Nos Mathius de Paloch, regni Hungarie palatinus et iudex Comanorum, damus pro memoria, quod Demetrius litteratus de Wesprimio pro domino Mychaele, abbate de Beel, cum procuratoriis litteris conventus Sancti Martini Sacri Montis Panonie iuxta continentiam litterarum nostrarum prorogatoriarum in octavis festi Epiphaniarum Domini [1436. jan. 13.] in figura nostri iudicii comparendo contra Georgium et Paulum, filios Anthoni, de Papa proposuit eo modo, quomodo iidem Georgius et Paulus una cum Iohanne de Dereske, altero Iohanne, filio Cosme, de dicta Papa, Laurentio de eadem, Stephano de Chyge, Luca Parvo de Salamon familiaribus, item Benedicto Sclavo, Mychaele, Demetrio, filio Nicolai, Georgio Themes, Anthonio, Petro, Lamperto, Georgio fabro, Nicolao sartore, Francisco, Luca Chapo, Iohanne Karachon, Matheo, Mychaele dicto Chastal, Demetrio, filio Ladislai fabri, Georgio, filio Egidii, Iohanne, altero Iohanne, filio Mychaelis, Valentino, Iohanne, filio Demetrii, Fabiano, Luca, filio Egidii, Mychaele Bechen, Nicolao, altero Nicolao, Valentino fabro et Iacobo iobagionibus ipsorum in possessione Semleer residentibus feria tertia proxima post festum Beate Petronelle virginis in anno, cuius tertia adveniret revolutio, [1434. jún. 1.] quedam fena pro eodem domino Mychaele abbate intra metas possessionis sue Agyaglyk falcata in facie terre dispargi (!), ad lutumque calcari, destrui et penitus anihilari; preterea idem Georgius et Paulus una cum pretitulatis iobagionibus et familiaribus ipsorum de facie terre eiusdem domini abbatis ad predictam Agyaglyk spectantis nonnullos boves, pecoraque et pecudes ac alia animalia molendinatoris sui in ipsa Agyaglyk conmorantis ac ceterorum hominum forensium in molendino suo in dicta Agyaklyk existentium molantium sepe sepius depelli et quo eorum placuisset voluntati fecissent; ceterum prenominati Georgius et Paulus una cum predictis familiaribus et iobagionibus ipsorum circa festum Beati Bartholomei apostoli in dicto anno preteritum [1434. aug. 24.] et aliis diebus idem festum sequentibus quandam particulam prati seu fenilis ipsius domini Mychaelis abbatis ad predictum molendinum suum pertinentem falcari et fena f[alc]ata asportari fecissent potentia eorum mediante in preiudicium ipsius domini Mychaelis abbatis et dampnum valdum magnum. Et hec sic facta fuisse exhibitionibus [trium] litterarum inquisitoriarum, unius capituli Vesprimiensis et alterius conventus Sancti Martini Sacri Montis Panonie, necnon tertie vicecomitis et iudicum nobi[lium] comitatus Vesprimiensis sub uno sensu et forma verborum loquentium in diversis terminis emanatarum conprobans, eidem ex parte memoratorum in causam attractorum per nos in premiss[is] iudicium et iustitiam petivit impertiri.||
Quo audito Lucas de Salamon pro prefatis Georgio et Paulo de Papa cum procuratoriis litteris comitis Stephani de Bathor [in] nostram exurgendo presentiam respondit ex adverso, quod idem Georgius et Paulus in totali premissa actione et acquisitione dicti actoris innocent[es] essent penitus et immunes; ex parte autem iobagionum suorum et familiarium ignobilium, qui in premissis inculparentur et erga ipsos haberentur iuxta regni [consuetu]dinem iudicium et iustitiam facerent. Et quia partes prescripte eorum allegata et obiecta nullo ampliori documento comprobabant, sed iuxta vig[ores] exhibitarum trium litterarum inquisitionalium ipsis per nos in premissis iudicium fieri postulabant, pro eo hiis perceptis iudicando conmisimus eo modo, ut [prefati Ge]orgius et Paulus centesimo se nobilibus, quilibet videlicet eorum quinquagesimo se, ita videlicet, quod idem Georgius vigesimo di[e festi Beati] Georgii martiris, [1436. máj. 13.] ipse siquidem Paulus vigesimo quinto die festi Beati Iacobi apostoli, [1436. aug. 18.] terminis nunc post sese consequenter a[dvenientibus co]ram capitulo ecclesie Iauriensis super eo, quod ipsi in totali premissa actione et acquisitione predicti domini Mychaelis abbatis de [Beel penitus] innocentes sint et existant, sacramenta prestare et tandem octavo die dicti vigesimi quinti diei festi Beati Iacobi [apostoli [1436. aug. 15.] ipsi in causam attrac]ti vel procurator ipsorum legitimus aut villicus ex parte prescriptorum iobagionum et familiarium ipsorum ignobilium, qui in premissis inculparentur [et erga ipsos] haberentur, coram uno iudice nobilium comitatus Vesprimiensis, cui serie presentium illuc accedere iubemus iuxta regni con[suetudinem in fa]cie possessionis Sempleer predicte iudicium et iudiciam (!) facere et impendere, et post hec iuramentalium [depositionum et] iudicii et iustitie impensionis series partes in litteris memorati capituli Iauriensis ac dictorum vicecomitis et iudicum [nobilium ad] octavas dicti festi Beati Iacobi apostoli legitime perdurandas nobis reportare teneantur. Datum Bude, quinqua[gesimo die] termini prenotati, anno Domini millesimo quadringentesimo tricesimo sexto. [1436. márc. 2.]