Serenissimo principi domino Sigismundo, Dei gracia Romanorum regi semper augusto ac Hungarie, Bohemie, Croacie, Dalmacie etc. regi, domino ipsorum gracioso conventus monasterii Sancti Martini Sacri Montis Panonie oraciones in Domino debitas ac devotas cum perpetua fidelitate. Litteris vestris annualibus ad inquisiciones, evocaciones, prohibiciones, metarum erecciones et renovaciones ac ad omnia alia, que talibus in processibus [iuxta regni] vestri consuetudinem de iure fieri consueverunt facienda, pro religiosis viris, domino fratre Mychaele, abbate [...] conventu loci eiusdem emanatis ac eisdem per [...] datis et concessis nobis precepto[rie loquentes ...] suprema cum obediencia receptis et iuxta earum continenciam una cum Georgio filio Mychaelis [...] dictis litteris vestris annualibus inter alios homines vestros conscriptos nominaliter inserto nostrum [hominem, videlicet fratrem] Martinum, unum ex nobis ad infrascriptam inquisicionem et evocacionem faciendam nostro pro testimonio transmis[issemus fide]dignum, qui tandem exinde ad nos regressi nobis uniformiter retulerunt, quod cum ipsi in festo Beate Marg[arethe] virginis et martiris proxime preterito in comitatibus Iauriensi et Wesprimiensi simul procedendo a nobilibus et ignobilibus ac alterius cuiusvis status et condicionis conprovincialibus dictorum comitatuum hominibus, a quibus decens et opportunum fuisset, palam et oculte diligenter inquirendo talem de infrascriptis scire potuissent veritatem, quomodo Paulus filius Sebastiani, Dominicus et Iohannes filii Blasii, Petrus filius Anthonii, Paulus et Blasius filii Iohannis, Stephanus filius Georgii, Blasius filius Clementis, Paulus et Stephanus filii eiusdem, Andreas et Lampertus filii Petri, Anthonius filius Iohannis, Franciscus frater eiusdem, Iohannes filius Iohannis, alter Iohannes filius Pauli, Andreas filius Nicolai, Georgius dictus Thevely, Paulus dictus Gerse, Sebastianus filius Benedicti, Georgius filius Petri, Albertus filius eiusdem et Nicolaus Genchy de Thakachy ex induccione et voluntate nobilium dominarum consortum ipsorum una cum familiaribus et iobagionibus suorum de eadem Thakachy, feria quinta proxima post festum Translacionis Sancti Martini proxime preterita anno in presenti, dum idem dominus Mychael abbas et conventus familiares, videlicet Anthonium de Kapuch, Clementem de Therek, Laurencium villicum de Kayar et Petrum filium Iacobi de eadem iobagiones ipsorum ad percipiendas et numerandas, necnon dicandas decimas et capecias frugum ac alios proventus ipsorum de facie possessionis sew terre ipsorum Paniwad vocate transmisissent, tunc antedicti dyabolico zelo inflamati more latrocinio eosdem invadendo diris verberum et vulnerum plagis aficientes semivivos ibidem reliquissent ac res et universa bona ipsorum tunc apud ipsos reperta ab eisdem abstulissent potencia mediante in preiudicium et dampnum predictorum domini abbatis et conventus valde magnum, lite tamen inter ipsos pendente. Scitaque premissorum mera veritate eodem die antedictos nobiles de Thakachy, necnon nobiles dictas consortes ipsorum in eadem Thakachy, quemlibet videlicet ipsorum in possessione sua possessionaria in eadem Thakachy habita contra annotatum dominum Mychaelem abbatem ad octavas festi Beati Iacobi apostoli proxime nunc affuturas vestre serenitatis evocassent in presenciam litis pendencia, si que fuerit inter ipsos, non obstante racionem premissorum reddituros. Datum sexto die diei inquisicionis et evocacionis antedictarum, anno Domini millesimo quadringentesimo tricesimo.||
[Hátán:] Domino regi pro religiosis viris [...] Mychaeli, abbate de Beel contra Paulum filium Sebastiani de Thakachy et alios intrascriptos ad octavas festi Beati Iacobi apostoli proxime nunc affuturas modo interius expresso inquisicionis et evocacionis relacio.