Serenissimo principi, domino eorum, domino Sigismundo, Dei gratia Romanorum, imperatori semper augusto ac Hungarie, Bohemie, Dalmatie, Croatie etc. regi, Gregorius Varyw de Megyer vicecomes et iudices nobilium comitatus Iauriensis promptitudinem famulatus cum perpetua fidelitate. Litteras preceptorias vestre serenitatis ad propriam vestram conmissionem emanatas noveritis nos metuenter recepisse in hec verba:||
Sigismundus, Dei gratia Romanorum imperator semper augustus ac Hungarie, Bohemie, Dalmatie, Croatie etc. rex fidelibus nostris, comiti vel vicecomiti et iudicibus nobilium comitatus Iauriensis salutem et gratiam. Pro parte et in personis fidelium nostrorum religiosi fratris Michaelis, abbatis monasterii de Beel et conventus loci eiusdem nostre exponitur maiestati gravi cum querela, quomodo egregii Akatius, Gregorius et Demetrius, filii condam Pauli bani Chupor dicti de Monoslo ac nobilis domina, relicta condam Stephani similiter Chupor dicti de eadem Monoslo et Gaspar, filius eiusdem, circa festum Penthecostes proxime preteritum [1435. jún. 5.] per Benedictum officialem ipsorum per eos in possessione eorum Patona vocata constitutum ac Martinum Chapos, Ladislaum, Gregorium, Benczech, Anthonium, filium Mauritii, Stephanum litteratum, Georgium Mendenes, Thomam Mathiusfeuldi, Iacobum Zele, Iohannem Darabos, Iacobum et Laurentium sutores, Anthonium Okos, Blasium Fenyew, Thomam Molnar, Paulum Cholth, Iacobum Halas, Benedictum Chapo, Georgium sutorem, Anthonium Baga, Iohannem Balag, Blasium Ruffum, Emericum, filium Nicolai, Iohannem fabrum, Anthonium carnificem, Benedictum, Anthonium, Briccium Allethe, Benedictum Geche, Martinum Iasy, Blasium Keueer, Georgium, filium Ladislai, Vincentium, Stephanum Ihe, Paulum Tymar, Georgium Feyer, Mathiam Hamar, Andream sutorem, Georgium Saag, Iohannem Kapuus, Georgium Taar, Barnabam, Blasium Keueer, Georgium Isaak, Iohannem Molnar, Blasium Raach, Ladislaum sclavum, Petrum Chapaw, Nicolaum, filium Blasy, Paulum Fyntha, Thomam, filium Blasy, Petrum Terekes, Iohannem Baga, Andream Gymolth, Iohannem Borda, Pety sartorem, Michaelem Fyntha, Albertum sartorem, Benedictum Teryekes, Bartholomeum, [Georgium] carnificem, Iacobum Gya(r)math, Thomam, filium Michaelis, Michaelem, filium Augustini, Benedictum Isaak et Paulum, iobagiones ipsorum [in pre]dicta possessione eorum Pathona commorantes, quasdam metas possessionis eorundem Kayar vocate [per] araturas [dispergil et aboliri ac intra limites metarum ipsorum quandam terre particulam prope Zezkwth situate et ad predictam possessionem ipsorum scilicet abbatis et conventus Kayar nuncupatam spectantis perarari; hiis non contenti circa festum Beati Michaelis archangeli consimiliter proxime preteritum [1435. szept. 29.] eandem terre ipsorum particulam, modo quo supra, prius peraratam per predictos iobagiones eorum in predicta Pathona commorantes possessionem ad eandem occupari, applicari ac denuo perarari et seminari fecissent potentia mediante in preiudicium et dampnum prefatorum abbatis et conventus valde magnunum. Super quo pro parte ipsorum abbatis et conventus supplicatum extitit nostre maiestati humiliter et devote, ut ipsis superinde condignum iuris remedium adhibere dignaremur.||
Et quia talismodi metarum dispersiones, terrarumque arabilium indebite occupationes non debent simpliciter pertransiri, ideo fidelitati vestre firmiter precipiendo mandamus, quatenus habita presentium notitia, universis vicinis et commetaneis predicte possessionis Kayar vocate, ceterisque nobilibus comprovincialibus pretacti comitatus Iauriensis, quibus decet et licet, ad facies predictarum metarum et terre arabilis per annotatos Akatium, Georgium et Demetrium ac relictam condam Stephani Chwpor et Gasparem, filium eiusdem, ut prefertur, occupari factarum ad unum certum et brevem terminum per vos deputandum convocatis, si ab eisdem, ad fidem eorum Deo debitam, fidelitatemque nobis ac sacro nostro regio dyademati observatidam tacto dominice crucis signo per eosdem coram vobis ac Petro dicto Ispan de Azonfolwa, aut Dominico de Pychord vel Michaele de Nema, seu Matheo dicto Kewkes de Kyzo seu Luca de Haly sive Dominico Gywke dicto de Balaspechy, neve Demetrio de Felpech aut Andrea dicto Zwph de eadem, aut Petro dicto Barcha de ipsa Zwph, aliis absentibus homine nostro et testimonio capituli ecclesie Iauriensis, quod per ipsum capitulum ad id harum serie transmitti iubemus, partibus etiam predictis vel earum legitimis procuratoribus presentibus [et] similiter illac accersitis prestandum, prescriptas metas modo premisso peraratas, dispersas et abolitas, pretactamque terre particulam dictorum abbatis et conventus ad prefatam possessionem ipsorum Kayar vocatam pertinere ac per annotatos Akatium, Georgium, Demetrium et relictam dicti condam Stephani Chwpor et Gasparem filium eiusdem a manibus eorundem abbatis et conventus tempore in predicto, cuius videlicet nondum preteriit revolutio annualis, indebite occupari factam et ipsos exponentes de dominio eiusdem potentialiter exclusos fore ex huiusmodi vicinorum et commetaneorum, nobiliumque comprovincialium veridicis attestationibus reperieritis, ex tunc ante omnia memoratas metas per antefatos filios Chwpor, eorumque officiales et ad ipsos pertinentes, modo quo supra, abolitas et dispersas in pristinum earum statum reducere et reerigere et demum, exclusis ipsis Akatio, Georgio, Demetrio ac relicta, necnon, Gasparo, filiis ipsius condam Stephani Chwpor, de ipsa particula terre, eosdem abbatem et conventum rursus et iterum in dominium eiusdem reintroducere et eandem eisdem restatuere, ipsosque in dominio eiusdem contra et adversus antefatos Akatium, Georgium, Demetrium, relictam condam Stephani Chwpor et Gasparem, filium eiusdem, protegere, tueri et defensari debeatis nostre maiestatis in persona et autoritate presentibus vobis in hac parte attributa et iustitia mediante. Secus non facturi in premissis. Quibus habitis idem homo noster presente ipso testimonio antedicti capituli Iauriensis memoratos Akatium, Georgium, Demetrium ac relictam condam Stephani Chwpor et Gasparem, necnon ipsum Benedictum officialem eorum in predicta possessione ipsorum Pathona per eos constitutum contra prelibatos Michaelem abbatem et conventum nostram evocet in presentiam ad terminum competentem rationem super premissis actibus potentiariis reddituros, litis pendentia, si qua foret inter ipsos, non obstante, prefatos iobagiones ipsorum eosdem statuere committendo; et post hec seriem omnium premissorum, ut fuerit expediens, cum propriis et possessionum, attestantium, necnon evocatorum et statuere commissorum nominibus, terminoque assignato, per vos et dictum capitulum nobis fideliter rescribi volumus et mandamus. Presentibus perlectis exhibenti restitutis. Datum in Pesth feria secunda proxima post dominicam Reminiscere, anno Domini millesimo quadringentesimo tricesimo sexto, regnorum nostrorum anno Hungarie etc. XLIX, Romanorum XXVIo, Bohemie XVIo, imperii vero tertio. [1436. márc. 5.]||
Unde nos mandatis vestre serenitatis in omnibus obedire cupientes, ut tenemur, nobilem virum Andream, filium Sebastiani de Bewn, vices nostras, scilicet prefati Gregorii Varyw, gerentem ad premissa peragenda de sede nostra iudiciaria duximus transmittendum. Qui tandem ad nos exinde reversus nobis retulit isto modo, quod ipse sabbato proximo post festum Inventionis Sancte Crucis proxime preteritum [1436. máj. 5.] una cum prefato Demetrio de Felpech, homine vestro et discreto viro domino Stephano de Papa, canonico et testimonio capituli Iauriensis, ad facies predictarum metarum et terre arabilis dictorum abbatis et conventus per annotatos Akatium, Gregorium et Demetrium ac dominam relictam condam Stephani Chupor, necnon Gasparem, filium eiusdem, occupari factarum, ad quem scilicet locum idem Andreas de Bewn universos vicinos et commetaneos predicte possessionis Kayar vocate, ceterosque nobiles comprovinciales dicti comitatus Iauriensis, quorum nomina presentibus inferius sunt inscripta et etiam partes prescriptas per Iohannem, filium Symonis de Felpech, unum ex nobis, iudicem nobilium ad videndum iurare in causa premissa predictos vicinos et commetaneos ac comprovinciales aggregari et convocari fecisset, accessissent, ubi in ipsorum presentia idem Andreas de Bewn presente prefato fratre Michaele abbate, prenominatis autem Akatio, Georgio, Demetrio et relicta domina Stephani Chwpor ac Gaspare filio suo non comparentibus, nec procuratorem ipsorum mittentibus, eosdem vicinos et commetaneos ac nobiles comprovinciales ad fidem eorum Deo debitam, fidelitatemque vobis et sacro vestro regio dyademati observandam, tacto dominice crucis signo prestitam, de continentiis predictarum litterarum vestrarum requisitos habuisset, qui omnia premissorum et quevis premissorum singula sic et eatenus per prenominatos Akatium, Georgium, Demetrium, dominam relictam condam Stephani et Gasparem, filium eiusdem, ipsorumque officiales et familiares ac iobagiones ipsorum prenominatos facta et perpetrata fuisse retulissent et affirmassent, prout vestre maiestati dictum extitisset et quemadmodum tenor litterarum per omnia continet prescriptarum; item egregii viri Blasius et Michael, filii Nicolai, dicti Barocz de Iaar, commetanei ex parte possessionis eorum Pecz, item religiosus vir dominus frater Emericus, prepositus de Sambok, Dominicus, filius Michaelis dicta Gywke, de Balaspech, Georgius de Gycz, Martinus, filius Nicolai de eadem, domina Agatha soror prefati Dominici filii Michaelis, relicta condam Pauli de dicta Balaspech, Iacobus de Repas, similiter commetanei, item Petrus, filius Georgii de Felpech, Lucas, filius Andree dicti Gywke de Hol, Michael, filius Stephani, de Zerechen, Lucas de eadem, Andreas de Felpech, nobiles vicini, omnes ex scitu, item Iohannes Patha de Lykwassan, Petrus dictus Ispan de Azonfolwa, Dominicus de Bedege, alter Dominicus de Kysdem, Gallus de Zenth Iwan, similiter nobiles comprovinciales, modo premisso omnia facta fore affirmarunt, prout superius est declaratum. Et quia ex veridicis attestationibus eorumdem vicinorum et commetaneorum, nobiliumque comprovincialium memoratus Andreas de Bewn prefatas metas modo premisso peraratas et abolitas, pertactamque (!) terre particulam dictorum abbatis et conventus ad prefatam possessionem ipsorum Kayar vocatam pertinere ac per annotatos Akatium, Georgium, Demetrium et relictam condam Stephani Chupor ac Gasparem, filium eiusdem a manibus eorumdem abbatis et conventus tempore in predicto, cuius videlicet nondum preterisset revolutio annualis indebite occupari factam et ipsos exponentes de dominio eiusdem potentialiter exclusos fore reperisset, ideo ipse Andreas de Bewn presentibus prefatis Demetrio de Felpech vestro et domino Stephano de Papa, canonico Iauriensi, testimonio eiusdem capituli, hominibus, ante omnia memoratas metas per antefatos filios Chupor, eorumque officiales et ad ipsos pertinentes modo quo supra abolitas et dispersas in pristinum earum statum reduxisset et erexisset et demum exclusis ipsis Akatio, Georgio, Demetrio ac relicta, necnon Gaspare, filio ipsius condam Stephani Chupor, de ipsa particula terre, cosdem abbatem et conventum rursus et iterum in dominium eiusdem introduxisset et eandem eisdem restatuisset, ipsosque in dominio eiusdem contra et adversus Akatium, Georgium et alios prescriptos protegere et tuere ac defensare spopondisset et promississet vestre maiestatis in persona et auctoritate sibi in hac parte attributa et iustitia mediante. Datum Iaurini, sexto die diei executionis premisse, anno Domini supradicto. [1436. máj. 10.]