessionis aliam erexisset et per competens spacium in fine paludis vulgo nagy homok infra collem aliam iuvenisset. Deinde transeundo paludem dictam versus dictam plagam in colle uno non procul a palude aliam reperisset. Hinc eundo versus septentrionem ad vias Iaurienses aliam metam reperisset inter ipsas vias. Inde eundo versus plagam dictam versus Babona ad fossatum oblongum non procul ab ecclesia Babona in fossato alias alias metas invenisset et erexisset. Abhinc ad plagam occidentalem ad unum collem magnum in ipsoque tres metas reperisset, quarum una ad Vas, alia ad Babona alia ad Kis Canak pertinet. Deinde versus orientem eundo inter terras aratas alias erexisset. Hinc ad dictam plagam eundo inter terras aratas ad viam arboratoriam vulgo achi erdőlő et ibique penes viam aliam reperisset. Deinde tendendo ad orientem ad collem directe versus montem ördögasta hegy dictum penes fossatum oblongum versus Igmand aliam metam invenisset et alias erexisset. Abhinc versus Igmand eundo in fossato oblongo unam antiquam metam sorokhatar vocatam reperisset. Inde eundo non procul ab Igmand alias erexisset. Hinc eundo ad viam Iauriensem ad collem non procul ab ecclesia Igmand unam metam in colle invenisset. Deinde rivulum Czonczo vocatum transeundo versus meridiem in uno colle unam metam invenisset, aliasque erexisset per competens spacium. Indeque versus orientem ad rivulum Cepitorok vocatum pervenisset et ibidem ipsam metalem reambulacionem et ereccionem a parte dictarum possessionum Cep, Igmand, Chem, Ach, Babona, Vas, Tarkan terminasset legitimis diebus et horis in facie eiusdem possessionis Kis Chanak residendo et commorando. Quibus terminatis prefatam possessionem Kis Chanak nominatam ipsis domino abbati et religiosis dicti claustri Beati Martini de Monte Pannonie perpetuo possidendam reliquisset nullo penitus contradictore ibidem apparente. In cuius rei memoriam firmitatemque perpetuum presentes contulimus literas nostras privilegiales pendentis autentici sigilli nostri munimine roboratas. Actum per manus honorabilis viri domini viri Petri de Nova rectoris ecclesie nostre predicte septimo Kalendas mensis Mai anno domini MCCCCXXX. [1430. ápr. 25.] honorabilibus et circumspectis viris domino Matheo de Liptovia preposito vicarioque in spiritualibus generali iam fate ecclesie nostre, Petro de Alba cantore, Iohanne custode et magistro Gregorio de Nemty decano canonicis ecclesie nostre in eadem sacristia nostra regi iugiter famulantibus eviterno.