Nos comes Mathius de Paloch iudex curie domini Sigismundi Dei gratia Romanorum imperatoris semper augusti ac Hungarie, Bohemie, Dalmatie, Croatie etc. regis, damus pro memoria, quod Demetrius litteratus de Wesprimio pro domino fratre Michaele, abbate ecclesie de Beel, cum procuratoriis ecclesie Sancti Martini Sacri Montis Panonie iuxta continentiam litterarum nostrarum prorogatoriarum in octavis festi Beati Michaelis archangeli [1434. okt. 6.] in figura nostri iudicii comparendo contra Benedictum, filium Nicolai et Iacobum de Derechke proposuit eo modo, quomodo prefatus Benedictus de Dereckke alias de Achad, familiaris condam religiosi viri domini Martini abbatis dicte ecclesie de Beel ex consensu, voluntate et instigatione annotati Iacobi de eadem Derechke decesso ipso domino Martino abbate confractis ladulis et scriniis quam plurima litteralia instrumenta seu privilegia factum possessionis eiusdem monasterii Kayar vocate tangentia, necnon pecunias et pictoria argentea et alia clenodia in domo eiusdem abbatis repertas et inventa excipiendo deportasset et quo sue placuisset voluntati fecisset potentia mediante in preiudicium iuris dicti monasterii valde magnum. Que sic facta fore exhibitionibus quarumdam trium litterarum inquisitoriarum, unius capituli Wesprimiensis et alterius conventus Sancti Martini Sacri Montis Panonie predicti ecclesiarum, necnon tertie vicecomitis et iudicum nobilium comitatus Wesprimiensis, sub uno sensu et forma verborum in diversis terminis emanatarum domino nostro regi ad sua regia litteratoria mandata rescriptarum declarans, eidem domino abbati ex parte prefatorum in causam attractorum per nos in premissis iuris equitatem petivit impertiri. Quo audito Blasius de Pathyhaza pro prefatis Benedicto et Iacobo cum procuratoriis litteris domini Georgii archiepiscopi ecclesie Strigoniensis ac iudicis in causis in presentia palatinali vertentibus in nostram exurgendo presentiam respondit ex adverso, quod iidem Benedictus et Iacobus in totali premissa actione et acquisitione dicti domini abbatis innocentes essent penitus et inmunes. Et, quia procurator partium prescriptarum easdem ad ulteriorem conprobationem nobis legittime (!) requirentibus non conmittebat, sed eisdem in premissis iuxta preexhibitarum trium litterarum inquisitoriarum vigores per nos iudicium dari petebat, pro eo hiis perceptis iudicando conmisimus eo modo, ut prefati in causam attracti, Benedictus et Iacobus centesimo se nobilibus, quilibet scilicet eorum quinquagesimo se, ita videlicet, ut prefatus Iacobus de Derechke octavo die festi Beati Georgii martiris, [1435. máj. 1.] annotatus autem Benedictus, filius Iacobi (!) octavo die festi Nativitatis Beati Iohannis Baptiste, [1435. júl. 1.] terminis scilicet nunc post sese consequenter affuturis semper coram capitulo ecclesie Iauriensis super eo, quod ipsi in totali premissa actione et acquisitione dicti domini abbatis innocentes sint et existant [penitus et inmunis] sacramenta prestare et post hec ipsarum iuramentalium depositionum series in litteris me[morialibus capituli ecclesie Iauriensis ad] octavas festi Beati Iacobi apostoli similiter nunc venturas [1435. aug. 1.] nobis repor[tare debeant] ... prefati [Benedictus et] Iacobus iudicia triginta marcarum nunc nobis [et par]ti adverse persolvere debentia non per[solverunt] ... [persol]vere teneantur. Datum Bude, quinquagesimo octavo die termini prenotati, anno Domini millesimo quadringentesimo tricesimo quarto. [1434. dec. 2.]||
[Kívül:] Super iuramentis pro religioso viro domino Mychaele, abbate ecclesie de Beel, contra Benedictum, filium Nicolai, Iacobum de Derechke per eosdem Benedictum, Iacobum centesimo se nobilibus per quemlibet videlicet eorum quinquagesimo se, per prefatum Iacobum octavo die festi Beati Georgii martiris, per annotatum vero Benedictum octavo die Nativitatis Beati Iohannis Baptiste semper coram capitulo ecclesie Iauriensis modo infrascripto deponendis memorialis et ab octavis festi Beati Iacobi apostoli legitime durandis ad iudicem.